الموضوع: سؤال عن مدة تغيير الزيت لاسبيرانزا 516

المشكلة ان الكتالوج بيقول إن الزيت يتغير كل 5000 كم و مش ذاكر أي ظروف تشغيل أو تحميل

الكتالوج عندك بيقول التغيير كل كام شهر ؟؟ .. 6 اشهر ام سنه ؟؟

مستوى الخدمه للزيت فى الكتالوج ايه ؟؟ Sg ام sj ؟؟ ..

مذكور فى الكتالوج زيت معدنى ام تصنيعى ؟؟

كاسترول انجلترا و كاسترول مصر اتفقت آراؤهم بخصوص التغيير للعربية على 10.000 كم أو سنة، أيهما أقرب.

هل الكلام كان محدد و واضح انك بتتكلم على كاسترول ماجنتيك ..

ام انه كلام عام و الاجابه كانت خاصه باستعمال الايدج ؟؟ ..

انا اميل الى الاعتقاد ان الكلام كان على الايدج موش الماجنتيك

و لما راسلت شيري قالولي ما مضمونه إني لو هاستخدم زيت مضمون الكفاءة لفترات العمل الطويلة فممكن أغير على 10000 كم، غير كده أفضل على 5000 كم.

ليه لم تحدد لهم نك بتستعمل كاسترول ماجنتيك .. كنت حصلت منهم على اجابه واضحه محدده

المشاركة الأصلية كتبت بواسطة borio1704

الكتالوج عنده مش بيقول حاجة غير إن مستوى الزيت sj.. ويتغير كل 5000 كم :)

راجع موضوعنا ده.. http://www.nilemotors.net/nile/495877-10w40-5w40.html

كنا اتكلمنا هناك على الموضوع ده بالتفصيل.

...

ايوه انا راجعت الموضوع من شويه ..

و اول رد منك فى الصفحه الاولى كان sj ..

و فى رد فى صفحه 2 ( كان فيه رد مطول منك ) و كان مذكور فيه sg

علشان كده حبيت اتأكد انه خطأ كتابى ( لان الرد كان مطول جدا )

قالولي ما مضمونه إني لو هاستخدم زيت مضمون الكفاءة لفترات العمل الطويلة فممكن أغير على 10000 كم، غير كده أفضل على 5000 كم.

عموما الكاسترول الماجنتيك نصف تصنيعى .. يعنى لا اتوقع انه سيظل سنه فى السياره بأى حال من الاحوال

و ما اعتقدش كمان انه حيمشى 10 الاف كم ( يعنى احتمال كبير جدا )

السبب انه خليط من معدنى و تصنيعى .. يعنى به كل عيوب المعدنى ( العادى ) ..

و كمان عمرك ما حتعرف نسبه التصنيعى فى الخليط علشان تعرف هو اقرب للمعدنى ( العادى ) علشان تعرف مدى كفاءه الزيت ده بالظبط

و لكن عموما كاسترول شركه محترمه .. و لكن يظل الامر هو انك بتستعمل منتج متوسط الجوده من منتجاتها ( جوده مناسبه للسعر ) لا اكثر و لا اقل

مكرره

المشاركة الأصلية كتبت بواسطة tasaka

الكتالوج عندك بيقول التغيير كل كام شهر ؟؟ .. 6 اشهر ام سنه ؟؟

مستوى الخدمه للزيت فى الكتالوج ايه ؟؟ Sg ام sj ؟؟ ..

مذكور فى الكتالوج زيت معدنى ام تصنيعى ؟؟

زي ما ذكر الأستاذ بوريو في رده .. مافيش سيرة وقت زمني للتغيير و لا سيرة معدني أو تخليقي ... و مستوى الخدمة sj

المشاركة الأصلية كتبت بواسطة tasaka

هل الكلام كان محدد و واضح انك بتتكلم على كاسترول ماجنتيك ..

ام انه كلام عام و الاجابه كانت خاصه باستعمال الايدج ؟؟ ..

انا اميل الى الاعتقاد ان الكلام كان على الايدج موش الماجنتيك



ليه لم تحدد لهم نك بتستعمل كاسترول ماجنتيك .. كنت حصلت منهم على اجابه واضحه محدده

الكلام كان محدد على ماجناتيك 10w40 و في انجلترا قالولي انهم بيستعملوا الماجناتيك 16000 كم.

شيري كنت محدد معاهم نوع الزيت بوضوح و هم اللي كان ردهم عام