الموضوع: حساب الرسوم الجمركية لنيسان قشقاي 2017

انا كنت عاوز اعرف هل الاسعار اللي بيعلنها الوكلاء دي حقيقية مع هامش ربح معقول ولا مبالغ فيها
وخصوصا ان الضريبة على السيارات الاوروبي اصبحت 12%


فقلت القاشقاي كمثال لان واحد اعرفه شاريها في اكتوبر 2016 فئة اولى ب 225 الف من الوكيل

ودلوقتي الفئة الاولى دي سمعت انها بقت ب 365 الف ومحدش لاقيها كمان

انا بحثت على الانترنت لما عرفت ان القاشقاي اللي في السوق كله تقفيل انجليزي فدخلت على نيسان انجلترا وحملت كتالوج السيارة وفهمت ان اول
فئة فيها فتيس اوتوماتيك وموتور 1200 تربو هى بيسموها dig-t 115 accenta كما موضح في الصورة المرفقة
وفي فئة اقل في السعر اسمها visia دي مانيوال ومفيش منها اوتوماتيك انما الاكسنتا في منها الاثنين

المهم الموقع الرسمي بيقول ان الفئة dig-t 115 accenta دي بتبدأ من £20,935 استرليني
https://www.nissan.co.uk/vehicles/ne...fications.html

وعلى موقع نيسان نيوزلندا سعرها يبدأ من € 28.440 يورو

https://www.nissan.nl/voertuigen/nie...-QASHQAIP32S-1



ممكن حد يحسب لنا الجمارك ورسم التنمية وضريبة المبيعات
مع اعتبار سعر الشحن مبدئي بحسب ما وجدت في المواقع
يتراوح بين 500-1000 دولار ولو حد عارف انه اقل يقول لنا

خالص تحياتي للاهتمام والرد
من الاخوة الزملاء بالمنتدى اصحاب الخبرات في هذه الامور

لا حول ولا قوة الا بالله

ايه يا شباب محدش راضي يرد ليه طب حد يخش يرمي السلام حتى

عاوزين نعرف الناس دي بتسرق كام في العربية هو انا وغيري بنسبة 99ّ% عارفين انهم مزودين على الاقل في تمن العربية ما لا يقل عن 100 الف بالراحة

فكنت عاوز حد يحسبها لنا بالورقة والقلم علشان 99% تبقى 100%

طب حد يقول لنا نحسبها ازاي انا مش عارف بتوع الجمارك بيحسبوها ازاي قولوا لنا طريقة حسابها واحنا نحسبها

وفي حاجة تانية انا مستغرب منها في حد قال لي ان العربيات 1200 سي سي معفاة من الجمارك يبقى العربية دي سعرها عالي كده ليييييييييييه !!!!!!!!!!!!!!!!!!!