السادة اعضاء المنتدى عندى مشكلة عويصة

**133 lover** · 22-11-2016 11:06 PM

السلام عليكم ورحمة الله و بركاته
السادة الأفاضل أعضاء المنتدى
لدى مشكلة عويصة الحل أريد ان استشيركم فيها و أحتاج هنا من له خبرة ليست بالقليلة فى فهم مشاكل الفتيس المانيوال لسيارة سيات موديل 82
لكى لا أطيل عليكم سأبدأ بشرح المشكلة .
عصاية الفتيس ثقيلة جدا فى الأول و الثانى بييجى بعد شد على العصاية أما المرشدير فبأسمع صوت تروس بتخبط فى بعض . أما باقى النقلات فتمام .
للعلم قمت بتغيير اسطوانة الدبرياج و الديسك و البلية و كذلك قمت بالكشف على ترس الفلم لا تشققات فيه ولا اعوجاج و كذلك سطحه الملامس للأسطوانة ناعم جدا . و كذلك قمت بتغيير سلك الدبرياج و قمت بتغيير قواعد الفتيس و ملأ الفتيس بزيت تقيل 90 كما هو موصى به فى كتالوج السيارة .
اليوم قلت أرفع دواسة الدبرياج يمكن يتحسن الوضع و طلعت بالعربية أجرب للأسف زى ما هى مع علمى ان تعلية دواسة الدبرياج قوى يضر بطقم الدبرياج بس قلت أجرب .
و للعلم الغيارات مش بتنطر بس كل المشكلة ان الغيارات الأول و التانى و المرشدير مش بييجوا بسهولة .
ياترى من وجهة نظر السادة الأعضاء المتخصصين فى الفتايس المانيوال اللى بيحصل ده عيب ايه بالضبط ؟
لكم منى جزيل الشكر و تحياتى لكم جميعا .

**Colin Chapman** · 22-11-2016 11:33 PM

القاهرة فى واحد في شبرا متخصص فتيس مانيوال اسمة تيسير صليب وده رقمة 01001440601 ارجو ان اكون قد افدتك وبالتوفيق فى اصلاح فتيسك ان شاء الله !

**bluemail** · 23-11-2016 02:23 AM

عليكم السلام ورحمة الله وبركاته
من خلال كلامك انت عندك مشكلة في الشجرة،، اللي هي مجموعه التروس راكبة في عمود،،
انت كحتاج حد كويس يبصلك علي الفتيس ويشوف الترةس هتلاقي ترس في سنه او سنتين طايرين
بتاخده المخرطه وتخرط واحد زيه بنفس المقاسات
بالتوفيق

**133 lover** · 23-11-2016 01:41 PM

شكرآ جزيلآ للسادة العضو الذهبى فأنا سمعت عن صليب اللى فى شبرا و ناس كتير بتشكر فى شغله بس حراق حبتين .
شكر خاص للسيد العضو البرونزى bluemail صراحة انا كنت عايز اعرف العطل ده ممكن يكون ايه و الحمد لله كده يبقى ما فاضلش غير انى أعمل تسقيط للفتيس و أروح بيه على حد أو اشوف الميكانيكى اللى باتعامل معاه و أثق فى حكمته و ضميره و نتوكل على الله و نشوف حيطلع كام ترس .
استاذ bluemail لو كان ناحيتك خراط كويس و ابن حلال و عنده ضمير و قبل كل ده و ده فاهم شغله كويس ياريت تجود عليا بعنوانه او تليفونه .
معلهش من ناحية المصاريف الأفضل أخرط الترس أو التروس اللى ممكن تكون سبب العطل ولا الأفضل أغير الفتيس كله ؟
تحياتى لكل من قام بالرد على مشكلتى

**133 lover** · 25-11-2016 06:12 PM

لتعم الفائدة لمن يتابعوا موضوع ثقل الغيارات الأول و الثانى و المرشدير . و كذلك لكى أستشير السادة الأعضاء .
ذهبت اليوم الى الميكانيكى اللى بأتعامل معاه و أثق فى خبرته و ضميره . قلتله زى ما قالى السيد العضو bluemail ان ممكن يكون العطل ده بسبب ترس فى مجموعة الشجرة مكسور منه سنة او سنتين و انى عاوز أنزل الفتيس عشان آخده و أذهب به لحد بتاع فتيس مانيوال . عند الفك نزل تحت العربية عشان يفك قواعد الفتيس لاقيته بيقول لى زيت الفتيس بيسرب و قالى ان السبب من جلبة ليفيه الغيارات عايزة حد بتاع فتيس يغيرها لأن دى هى السبب . ياترى الجلبة دى اللى بيقولوا عنها ال أويل سيل ولا دى حاجة تانية ؟
لو فعلا الجلبة دى اتغيرت النقلات حتتعدل ولا حيفضل زى ماهو و لكن بدون تسييل زيت ؟
برضه من ضمن الملاحظات أن لما العربية تكون باردة الصبح و آجى أديها الغيار الأولانى بيكون تقيل جدا و لما العربية تسخن كويس الآقى الغيار الأولانى بييجى بعض الشىء بسهولة . ياترى ده ايه يا جدعان ؟
شكرا لصبركم

**Colin Chapman** · 26-11-2016 02:09 AM

المشاركة الأصلية كتبت بواسطة 133 lover

لتعم الفائدة لمن يتابعوا موضوع ثقل الغيارات الأول و الثانى و المرشدير . و كذلك لكى أستشير السادة الأعضاء .
ذهبت اليوم الى الميكانيكى اللى بأتعامل معاه و أثق فى خبرته و ضميره . قلتله زى ما قالى السيد العضو bluemail ان ممكن يكون العطل ده بسبب ترس فى مجموعة الشجرة مكسور منه سنة او سنتين و انى عاوز أنزل الفتيس عشان آخده و أذهب به لحد بتاع فتيس مانيوال . عند الفك نزل تحت العربية عشان يفك قواعد الفتيس لاقيته بيقول لى زيت الفتيس بيسرب و قالى ان السبب من جلبة ليفيه الغيارات عايزة حد بتاع فتيس يغيرها لأن دى هى السبب . ياترى الجلبة دى اللى بيقولوا عنها ال أويل سيل ولا دى حاجة تانية ؟
لو فعلا الجلبة دى اتغيرت النقلات حتتعدل ولا حيفضل زى ماهو و لكن بدون تسييل زيت ؟
برضه من ضمن الملاحظات أن لما العربية تكون باردة الصبح و آجى أديها الغيار الأولانى بيكون تقيل جدا و لما العربية تسخن كويس الآقى الغيار الأولانى بييجى بعض الشىء بسهولة . ياترى ده ايه يا جدعان ؟
شكرا لصبركم

دى جلبة نحاس زى بتاعت المارش !!

نقص الزيت هيدمر الفتيس !

!

فى ناس بتفصل التروس تفصيل! الورشة الفنية للخراطة الميكانيكية!!:
الورشة متخصصة فى عمل تروس جميع
الات الجر على احدث النظم واى تروس
الحاج سيد عبد الرحمن
القاهرة
5شارع محمد وهبة خلف بنزينة اسو - دوران شبرا موبايل
0104954058

**133 lover** · 29-11-2016 06:54 AM

الوضع الآن يا سادة أنى مش عارف أقرر هل أذهب بالسيارة لمتخصص الفتايس ولا الأفضل أسقط الفتيس و أذهب به للمتخصص ؟
أنا آسف يا سيد colin chapman دوشتك بأسئلتى بس ده لأن المشكلة دى أول مرة تحصل معى و ليس لى أى خبرة فى هذا الأمر .

**Colin Chapman** · 29-11-2016 07:50 AM

المشاركة الأصلية كتبت بواسطة 133 lover

الوضع الآن يا سادة أنى مش عارف أقرر هل أذهب بالسيارة لمتخصص الفتايس ولا الأفضل أسقط الفتيس و أذهب به للمتخصص ؟
أنا آسف يا سيد colin chapman دوشتك بأسئلتى بس ده لأن المشكلة دى أول مرة تحصل معى و ليس لى أى خبرة فى هذا الأمر .

القرار والاختيار لك انت وحدك فقط وقد قلت لك كل شىء!!