يا جماعة في متخصصين في اصلاح العدادات ..... مش كل حاجة عند الكهربائي ...

**mamadouo** · 08-01-2017 02:45 AM

لاحظت الكثير من الزملاء الافاضل كل ما تكون في مشكلة في اي عداد سواء سرعة او بنزين او حرارة او ار بي ام (عداد لفات الموتور ) ...يقول رحت عند الكهربائي والمشكلة مازالت قائمة .... انت معذور يا صديقي لأنك متعرفش ان في متخصصين في العدادات ... والكهربائي معذور برضه لاني دي مش مهنته ... في حاجة اسمها بالبلدي كده اسمها بتاع العدادات ... واخوكم متخصص في العدادات ومكاني في حي العمرانية الشرقية - محافظة الجيزة ...وانا مستعد لاي استفسارات .

**dbabis8** · 14-01-2017 12:25 PM

انا لعبت فى علبة العدادات لما لمبة عند عداد السرعة انطفت ففكيت العلبة بعدها شغلت العربية و اكتشفت ان العداد اللى بيحسب الكيلومتر الكبير و الصغير (اللى بيعد العربية عملت كام كيلو) وقف و ده بيلخبطنى فى موضوع الزيت و رحت لكهربائى حاول و يقلى كل حاجة صح
الحل ايه
نوبيرا 2002

**ahmedos2m2** · 15-01-2017 07:34 PM

عندى مشكله ف مؤشر السرعه بتاع لانوس انا شيلته من مكانه ولما رجعته مش بيظبط كويس ازاى اظبطه زى الاول ولمبه البنزين علطول منوره حتى والتانك فول ديه ايه مشكلتها العربيه لانوس 1 مو 99

**mamadouo** · 17-01-2017 01:30 AM

المشاركة الأصلية كتبت بواسطة dbabis8

انا لعبت فى علبة العدادات لما لمبة عند عداد السرعة انطفت ففكيت العلبة بعدها شغلت العربية و اكتشفت ان العداد اللى بيحسب الكيلومتر الكبير و الصغير (اللى بيعد العربية عملت كام كيلو) وقف و ده بيلخبطنى فى موضوع الزيت و رحت لكهربائى حاول و يقلى كل حاجة صح
الحل ايه
نوبيرا 2002

ممكن الموتور اللي مشغل الارقام محتاج تصليح ، وممكن يحتاج تغيير عداد السرعة كامل

**mamadouo** · 17-01-2017 01:31 AM

المشاركة الأصلية كتبت بواسطة ahmedos2m2

عندى مشكله ف مؤشر السرعه بتاع لانوس انا شيلته من مكانه ولما رجعته مش بيظبط كويس ازاى اظبطه زى الاول ولمبه البنزين علطول منوره حتى والتانك فول ديه ايه مشكلتها العربيه لانوس 1 مو 99

عداد السرعة لازم يتضبط على جهاز مخصوص عندي ..... اما لمبة البنزين ممكن يكون السنسور المسئول عنها في التنك فيه مشكلة !!

**MADMIDO** · 17-01-2017 11:49 AM

فورد اسكورت عداد السرعه عندي بيهز جامد و هي بتجري و كنت عند مكيانيكي و شال سلك السرعه و نسي يركبه لانه كان بيحيل الفتيس و رحت عند واحد صاحبي بتاع كاربراتير ركبه تاني من ساعتها هو بيهز جامد و انا ماشي و مش عارف مكان السلك حتي لو ركبه غلط ولا حاجه

**yaco_nil** · 31-08-2017 10:47 AM

السلام عليكم
عندى عداد التسارع (rpm)مش الكليو متر مش شغال لما ادوس بنزين ياترى ليه تصليح
العربيه ستروين ax

**Tmsah** · 05-03-2018 12:02 AM

السلام عليكم
عندي سياره اوبل فيكترا اوتوماتيك من فتره العدادات في التابلوه مع الساعات مع اللمبات الي فيه بتفصل يبطفي نهائي فتره بسيطه ويرجع يشتغل اما هلا فاصل من اسبوع كيف اقدر احل