حاجة محيرة مع البنزين ؟؟

**م/أحمد عبد الفتاح** · 25-10-2016 09:57 PM

المشاركة الأصلية كتبت بواسطة tasaka

بس اعتقد ( محتاجه مراجعه ) ان الكانستر هو اللى بيشيل البخار الزايد جوه التانك .. و الكانستر هو اللى بيرسل البنزين الاول ( موش التانك نفسه ) بمعنى ان التانك بيرسل للكانستر و منه الى الموتور .. بس اكيد مستوى البنزين جوه التانك ليه تأثير !!

الكانيستر بيستقبل من فايظ وتهوية التانك مش من التانك نفسه علشان مافيش ريحة بنزين او ابخرة بنزين تلوث البيئة

**samehgoda** · 08-11-2016 03:43 PM

المشاركة الأصلية كتبت بواسطة م/أحمد عبد الفتاح

جرب تغير غطا تانك البنزين بغطا جديد اصلى وشوف الأخبار

حضرتك تقصد ااغطاء الصغير القلاووظ ؟؟ إيه علاقته بالموضوع ؟؟

**م/أحمد عبد الفتاح** · 08-11-2016 07:39 PM

المشاركة الأصلية كتبت بواسطة samehgoda

حضرتك تقصد ااغطاء الصغير القلاووظ ؟؟ إيه علاقته بالموضوع ؟؟

بالظبط الغطا القلاوظ اللى على فتحة التموين بالبنزين - العربيات اللى فيها المنظومة دى بتعتمد على خلخلة الهواء أو الفاكيوم علشان الابخرة اللى بتملى الكانيستر تتسحب عن طريق بلف الـ purge الموجود بجوار الموتور وتخش بعد كده تتحرق مع البنزين فى الموتور. ولازم يكون فيه حاجه تقدر تشفط الابخرة من الكانيستر والحاجه دى هى الفاكيوم اللى بينشأ فى الدايرة دى ولو فيه اى تسريب هوا من اى مكان فى الدايرة مابيحصلش فاكيوم وتزيد الابخرة فى الكانيستر وتعمل ضغط عكسى يأثر على أداء الموتور - الغطا لو منفس بسبب الجوان بتاعه مثلاً حايحصل تسريب هوا لخط الفاكيوم وتحصل المشكلة دى.

**م/أحمد عبد الفتاح** · 16-11-2016 08:57 PM

المشاركة الأصلية كتبت بواسطة samehgoda

شكرا لحضرتك ياباشمهندس طيب إزاى نتأكد إن الغطاء سليم ؟ عشان ممكن نجيب استيراد ويكون نفس الموضوع

غطا جديد وريح دماغك - الاستعمال محدش يقدر يحكم عليه

**م/أحمد عبد الفتاح** · 16-11-2016 09:01 PM

انت بتبدأ بالحاجات السهلة والرخيصة زى غطا التانك - ممكن احتمال كبير يجيب نتيجة وممكن مايحصلش حاجه وتفضل المشكلة - بس تغييرك للغطا ماضرش حاجه - لأن اللى بعد كده حاتخش فى دايرة طلمبة البنزين وحاتبقى هيصة حتاخد وقت على ماتتلم لأن الصنايعية زى ماحضرتك عارف زى الفل :)