الموضوع: حاجة محيرة مع البنزين ؟؟

المشاركة الأصلية كتبت بواسطة borio1704

أنا كمان بلاحظ نفس الملحوظة دي في عربيتي (سيراتو 2014)...

أتوقع إن مستوى البنزين في التانك له علاقة فعلا...

البنزين لما بيقل بيتبخر ويملا الفراغ جوه التانك.. وفعليا .. البنزين علشان يتحرق لازم يبقى بخار... مش سائل..

معرفش إذا كان ده ممكن ده يأثر على طبيعة البنزين اللي ماشي في الخراطيم ولا لأ

أتوقع بردو تكون الرشاشات فيها مشكلة... بمغنى إن البنزين مش بيتحول لرذاذ/بخار بالشكل الكافي أثناء بخه في السلندر.. وبالتالي الاحتراق مش بيبقى كويس إلا إذا كان البنزين جاي في صورة بخار أصلا.


ممكن حد من الزملاء الكرام هنا يساعدنا بردو.


...

أعتقد إن المشكلة عندك فى نظام الـ EVAP وده نظام علشان يحافظوا عالبيئة من ابخرة البنزين ومكون من غطا تانك البنزين وكانيستر وبلف كهربى عليها إسمه vent valve بلف التهوية وبلف تانى قريب من البوابة اسمه purge valve وشوية خراطيم بتوصل الحاجات دى ببعضها . طبعا لو عملت سيرش عالنت حتلاقى كلام كتير عن الموضوع ده وحتلاقى فيه الموضوع سهل جدا هو كود من تلاتة p0455 - p0456- p0457 او رسالة على لوحة العدادات chkcap او gascap - لكن الواقع الحقيقى ان نسبة ظهور الاكواد او الرسالة دى بسيطة جدا وفى الغالب مابتظهرش معاك اى حاجه بس تلاقى الاعراض شغالة معاك يمكن واحد متابع اداء عربيته ياخد باله من الاعراض البسيطة زى نسبة ملو التانك بتأثر على اداء العربية مثلاً - وفيه اعراض تانية مشهورة زى لما تيجى تفول التانك فى البنزينة التفويل بياخد وقت طويل لأن البنزين بيرجع من الفتحة - او تلاقى ان العربية تبطل بمجرد فتح غطا التانك (ودى بتكتشفها عشوائى بالبخت لأن العادى ان الواحد بيبطل الموتور وهو بيفول بس ساعات الراجل بيفتح الغطا قبل ماتبطل فبتكتشف الموضوع ده) .
فيه طرق للتشخيص ناس بتعملها بس محتاجه ظروف معينة من حيث درجات الحرارة بتاعة الجو وبتاعة البنزين والضغط فى التانك سواء ضغط او فاكيوم وشوية حاجات صعب تحققها الا لو معاك شوية اجهزة محترمة وكتالوج منظومة الـ EVAP المتركبة عالعربية ودى حاجات صعب تحقيقها - لو فيه كود بيبقى من السهل شوية تأكده .
من وجهة نظرى حل مشاكل الـ EVAP بيبقى بدون أى إختبارات هو لو حصل معاك أى عرض من الأعراض اللى ذكرتها فوق أول حاجه فحص جميع الخراطيم اللى على الكانيستر والـ purge valveوتانى حاجه تغير غطا التانك بتاع البنزين وتستنى بتاع اسبوع من القيادة اليومية وتشوف هل الأعراض مستمرة ولا راحت (ولو فيه لمبة منورة تطفيها على سكانر وتجرب الأسبوع لو نورت تانى ولا منورتش) - لو مافيش فايدة يبقى تغير الكانيستر والـ vent valve والـ purge valve خصوصا وانك لو اشتريت الكانيستر بس بيبقى تمنه قريب من انك تشتريه بالبلوف الفرق بسيط جداً .
الحل ده من واقع تجارب كتيرة حصلت فى كذا ماركة من العربيات وكمان انا ملاحظ إن مشاكل الـ EVAP بتظهر كتير فى الكيا بالذات اللى فى السعودية :) - فيه كذا عضو هنا فى المنتدى كان عندهم أعراض بس من الاعراض التقيلة مش البسيطة .
وأعتقد فى موضوع حضرتك ممكن تغيير غطا تانك البنزين يظبط الدنيا.