الموضوع: تجربتى المريرة مع ستروين c5 ..... ربنا ينجيكم جميعا ....

معلش .. ربنا يعوضك بعربيه تريح بالك ان شاء الله

الدرس المستفاد .. ابحث عن الاعتماديه و قله الاعطال فى اختيارك القادم .. و دى عاده حتكون فى اليابانى .. او الكورى ( نسبيا )

بس برضه الحق يتقال .. التوكيل ( من كلامك ) انهم ناس محترمين و غيروا لك كل شيئ بدون محاولات للتهرب من التزاماتهم

بالتوفيق

انا فعلا مش متضايق لأن كل شىء نصيب و اللى يجيبه ربنا خير و لكن فعلا حبيت أنقل الصورة للناس علشان ياخدوا بالهم ....

المشاركة الأصلية كتبت بواسطة veriano

بعد التحية ....
حبيت أنقلكم تجربتى الأسوأ فى عمرى مع ستروين سى 5 و عز العرب ....
من 3 سنين قررت أشترى العربية و بعد بحث و سؤال و سؤال التوكيل قالولى ان موديل 2014 نازل فيه تعديل و بيشتغل ببنزين 92 مش زى 2013 لازم 95
و صدقتهم و فعلا اشتريتها موديل 2014 ....
العربية حدث و لا حرج عن الفخامة و القوة و الرفاهية و الثبات والنعومة و الكماليات مزيج من الأوروبى و اليابانى ......
بعد 6 شهور طارة الدركسيون لونها غير و كاوتش الأبواب داب و فرش الباب الخلفى خرج من مكانه و روحت التوكيل و غيروهم ف الضمان .....
فجأة الكاسيت باظ و روحت التوكيل و قالولى فعلا بايظ بسبب ان حضرتك غسلت العربية ف بنزينة !!!!!!!!!
طبعا اتخانقت و بعد عذاب غيروه ف الضمان لأن تمنه 7000 جنيه و أنا مش أول مرة أغسل عربية ف بنزينة ....
بعد كدة سحب العربية بقى غريب شوية فروحتلهم قالولى طرمبة البنزين باظت غيروها ....
و بعد كدة الطارة باظت تانى و كاوتش الأبواب داب تانى و قالولى ان الكماليات دى بيجيبوها من مصنع ف البرازيل و وقفوا التعامل معاه و غيروهم
كرسى السواق داب و طلبوه من فرنسا .....
بعد كدة دخلنا على المرحلة الصعبة بعد مرور سنتين لأن كل اللى فات دة كان سهل ....
العربية بدأت تكركر و الموتور مش مظبوط و مؤشر الزيت بيقول ان الزيت ناقص ....
روحتله للمرة العشرين فى أبو رواش و بعد الكشف قالولى ان سنسور الزيت كان عايز يتنضف و طبة الزيت مكسورة و بتسرب زيت و غيروها و كوع التربو بايظ و غيروه و هو دة اللى كان بيخلى العربية تكركر .....
قولت كويس .... ماشى .... بعد شهرين بدأت تكركر تانى و مؤشر الزيت قال انه ناقص فقالولى انه لازم العربية تقعد عندهم علشان فرنسا تفحصها و تقرر ايه مشكلة الزيت ....
بعد أسبوع و انا طبعا من غير عربية فرنسا ردت و قالوا ان الموتور باظ و هيبعتوا واحد جديد خلال شهرين و طبعا اتضايقت لأن مش ممكن عربية زيرو موتورها يبوظ بعد سنتين ... المهم بقيت بزود زيت كل 15 يوم لأن الزيت بيتاكل و بعد شهرين الموتور الجديد وصل و روحتلهم علشان يغيروه و بعد أسبوع قالولى ان الموتور اتغير و لكن للأسف الفتيس كمان باظ و هيغيروه و قعدت العربية عندهم أسبوعين مش عارفين يظبطوها لأن الكمبيوتر مسجل مشكلة ف الموتور مع ان الموتور جديد!!!!!!!!
المهم قالوا ان فيه سنسور هو اللى مسبب المشكلة دى و غيروه و استلمت العربية و لكن قالولى انى لازم أحط بنزين 95 علشان اصون الموتور الجديد ....
قولت مفيش مشكلة و بقيت أحط 95 علشان العربية كأنها جديدة و عايز أحافظ عليها ....
المفاجأة بعد شهرين بدأت العربية تكركر تانى و رسالة بتقول ان فيه مشكلة ف الموتور الجدييييييييد ....
روحتلهم للمرة الخمسين و قالولى ان المشكلة ف طرمبة البنزين اللى كانت اتغيرت من سنتين سألتهم ايه السبب قالولى البنزين قولتلهم ازاى و أنا بحط 95 قالولى و مين قالك ان 95 بتاع مصر نضيف !!!!!!!!
اتريقت عليهم و قولتلهم ابقوا استوردوا بنزين مضمون علشان ابقى استخدمه ....
و بكدة انتهت 3 سنسن من العذاب و ضمان العربية خلص طلبت منهم مد الضمان كتعويض و طمأنينة لأن العربية اتغيرت بالكامل .... تكرموا و مدوهولى 3 شهووووووووور ..... شوفتوا الكرم !!!!!!!
بعتها بأقل من تمنها و اشتريت دماغى و قولت من الأمانة أحكى حكايتى للناس علشان ياخدوا بالهم ...
شكرا
و أسف على الاطالة ...

سألتهم ايه السبب قالولى البنزين قولتلهم ازاى و أنا بحط 95 قالولى و مين قالك ان 95 بتاع مصر نضيف !!!!وقت الهيدروجين قد حان لرفع رقم الاوكتان!!وتعيش وتحيا السيارات الصينية اللى مستحملة قرفنا وهمنا!!

قلبي وجعنى بجد من محنتك...

المشاركة الأصلية كتبت بواسطة scientist9508

بسم الله الرحمن الرحيم

الزميل المحترم veriano

ما قرأته كان صدمة شديدة لى

1 - لأننى و قبل قراءة كلماتك كنت أعتبر C5 من أقوى المنافسين لأوبل إنيجيسجنيا و بيجو 508 و الأقران من الماركات المختلفه

2 - و لأن كلماتك غيرت فكرة ظلت راسخه فى عقلى منذ سنوات ألا و هى ألا تعير إعتمادية السياره إهتمامآ مادام توكيل السياره محترم

أثابك الله على صبرك على محنتك و أبدلك خيرآ مما لاقيت و عانيت

السلام عليكم و رحمة الله و بركاته

ومين قال لحضرتك ان الانسجنيا وال508 مافيهومش مشاكل ؟؟؟؟؟؟