محتاجة استشارة مستعجلة Kia carens 2015

**Sara El-mekawe** · 26-11-2016 10:23 AM

السلام عليكم ورحمة الله وبركاته
لو سمحتوا انا عملت حادثة بالعربية kia carens 2015 خليجى فئة تانية
و السمكرى طلب منى قطع غيرا
( صدر أمامى كامل - إكصدام امامى - شبكة أمامية - شبكة سفلية وسطى - عمة سفلية هواء - كوعة مياة - كرتيرة فبر فتيس - مصفحة مطور - قميص مراوح - مرايه شكال - باب شمال خلفى - وش غطاء علوى الكالون)

هل اجيب الحاجات دى قطع غيرا جديدة ولا اجبها استيراد؟
هل حد يعرف ناس معينة اروحلها لانى نزلت امبارح الحرفيين وانا للاسف ماليش اى خبره فيها ومش عرفت اوصل لحل.

ارجوكم افيدونى

**bluemail** · 26-11-2016 11:24 AM

عليكم السلام ورحمة الله وبركاته
اولا ربنا يعوض عليكي ان شاء الله وحمدا لله علي السلامه
ثانيا العربيه 2015 ، هل خرجت من الضمان، وهل في تامين ؟
الاول ممكن تسالي علي قطع الغيار في التوكيل علي اساس انك تجيبيها وتركبيها في مركز معتمد
بعد كده ممكن تشوفي موضوع الاستيراد ولو ان العربيه فيس ليفت فمش عارف هل في منها قطع غيار استيراد او لا

بالتوفيق

**Sara El-mekawe** · 26-11-2016 11:54 AM

الله يسلم حضرتك يارب
للأسف التأمين خلص و مركز كيا سيرفس قالولى عايزين 95000 وانا بصراحة غير قادرة على دفع مبلغ زى دا فا ودتها برا
انا شوفت واحد استيراد قالى كل الحاجه عندة ب 21000 و شوفت قطع غيرا قالى اصلية فى الحرفيين برضو كل حاجه موجودة معادا الباب و مصفحة الموتور عامل 12000 فرق السعر مخوفنى من ان اجيب قطع الغيرا وتبقى مش الاصل
محتارة ومش عارفه ممكن انزل ادور فين تانى

**bluemail** · 26-11-2016 05:57 PM

فرق السعر مش مقياس لانه بيبقي حسب التاجر وشطارته
لو الصنايعي اللي هيشتغل لك امين وثقه خليه يبص علي قطع الغيار هنا وهنا ويقول رايه
بس احتياطي متقوليش له علي الاسعار
هو بس يبص عليها ويقول ايه الاحسن وليه بس
بالتوفيق

**Omar Sarray** · 26-11-2016 07:22 PM

لا حوله ولا قوه الا بالله قدر الله وماشائ فعل المهم انك بخير فى الحديد ولا فى العبيد اهم حاجه انك بخير الحمدلله وانا هقولك راى وانا عارف انك تقريباو الله اعلم مش عندك خبره ممكن تعملى بعض الحجات ف التوكيل والباقى عند حد كويس يعنى ايه يعنى ميكانيكا خلى الشركه تعملها كلها لو تقدرى ماعدا مصفحه الموتور مش مهمه اوى يعنى لان مصفحه الموتور عباره ع نترايش 4 صغيرين مش مهمه اوى يعنى زى الباقى وتقريبا يبقو بحدود 80 او 75 الف وانتى اسالي شركه كيا ف ابورواش اكترو اتصلى بيهم وقوليلهم انك ف ظروف لا يعلم بيها الا الله وخليهم يشوفولك حل وسط وزنى عليهم كتير وانشاءللله تشوفى حل ولو مفيش فى واحد سمكرى ف بولاق دكرور ده عن معرفه وكويس جدا بس مش عارف هل يصلح العربيه ليكى بسعر غالى وله لا فمعرفش ولله تحياتى لحضرتك انسه ساره