الموضوع: زيت فتيس لوجان 2010 مانيوال

كنت غبرت كوبلن فاضطريت اعير زيت الفتيس بموبيل 80w90 لكن حاسس بعضه فى الغيار الثاني سالت و البعض قاللي ان الزيت التخليقي افضل بكتير و رقمه 75w9p ايه افضل الانواع المتوفره فى السوق شل او كاسترول او ليكوي

المشاركة الأصلية كتبت بواسطة borio1704

أحسن نوع زيت هو اللي مواصفته مكتوبة في كتالوج عربيتك..

رينو كانت منزلة مواصفات لزيوت الفتيس في عربياتها كلها في سنة 2005.. والمواصفات اللي فيها تنطبق على عربيتك..

الزيت المطلوب مواصفته كالتالي:
لزوجة 75W-80 ومستوى اداء (جودة) API GL-5 (ممكن GL-4+)

الزيت اللي الكتالوج مرشحه اسمه TRANSELF TRJ 75W-80.. وده من إنتاج شركة ELF الفرنسية أحد شركات مجموعة توتال.



http://www.uleiauto.ro/phpeuri/oiluri/elf/1075.pdf

بس غالبا مش هتلاقيه في السوق... وللأسف.. الزيوت اللي تمشي مع الكلام ده في السوق قليلة جدا جدا جدا..

اسأل عند ليكوي مولي على ده:



تقريبا ده الوحيد باللزوجة ومستوى الجودة المطلوب اللي ممكن تلاقيه في مصر..

لو ما لقيتوش.. اسأل عند توكيل مانول مصر..
https://www.mannolegypt.com/

احتمال يكون عندهم زيت بنفس اللزوجة بس مستوى جودته أقل شوية (GL-4)




ده كتالوج منتجاتهم..
https://www.mannolegypt.com/mannol-catalog-2016

صحيح مفيهوش الزيت بتاع الرينو.. بس جرب واسألهم إذا كان ممكن يستوردوه.. خصوصا إنه موجود في تشكيلة منتجاتهم بره مصر وكل عربيات رينو المانيوال في مصر عايزة نفس المواصفات.


وبالنسبة للزوجة بتاعت الـ75W-90.. فدول موجودين عند ماركات كتير.. زي موبل وفالفولين وتوتال ومانول.

...

لقيت زيت معدني مش تخليقي اسمه wolf