عربيه في حدود 500 الف سواء زيرو او مستعمل

**bakkarahmed** · 23-10-2016 02:28 PM

السلام عليكم
انا محتار جدا ومش عارف اخد قرار في نوع محدد اشتريه
انا بفكر في سبورتاج التيربو بس خايف من سعر اعاده البيع بتاع التيربو...يعني سبورتاج الهاي لابن بياعه وسعرها 435 والتيربو تزيد 60 بس فرق فتيس وتيربو وغيره بس مضمنش اعاده بيعها...فمش عارف ده صح والا التيربو بياعه
وفي نفس الوقت كل ما اقول لحد يقولي حرام المبلغ ده في كوري ويقولي هات بي ام 320 او مرسيدس cal 180
مشكله البي ام انها ما بتمسكش سعر واعاده بيعها بطيئه وواطيه علي الارض وقاعدتها واطيه غير كده عربيه جامده
والمرسيدس شكل ممتاز بس ضيقه وبنزين 92 غلبنا ساعه السفر لمكان بعيد زي شرم او الغردقه
فمحتار والمبلغ كبير ومش عايز اخسر
طبعا كان في اعتباري من سنتين البيجو 508 بس دلوقت حاسس انها قديمه وانها ماحصلتش حداثه الاسبورتاج في الشكل ولا هيبه البي ام في دخلتها
من الاخر لو حد قرر يشتري في رنج 400 ال500 هايشتري ايه !!!!!
وطبعا العربيه اللي هاشتريها هايبقي شكرا عليا كده وغالبا هاتقعد معايا اقله 5 سنين

**hugan** · 23-10-2016 03:53 PM

لو بتفكر في اعاده البيع
الكوري متصدر المشهد ورقم واحد بلا منافسه ومتفوق علي الياباني كمان

**catraz** · 24-10-2016 04:19 AM

في قدامك حلول تانية فكر فيها برضوا، عندك:-
1- سوبارو أوت باك، عالية عن الأرض قوية ياباني معتقدش السوبارو محتاجة كلام، وسعرها هيبقى في نفس الرينج.
2- فورد كوجا.
ولو عايز عربية بجد بقى حاجة تعيش معاك وتريحك بغض النظر عن موضوع البيع لانك مش هتفكر تبيعها من حلاوتها، يبقى عليك وعلى فولفو S60 وسعرها في نفس الرينج، ولو عايز العالية عن الأرض في اختها v60 وهتبقى كسبت من الناحيتيين، عربية محترمة وفيها كل اللي هتحتاجه، وتعتبر هجين بي إم دبليو ومرسيدس، وبسعر ارخص