الموضوع: مشكله فى البيجو 207 1600 سى سى

لو سمحتو يا جماعه عاوزة مساعدتكم عندى مشكله فى عربيه بيجو 207 1600 سى سى موديل 2008 لمبة التشيك نورت و كتبلى على الشاشة Anti pollution faulty روحت للمكيانيكى غيز سنسور VTI و 2 موبينه اللمبة طفيت و رجعت تانى بعدها بيومين حد عنده فكره دى من ايه بالضبط ولو حد كان عنده نفس المشكله راح فين و عملها ازاى

الميكانيكى عنده جهاز اعطال بيجو ولا شغال بالبركة كدة؟ عموما العيب دة بيظهر لما حرق البنزين بيبقى مش مظبوط وبالتالى استهلاك البنزين يزيد و أداء الموتور يقل, أشهر و أرخص سببين للعطل دة هو البنزين الوسخ و البوجيهات, لو متغيروش من زمان لازم تجيب الاصلى بتوعها من التوكيل, والمفروض تمشى على جدول الصيانة بتاعها زى ما التوكيل بيقول علشان تغير القطع قبل ما تضرب و تبوظ حاجات تانية معاها.
جدول صيانة 207 هو نفسه بتاع 301 و هتلاقيه على الموقع الرسمى بتاع بيجو مصر cdcm