الموضوع: بولو ولا ابيزا

منتظر اراءكو يا شباب

المشاركة الأصلية كتبت بواسطة osama srhan

انا يا شباب بغير عربيتى
و المبلغ الى معايا 45000 و ممكن يزيد 5000 بس مش اكيد
دلوقتى انا محتاج عربيه فى الرينج ده
انا استخدامى سفر كتير و 60%من اماكن شغلى طرق مكسره بحب الجرى و النعومه و يكون فيها تكييف
ف دلوقتى انا كنت بفكر فى لانوس 2000 بس كتير نصحونى ان الكورى مش هيستحمل ظروف اماكن مشيى و بعدين انا دلوقتى توصلت ل ابيزا 98 او بولو 97-99
انتو ايه رايكو ولو فى اقتراحات احب اعرفها و اسف جدا على الاطاله

انا ارد فى حدود استخدامى مين اللى قال لك ان الانوس مش اتسحمل هى معايا مناسبة جداا وعفشتها كويسة واقتصادية

اما بالنسبة للابيزا او بولو انا لم استخدمهم ممكن عضو تانى يفيدك

طب ايه نظام اللانوس فى تكييفها
و ايه اعطالها الشائعه

المشاركة الأصلية كتبت بواسطة osama srhan

طب ايه نظام اللانوس فى تكييفها
و ايه اعطالها الشائعه

بص لو التكييف سليم الكورى بيميز باداء تكييفة هو واليابانى يعنى شغال بس بشرط ان يكون التكييف سليم

اعطال الانوس انا شارى مستعمل بقالى حوالى سنة الحمد لله اعتمادية بتصرف عليها الصيانة العادية زيها زى اى عربية ويقال ان الفرامل ضعيفة بس من تجربتى ممكن تكون ضعيفة شوية بس مش بالشكل اللى البعض بيقولة

الانوس زيها زى اغلب العربيات واطية ولو محمل ممكن تحك فى المطبات

طيب و بالنسبه للجرى و السفر
لان انا بحب الجرى و السواقه الاسبور فى السفر

المشاركة الأصلية كتبت بواسطة osama srhan

طيب و بالنسبه للجرى و السفر
لان انا بحب الجرى و السواقه الاسبور فى السفر

بص عامتا الانوس مش بتاعة جرى وسواقة اسبور لو على الجرى اتجرى بس انسى الثبات بعد 120

وانا ليا وجهة نظر بعد 120 بيبقى صعب تتحكم فى العربية لو راكب اى عربية فنصيحة عامتا بلاش تجرى

وكمان انسى انك تلاقى كل اللى انت عايزة فى العربية والا مكنش فيه عربية ب 100 الف وعربية تانية ب 2 مليون
كل عربية ليها مميزات وعيوب مثلا لا يختلف اثنين على الالمانى فى ثباتة وامانة بس انت معاك كام وممكن تصرف كام بعد ما تشتريها واستخدماتك اية يارب اكون قدرت افيدك

- ملحوظة لو محتاج معلومات عن الانوس فيه قسم مخصوص ليها وكمان اقسام مخصوصة لليابانى والالمانى وحتى الصينى المنتدى هنا ممتاز وايفيدك وربنا يوفقك