الموضوع: افضل توكيلات السيارات فى مصر

المشاركة الأصلية كتبت بواسطة joseph hany

سؤال:ما هى افضل توكيلات السيارات فى مصر؟ و تقييم الافضل من حيث: 1-توافر قطع الغيار بمعنى ان عيب لما التوكيل يقولك ان قطعة الغيار اللى عربيتك محتجاها مش متوفرة و استنى شهر لحد ما نبعت نجيبها من بلدها و ممكن تكون العربية عطلانة وواقفة بسببها 2-مدة الصيانة داخل التوكيل يعنى فى توكيل محترم تروح تعمل الصيانة يقعدك ساعة و تمشى و في توكيل مش محترم يقعدك معاة 6 او 7 ساعات و دة فعلا حرام و ذل للعميل 3-حسن معاملة العميل من العاملين داخل التوكيل يعنى فى توكيل محترم الموظف بيسمع منك الشكاوى بكل هدوء حتى لو انت متعصب بيحاول يهديك ويحسسك انة مهتم بيك و بمشكلتك و انك مش هتخرج من التوكيل غير وانت مرضى و مبسوط من رقى المعاملة وفية توكيل مش محترم تلاقى الموظف بيتنك عليك و بيعاملك معاملة قذرة كأنك جاى تشحت منة و ما يحسسكش انة مهتم بشكوتك وبعد ما تخرج من التوكيل تكتشف ان اغلب المشاكل اللى دخلت بيها زى ما هى و ماتحلتش و المصيبة الاكبر ان ممكن تخرج بمشاكل جديدة ماكنتش موجودة قبل ما تدخل التوكيل بسبب بسبب ان الفنى وهو بيصلح مشكلة فبغباوة عمل مشكلة تانية فى العربية او تلاقى العربية مخبوطة او متجرحة بسبب اهمال العاملين و المصيبة الاكبر لما تكتشف ان العاملين بالتوكيل بيسرقوا فلوس او فلاشة او اى حاجة ليها قيمة انت سايبها فى العربية على اساس انك واثق فى المكان اللى انت سايب عربيتك فىه و مش عامل حسابك ان عربيتك هتتقلب و هى بتتصلح دة لو اتصلحت اصلا و المصيبة الاكبر لما تكتشف ان التوكيل بيحطلك قطع غيار مضروبة و بيحاسبك على اساس انها اصلى او لو خلع قطعة غيار اصلى و سليمة من عربيتك و ركبلك بدلها قطعة غيار بايظة و انت طبعا مش هتعرف الكلام دة غير بعد ما تمشى من عندهم . ياريت كل واحد يقول رأية فى افضل خمس توكيلات فى مصر بالترتيب من 1الى 5 او لو عاوز تزود اكتر من خمسة ماشى مايضرش و سؤالى شامل كل انواع العربيات فى مصر من اغلى نوع الى ارخص نوع انا مش بسأل عن فئة معينة فى العربيات و شكرا

لايوجد فى مصر الجميع سواسية وينطبق عليهم نفس كلامك !!!

المشاركة الأصلية كتبت بواسطة Samir_Adel

الفطيم، هوندا.

كان لى صديق يمتلك انتجرا وكانت ممتازة كانت بتسخن بشدة مع التكييف معرفوش يصلحوها ولمبة الاوفر درايف معرفوش ليه بتنور وتطفى بمزاجها واتباعت للاسباب ديه مع العلم ان ورشة الفطيم لتصليح الموتوسيكلات هوندا خدوا ميكانيكيا الموتوسيكلات بيشغلوهم فى العربيات دلوقتى بعد ميكانيكية العربيات ما سابوا التوكيل وطفشوا !كل اللى عملوه فصلوا لمبة الاتشيك انجن علشان متنورش فى التابلوه!

غريبة اوى انا كنت مستنى انى اسمع اقتراحات و اراء كتير عن افضل التوكيلات فى مصر و مفيش غير واحد بس قال رأية عن توكيل هوندا و مفيش اى حد تانى فكر انة يتعب نفسة و يعرفنا خبرتة فى التعامل مع التوكيلات و كلة مكسل يتعب صوابع ايدة ويكتب رأية و معلوماتة

المشاركة الأصلية كتبت بواسطة joseph hany

غريبة اوى انا كنت مستنى انى اسمع اقتراحات و اراء كتير عن افضل التوكيلات فى مصر و مفيش غير واحد بس قال رأية عن توكيل هوندا و مفيش اى حد تانى فكر انة يتعب نفسة و يعرفنا خبرتة فى التعامل مع التوكيلات و كلة مكسل يتعب صوابع ايدة ويكتب رأية و معلوماتة