مشكله فتيس byd l3 dct

**matrix76** · 19-12-2016 01:01 PM

السلام عليكم الاخ الفاضل ابو ياسمين والاخوه اعضاء ومشرفين المنتدى الكرام
بعد التحيه
انا معايا byd l3 موديل 2015 عامل حتى الان حولى 95000 كم من 60000 كم ابتدت تظهر مشكله تاخير فى النقلات ورجرجه على r وفى المطالع وعند النقلات 1 و 2 وابتدى الموضوع يزيد دلوقتى بقى فى 3 كمان بفكر اغير الفتيس من كثر ما قريت وسمعت عن مشاكله من ناس كتير والحمد لله انو وصل معايا لحد كده فى ناس المشكله عندهم من 10000 كم توصلت لحد لقيته بيشيل المكنه والفتيس والضفيره ويقلبهم لـ تيوتا كرولا 2007 المكنه الـ 1600 بالفتيس الاوتو طبعا بيغير العصايا كمان كده العربيه ملعوب فيها مش عاجبنى الموضوع ده لما قريت مشاركاتك فكرت اغير الفتيس فقط بفتيس الهوندا محتاج خبرتك ومساعدتك اى فتيس تنصح وايه التعديل المطلوب اكون شاكر ليك وهل اغير للهوندا الـ cvt ولا الاوتوماتيك العادى انا عايز اغير لـ ستربتونيك وهل محتاج اغير الكنترول

**ahmed_eng2001** · 19-12-2016 04:01 PM

اقول لحضرتك الى اعرفه على ما بقية الاخوة الافاضل يشاركونا الرأى .....

فتيس الهوندا سيتى مينفعش يركب مكان فتيس ال dct ... الفارغة من برة مش زى بعض .... فممكن حضرتك تاخد قلب فتيس الهوندا .. و تحطه فى فارغة الفتيس الى عتدك

الناس ريحت دماغها و غيرت الموتور كله بفتيسه ... بموتور الكورولا ال 2007 ... و ده سعره كام ؟؟؟؟
من فترة كان ب 15000 الف جنيه
و بالطبع ... حضرتك حتحتاج كونترول الموتور الجديد

**Colin Chapman** · 20-12-2016 11:43 PM

المشاركة الأصلية كتبت بواسطة matrix76

السلام عليكم الاخ الفاضل ابو ياسمين والاخوه اعضاء ومشرفين المنتدى الكرام
بعد التحيه
انا معايا byd l3 موديل 2015 عامل حتى الان حولى 95000 كم من 60000 كم ابتدت تظهر مشكله تاخير فى النقلات ورجرجه على r وفى المطالع وعند النقلات 1 و 2 وابتدى الموضوع يزيد دلوقتى بقى فى 3 كمان بفكر اغير الفتيس من كثر ما قريت وسمعت عن مشاكله من ناس كتير والحمد لله انو وصل معايا لحد كده فى ناس المشكله عندهم من 10000 كم توصلت لحد لقيته بيشيل المكنه والفتيس والضفيره ويقلبهم لـ تيوتا كرولا 2007 المكنه الـ 1600 بالفتيس الاوتو طبعا

لو تقصد انور سلامة هو مبيعرفش غير تحويل كل العربيات لموتور وفتيس تيوتا

بيغير العصايا كمان كده العربيه ملعوب فيها مش عاجبنى الموضوع ده لما قريت مشاركاتك فكرت اغير الفتيس فقط بفتيس الهوندا محتاج خبرتك ومساعدتك اى فتيس تنصح وايه التعديل المطلوب اكون شاكر ليك وهل اغير للهوندا الـ cvt ولا الاوتوماتيك العادى انا عايز اغير لـ ستربتونيك وهل محتاج اغير الكنترول

اوتوماتيك العادى افضل من CVT

جايز مش اكيد يركب عندك فتيس هوندا JAZZ
honda jazz 2003
او هيبقى موتور كامل هوندا بالفتيس والكونترول

خود بالك فى موتور 1500 وفى 1300 c.c

**Colin Chapman** · 21-12-2016 03:19 PM

المركز الفنى لأصلاح جميع انواع الفتيس الاوتوماتيك
متخصصون فى مجال صيانة الفتيس الاوتوماتيك
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
- يوجد جميع انواع الفتيس الاوتوماتيك "استيراد"
- قطع غيار الفتيس الاوتوماتيك "اسيراد-جديد"
- صيانه دوريه لجميع انواع الفتيس الاوتوماتيك
- صيانه وقائيه لجميع انواع الفتيس الاوتوماتيك
- لدينا الكشف على السيارة بأحدث اجهزة كشف الاعطال
- ضمان على جميع الفتيسات التى يتم صيانتها داخل المركز
ـــــــــــــــــــــــــ ـــــــــــــــــــــــــ ــــ
العنوان/ 71 شارع السودان بجوار البنك الاهلى المصرى فرع التكامل – المهندسين
علامه مميزة/ امام محطة اتوبيسات بولاق الدكرور
موبيل/ 01095555626 – 01155598293 – 01020007957
ارضى/ 37626553-02

ادارة/
م: كرم طه
م: زاهر

**Colin Chapman** · 22-12-2016 04:21 AM

ahmed_eng2001

**matrix76** · 18-01-2017 12:32 PM

شكرا لكل الاعضاء اللى تفضلوا بالرد والمشاركه على هذا الموضوع ولكنى ما زلت محتار وارجوا الافادة واشكركم على سعه صدركم انا شوفت فتيس الهوندا بالمكنه وهوا نفس داير مكنه الـ byd بس هل الدفيرة هتحتاج تغيير وكيفيه ضبطه على كنترول الـ byd ثانيا ايه رايكم بتغيير فتيس الاوتوماتيك الى فتيس مانيول وما هوا الفتيس المانيوال اللى يركب على داير byd

**ahmed_eng2001** · 18-01-2017 07:54 PM

المشكلة مش فى الداير .... على حد علمى البسيط ... الاختلاف بيكون فى مكان القواعد ....

و حضرتك بتغير الفتيس بالكونترول بتاعه ...و ده احد اسباب ان الناس بتحب تغير الفتيس مع الموتور

**ahmed_eng2001** · 22-01-2017 10:53 PM

بعض صور الكلاتش الى فى الفتيس DCT

**lonedoctor** · 23-01-2017 02:23 PM

اخى الكريم حياك الله
الجيربوكس الخاص بهذه السيارة كان لغزا كبيرا لا يعرفه احد والشركة حريصة تماما على اخفاء كل ما يتعلق بيه سواء قطع الغيار او سوفت وير او اجهزة البرمجة
اى جير اوتوماتيك له عمر افتراضى ولابد من اعاده تجهيزه مرة اخرى سواء كان يابانى او المانى او كورى والعمر الافتراضى يتوقف على طريقة استخدامك للسيارة وصيانتك الدورية وتغيير الزيت بشكل دورى كل 40 الف
بدا الان هذا اللغز يتم فك شفراته والتعامل معه وقريبا ان شاء الله سيكون مثله مثل اى جيربوكس معروف
المعلومات المتاحة الان انه طلع طقم الكلتش الخاص بالسيارة الباسات فولكسفاجن هو نفسه الخاص بالبى واى دى لانه اصلا تصميم الفتيس بالكامل شركة بى واى دى اخدته من فولكس رسميا ونجح الكثير من العاملين فى مجال اصلاح الجير الاوتوماتيم بتغييره بعد شراؤه مستعمل استيراد من الحرفيين بمبلغ 4000ج تقريبا ويتبع ذلك عمل ريسيت للكلاتش والتروس وهذا ايضا نجح خارج التوكيل والامور تمام
الباشمهندس احمد فى ورشة الاسطى حمدى كيمو الله يرحمه نجح فى تغييره وعرض لك الصور كما فى المشاركة
السؤال الان كام سعر طقم الكلاتش جديد من محلات قطع غيار الفولكس؟لانه مستعمل 4000 كتير اوى
وهل توكيل شركة الامل بيبيع الكلاتش كقطع غيار لو حبيت تشتريه ؟ وبكام؟
هل محلات قطع غيار الصينى بتبيعه ؟واذا مش بتبيعه ليه طيب ما يتم استيراده؟
هل يمكن اصلاح طقم الكلاتش ؟لانه مكون من اسطوانتين وديسكين
واترك المجال للمتخصصين للرد
كون السيارة عملت 100 الف وتحتاج تغيير كلاتش ده شى ممتاز وعلشان تكون فى الصورة فى ناس عندها سيارات فولكسفاجن المانى والكلاتش احتاج تغيير على 70 الف
فكرة التغيير بتويوتا انا لا احبذها موتور وتكنولوجيا قديمة والمسالة مسالة وقت وهتلاقى ناس كتيرة تفهم فيه وتظبطه 100% فلا تستعجل
تقبل تحياتى

**ahmed_eng2001** · 25-01-2017 02:30 PM

ربنا يجازيك خير على المعلومات الوافية ....

طقم الكلاتش مينفعش فيه الاصلاح لانه متبرشم مع بعضه .. و كنت سمعت عن شركات بتفور الديسك العادى خالص و بتغيرله الرق و اجزاءه ..ز بس لسة مش متاكد من الموضوع ده

اتفق مع حضرتك فى العمر الافتراضى لطقم الكلاتش .... و كمان فى موضوع عمل ريسيت للكلاتش و للتروس
توكيل الامل بيغير الطقم تقريبا ب 4000 جنيه جديد صينى ... بس بتحجز ميعاد علشان عندهم طلبات كتير .. و مفيش حد من بتوع قطع الغيار بتبيع الكلاتش لسه