مساء الخير على احلى اعضاء
انا اسمي محمد من المنصورة ومن عشاق اوبل فيكترا
المهم عشان مطولش عليكو انا معايا فيكترا 2003 والفتيس كان بيعلق معايا الصبح واليارة باردة
وبعدين رحت للميكانيكي بتاعي ودخل الفتيس على كشف الأعطال ولقاها مسجلة gear ratios incorrect
قالي ممكن يكون زيت الفتيس وبالفعل لقيتها ناقصة 2 كيلو وقالي نغير اولسيهات الكبالن عشان بتسرب زيت
وغيرنا الأولسيهات وزودنا زيت موبيل 220
المهم العربية بقت تمام بس عملت حركة غريبة
كنت مسافر القاهرة وسافرت بيها عادي وهناك كنت بركن ولقيت العربية مش عاوزة تاخد r
المهم سيبتها وروحت مشواري ورجعت لفيتها تمام ورجعت بيها من القاهرة ولحد دلوقتي تمام والفتيس سحبه وصوته 100000%
المهم الميكانيكي قالي ممكن تعوز فتيس قريب وبصراحة الكلام دا مش داخل دماغي فياريت اهل الخبرة يفيدوني وشكرا لكم جميعاً