حاجة بس خطرت على بالى و أنا قاعدة بتتفرج على فيلم كده رضا ... المشهد اللى ضحكو على الدكتور النفسانى و فهموه انه بيتعملو محضر ... لما الظابط قاله هتعترف ولا نخليك تتعترف بطريقتنا :k38::k38:... راح معترف علطول
ليه بقى مش بيستخدمو جهاز كشف الكدب و ينجزو ؟؟؟؟
و يبقى فى الاقسام و مكاتب النيابة و المحاكم و كده بدل ما حد يتظلم عشان حد شهد عليه زور مثلاً أو حد يفلت من جريمة هوا فعلا عملها..
أنا لما فكرت قلت يمكن عشان الاسباب دى
مثلا الجهاز غالى (بس لو غالى مش لازم يبقى فى كل قسم يعنى ... يبقى فى اقسام معينة يتعمل فيها الكشف و خلاص )
أو مثلا الظباط مش هيعرفو يستخدموه (بس عادى يعنى يعينو واحد متخصص زى اللى كنا بنشوفهم فى تمثلية دموع فى عيون وقحة ... مش لازم الظباط يشغلوه يعنى يبقوا واقفين مع اللى بيشغله و خلاص)
أو مثلا الناس ممكن تتدرب إنها تكدب و الجهاز ميكشفهاش (بس مش للدرجة دى ... مش اى حد هيقدر يوفر الجهاز أصلا عشان يتدرب عليه ... إلا بقى لو عملو مراكز تدريب متخصصة فى الموضوع ده )
أو أسباب تانية
الظباط مش هيعرفو يفترو على الناس (يعنى بدل ما ينزلو فى الواحد ضرب عشان يعترف بأى حاجة و خلاص فيعترف فعلا عشان يخلص من ايديهم .. ليه بقى يروحو يحطوه على الجهاز و الراجل يطلع برئ و ميعرفوش يقفلو المحضر... ميصحش برضه )
الداخلية ساعتها مش هتعرف تجيب أى حد و تقول ان هوا اللى عمل جريمة معينة تكون شغلت الرأى العام ايه ده أنا ابتديت اهيس ولا ايه .......
خلاص كفاية كده أحسن و كل سنة و انتو طيبين ....
هوا صحيح أنا لوحدى اللى مش عارفة اظبط تنسيق الكتابة ولا حد تانى مش عارف زى ؟؟؟؟
المفضلات