العربية مايلة

**wiki** · 26-02-2017 05:24 AM

السلام عليكم جميعا
عندي مشكلة من فترة و ان شاء الله تساعدوني
عربيتي نيسان صني N 16 الشكل القديم موديل 2012 أوتوماتيك ex saloon عاملة 90000 كم

العربية فيها ميل من ناحية الشمال.. من ناحية السائق و بالذات و انا راكب العربية لوحدي.. و لو معايا حد في الكرسي اللي جنبي بتكون مظبوطة من غير ميل
صيانات العربية كلها في توكيل السبع في المعادي.. لما قولتلهم الموضوع ده كان ردهم انهم عملوا قياس زوايا و اتأكدوا انها سليمة.. و ان ده الطبيعي بتاع عربيتي بس لفتوا نظري اني محتاج أغير المساعدين الخلفي مع العلم انه - حسب كلامهم - مشكلة الميل مش مرتبطة بالمساعدين
بس يا جماعة الميل رهيب و مكنش كده في السابق.. انا بحس اني هقع من العربية و انا ماشي و بالذات ان وزني كبير.. يعني و انا برة العربية بقيس الارتفاع بين الكاوتش و الرفرف في اليمين و الشمال بأصابع ايدي.. الفرق تقريبا صباعين بين الناحيتين.. ده و انا برة العربية.. لما بركب بقى مش اقل من 3 صوابع فرق

السؤال هنا.. هل المشكلة دي في الياي (السوست) و لا المساعدين؟ لأن سعرهم تقريبا قريب من بعض (الأصلي طبعا) .. فا انا مش عارف اغير السوست و لا اغير المساعدين

أفيدوني بالله عليكم

**mummy_47** · 26-02-2017 07:19 AM

غير طقم 4 مساعدين مع السوست كامل واشتري دماغك....في كل الاحوال انت كنت لازم هتغيرهم
معلش هو ده التقفيل المصري

**wiki** · 26-02-2017 07:21 AM

شكرا ليك .. بس التكلفة هتكون عالية اوي.. حوالي 6 الاف جنيه

**mummy_47** · 26-02-2017 10:28 AM

هو ايه اللي مبقاش غالي ...كله غالي يا باشا....طيب ممكن تغير طقم امامي مساعدين مع سوست وشوف النتيجة هتبقى ايه...لكن انا مش عارف ممكن تلاقي سوست زيرو منين ؟؟ لان بنسبة 95 % ان السوست الامامية ضعيفة

**ahmed.zahra** · 26-02-2017 10:38 AM

موضوع الميل ده فعلا اشتكى من ناس كتير في النيسان. و اعتقد انه غالبا من السوست. ممكن تروح لعفشجي يتأكد لك من الموضوع ده و لو العيب منهم فعلا ممكن تجيب سوستتين استيراد مش حيعدوا ال600 جنيه او 700

**wiki** · 26-02-2017 07:23 PM

المشاركة الأصلية كتبت بواسطة ahmed.zahra

موضوع الميل ده فعلا اشتكى من ناس كتير في النيسان. و اعتقد انه غالبا من السوست. ممكن تروح لعفشجي يتأكد لك من الموضوع ده و لو العيب منهم فعلا ممكن تجيب سوستتين استيراد مش حيعدوا ال600 جنيه او 700

شكرا استاذ احمد
انا ممكن اشتري سوست جديدة بس انا مش عارف اساسا المشكلة فيها و لا في المساعدين
عامة هروح لعفشجي أن شاء الله