عيوب دايو لانوس --ومصير شيفروليه لانوس الجديدة

**hapepeyaa133** · 06-12-2008 07:18 PM

المشاركة الأصلية كتبت بواسطة SE_coralsea

كل سنة و انت طيب

أسمح لي أختلف معك في بعض النقاط كما اتفق معك في البعض الاخر

أولا.. أري ان منصور شيفورليه لن و لم يطور شئ في اللانوس الجديدة لانه مثله مثل غيره من الوكلاء لايحرصون علي تحسين جودة منتجاتهم بقدر ما يحرصون علي جني المال من جيوب المستهلكين لذا اتوقع أن تظهر بها عيوب جديدة نتيجة للمزيد من التوفير في الخامات تماما مثلما فعل أبو الفتوح من قبل عندما انتج لانوس 2 و ظهرت بها عيوب لم تكن موجودة بسابقتها

ثانيا.. اري و ذلك من خلال تجربتي الشخصية ان الكثير من العيوب التي ذكرتها علي لسان بعض من امتلكوا هذه السيارة فيه نوع من المبالغة مثل عيوب الكهرباء و الفرامل و العفشة فلم أصادف و الحمد لله اي من تلك المشاكل علي مدار اكثر من سنتين بالرغم من تعرض تلك السيارة للطيران اكثر من مرة بسبب مطبات مفاجئة و عنيفة

ثالثا.. أتفق مع سيادتك في أن الشكل اصبح متكرر و لكن ذلك يرجع كما ذكرت الي انتشارها بشوارعنا و ذلك لايقلل من سمعتها و كفائتها كما اتفق معك في ان كراسيها منخفضة و غير مريحة بالاضافة الي عدم وجود عزل جيد للصوت مما يزيد من عدم الراحة داخلها

لكن بشكل عام هي من السيارات الجيدة جدا و التي اثبتت نجاح في مصر

فرحتنى بردك ده والله ياباشا انا معايا لانوس برده 2008 وشايف انها عربية مناسبة وجميلة جدا بالسعر ده . والاخ صاحب الموضوع بيقول ان العربية واطية طيب ماهو كل الجديد واطى. وكمان معظم الجديد صاجه خفيف جدا وكمان بومبيه ايه المشكلة فى كدة يعنى. انا مش بشكر فيها عشان هى معايا بس هى فعلا ممكن يكون موضوع عزل الصوت الخارجى هو اكتر حاجة مضيقانى من بعد ما ركبت اللانسر

**SOBKY** · 06-12-2008 08:15 PM

رأيي المتواضع ..
اعتقد لو الشركة الام و هي ( شيفرولية ) حاليا ... هي اللي عالجت العيوب اللي كانت موجوده في سابقتها ( الدايو ) .منصور هايطلع العربية بدون العيوب دي.
لانه ببساطه بيجمع مش بيصنع او بيعدل عربيات .
هو بيتبع و مش بيبتدع.

**amirhamed** · 06-12-2008 09:20 PM

المشاركة الأصلية كتبت بواسطة ticoxx

اضافة اخيرة....هوة لو الانوس مثلا مش عربية ناجحة ولا فيها كل العيوب المذكورة دي كلها.........كان منصور هيعيد تصنيعها ليه بقى؟؟؟؟؟؟

+1111111111

**egyptianmafia** · 06-12-2008 09:24 PM

ya gama3a.....malo mansour wel 3arabeya deh????? Mansour bas dealer....GM Egypt homa ely beysan3ooha fe 6 October.......fe GM heya ely betghayar fel shakl mesh Mansour.....

**shanodaa** · 06-12-2008 11:19 PM

لانوس سياره اقتصاديه في التشغيل ومعمره ومعشوقه الشعب المصري ويكفي ان نقول كلاكيت ثاني مره بطوله منصور شيفورليه

**essa** · 07-12-2008 03:10 AM

بصراحه عربيه حماله اسيه وموضوع الفرامل ده ياجماعا بجد انا مستغرب منه انا معظم الوقت وليس دائما معايا لانوس بتاعت ابن خالتى وبمشى بيها 120 و140 وعمرها ماقالت بم والعربيه موديل 2007 وعامله 145000 ومغيرها حاجات بسيطه زى سير كاتينه وسير دينامو وفلتر الحاجات دى يعنى بس بصراحه دايما ايده فيها ومش ناقصها حاجه
بس انا فى حاجه بس مستغرب منها صوت العربيه بيبقى غرييييييب جدا فى الطالعه الاولى ومش فى عربيته لا فى كذا عربيه دايو ماعدا اللى بتبقى زيرو والدايو لانوس 1 الصوت ده بيطلع فى الانوس 2 بسسس الصوت عباره عن انك بتحس ان العربيه شكمانها مخروم فى صوت غريب كده مع دوسه بنزين فى اول الطالعه !!

**moby** · 07-12-2008 11:54 AM

ممكن يكون بسبب عدم وجود فلتر البيئة فى الشكمان..
لآنه بيكتم الصوت.وده موجود فى لانوس 1

**emadno1** · 07-12-2008 12:06 PM

معايا لانوس مو 99 و مفيش اى مشاكل فيها خالص و زى ما الاستاذ محمد تفضل و قال ان فى بعض الحاجات تعتبر مزاج شخصى

1- انا بحب الكراسى بتاعتها جدا لانها واطيه و لو تنفع توطى اكتر كنت حاعملها لانى بحس انى متحكم فى العربيه اكتر لما الكرسى يكون واطى و مريح لى و كمان عربيات اصحابى لما بسوق بوطى الكرسى كدة .
2- حته الصاج دى كل الزيرو كدة و دة مش جديد
3- الفرامل انا ناوى اعدلها قريب لانها فعلا اضعف من عربيات تانيه و دى باحسها لانى بسافر كتير و انا عامل 160000 كم و العربيه زى الفل مفيهاش حاجه خالص و كل حاجه فيها زى ما هى من ساعه ما خرجت من مصنعها مبعملش غير الصيانات الدوريه و جارى اللى انا اشتريت منه العربيه كان كدة برضه.
4- موضوع الردايتير دة غريب ممكن حضرتك تقولنا عربيه كانت بتمشى من غير مشاكل و الريداتير مخروم او الردايتير مش فى وش العربيه .