الموضوع: مشكله افلات خرطوم تبريد زيت الفتيس من ماسورته

بعض الاسئله علشان المشكله تبقى واضحه للازملاء اللى يحبوا يساعدوا

فيه خرطوم منهم عاوز يتغير وده اتغير لانه كان بينسم زيت وتم التغيير في التوكيل

التنسيم كان من طرف الخرطوم ناحيه الراديتير ام من طرف الخرطوم ناحيه الفتيس ؟
الكوليه الاصلى كان سوسته .. ام كوليه رباط بمسمار ؟

وتم التغيير في التوكيل بعد كام كيلو متر لاحظت ان الكوليه ببدايه الخرطوم متحرك من مكانه وتم عند الميكانيكى اعاده التثبيت له

هل هو نفس المكان اللى بينسم اول مره قبل الذهاب للتوكيل ؟
الرشح كان ناحيه الراديتير ام ناحيه الفتيس
الكوليه الجديد كان سوسته .. ام كوليه رباط بمسمار ؟
هل الميكانيكى نظف الماسوره و بعدين ربط تانى ؟

لما ذهبت للتوكيل بالصدفه حكيت لهم الموضوع

الكلام ده كان بعد فتره كام بعد اصلاح الميكانيكى للعطل ؟

....بعدها بفتره كنت رايح مشوار ومشيت بالعربيه وتقريبا حوالى 5كم

الكلام ده كان بعد كام كيلومتر مشى ؟ بعد تغيير الخراطيم الايطالى فى التوكيل
الكوليه الايطالى كان سوسته .. ام كوليه رباط بمسمار ؟

ولما فتحت الكبوت لقيت خرطوم منهم انفك من مكانه والزيت كان خرج منه

هل هو نفس المكان اللى بينسم اول مره قبل الذهاب للتوكيل




انا موش حا اتكلم بخصوص اعطال فتيس .. لانى معنديش خبره فى الموضوع ده

لكن كلامى حيكون كملحوظه عن المكتوب هنا
- العطل الاول و الثانى .. الاثنين حصلوا بعد شغل التوكيل فى العربيه



العطل الاول

.. تسريب خفيف .. و مع ذلك الخرطوم لم يفلت من مكانه برغم التسريب

.. لكن بعد الذهاب للتوكيل انت لاحظت مباشره ان الخرطوم الجديد اتحرك من مكانه ( يعنى انت لو لم تكن حريص انك وقفت بعد عده كيلومترات علشان تتأكد ان شغل التوكيل مظبوط .. كان ممكن الخرطوم فلت من مكانه زى ما حصل فى المره التانيه )

.. الميكانيكى ربطه و كل شيئ اصبح تمام ( ده معناه عيب تقفيل من التوكيل ) .. و اشتغل كويس الى ان ذهبت للتوكيل بالصدفه لاحقا



العطل الثانى

.. ربطه الميكانيكى كانت كويسه بعد العطل الاول حتى ذهبت بالصدفه للتوكيل .. لكن بعد تغيير الخراطيم الايطالى تكرر العطل مره اخرى و لكن بعد فتره .. يبقى ده يؤكد ان فيه عيب تقفيل من التوكيل ( الاحتمال الاقرب )


الاحتمال الاكبر .. اعتقد ان ميكانيكى التوكيل ممكن يكون حط زيت او شحم على طرف الماسوره علشان الخرطوم يركب يسهوله معاه

او انه بعد ما فك الخرطوم .. طرف الخرطوم وصل له زيت و بالتالى حيركب على الماسوره بالزيت ده

و فى الحالتين .. الزيت ده حيخلى الخرطوم غير محكم ( مهما ربطت الكوليه ) و ممكن ينزلق من مكانه بمرور الوقت


ملحوظه
خامه خراطيم الكولر بتكون مناسبه لزيت الفتيس .. و تختلف عن خراطيم البنزين

عن نفسى .. اى خرطوم بافكه .. لازم انظف الماسوره كويس جدا .. و كمان الاهم هو اول 3 سم من طرف الخرطوم ( من الداخل ) علشان اضمن ان الخرطوم لن ينزلق من مكانه بعد التركيب .. باستعمل اى مذيب للشحم او نقطه صابون خفيفه على قطعه قماش



عموما انا ما اعرفش فى عيوب الفتيس .. و هل ممكن يكون اللى بيحصل ده نتيجه ضغوط زياده بتحصل غير الطبيعى لسبب ما .. لا اعلم

خراطيم الكولر بيكون فيها ضغوط و لكن موش كبيره

انا بصيت عندى

خرطوم رفيع جدا .. قطره الخارجى اقل من 5 ملم ..

و بيركب يكوليهات سوسته فى الناحيتين ( فتيس و راديتير )

على كده دوره تبريد الفتيس عندنا تخوف بصراحه

المشاركة الأصلية كتبت بواسطة akmm

معقول القطر اقل من 5 مم ؟ ولاتقصد داخلى ..... عموما هحاول اشترى خرطوم بجوده عاليه ضغط عالى وكوليهات ربط جيده أيضا ... وهجرب واشوف .

سيبنى اتأكد تانى .. لانى بصيت بالليل .. داخلى او خارجى موش حتفرق لان الخرطوم رفيع اوى يعنى سمكه حيكون بسيط

بس الخرطومين اللى انا وصفتهم لك فى الرد اللى فات موجودين فعلا .. ماشييت من ناحيه الفتيس من فوق و رايحين ناحيه الرادياتير من تحت



بس انا فاكر ان فيه خراطيم اتخن من كده شويه ( على ما اظن ) .. بس موش متأكد لان ده كان من كذا شهر لما كنت عايز اغير زيت الفتيس بالكامل

الكوليهات الاصليه سوسته ( موش رباط )

حانزل الجراج ابص لك تانى الان .. ساحاول رفع صور ليهم

سيبنى اتأكد تانى .. لانى بصيت بالليل

بعد التأكد .. قطر الخرطوم من 1 سم الى 1.5 سم .. و اعتقد ممكن يكون ال 1.5 سم هو الادق

الكوليهات الاصليه سوسته ( زى باقى كوليهات العربيه الاصليه ) .. يعنى تدوس عليها بالزرديه علشان تفتح .. و تركب الخرطوم و بعدين تسيب