اغـــــــار منــهم **** واكـــرهك يا مصــر

**دموع الثلج** · 18-12-2008 08:15 PM

على عنـــوان المـــوضوع :K_crying[1]:

وانا بقلب فى محطات التليفزيون
شفت احتفــــــالات دوله عربيه بعيد استقلالها
العيد الوطنى لدوله قـــطر

العيد رقم خمســــــين
لبلد عدد سكانها لا يتعدى 80 الف شخص

وشفت حــاكم الدوله وهو مشــــــارك الشعب وعامه الشعب وكل الناس ويتجـول معاهم فى الشــوارع قولت ده كله استعراض مفيش حد بيعمل كده من الحكام العرب بيضحكوا على الناس او عاوزين يقهـــرونى بس

مكدبتش خبــــــر ورحت طيران شغلت الاف ام بتاعتهم سمعت مكالمات الناس فرحانين واحتفالات وكانه عيد ثالث غير عيد الفطر والاضحى
وهاتك يا دعواااااااااااات للحاكم وتحس انهم بيموتوا فيه

وطبعا المصريين اللى موجودين فى قطر اليوم يقدروا يوصلوا الصوره اكثر منى
:K_crying[1]::K_crying[1]:

طبعا اول ما جاء فى بالى احتفالات مصــــــر المحروسه بعيد التحرير 6 اكتوبر الله يرحمه من يوم

العيد ال 36
فى بلد عدد سكانها قرب من 80 مليون
طيب ليه الاغلبيه بيكرهوووووووووووا مصر ولا حد فينا بقى قادر يحبها

وليه اللى كان بيحبها الان بقى يكرهها بكل سهوله مش عاوزه اتكلم اكثر بلاش نقلب مواجع

بس اكثر ما حسيته هو احساسى بمنتهى الغيـــــره من الشعب القطرى لحبهم لبلادهم وقدرتهم على التعبير عن هذا الحب

طب ادعــــــــى على مين ومين اللى كان السبب فى عدم الشعور بالانتماء لمصر حد يقولى هو الخلل فين

**mokhtar** · 18-12-2008 09:50 PM

متزعليش نفسك يا دموع اللى يعيش عيشه قطر لازم يحبها ويفرح لعيدها الوطنى ويدى للحاكم بتاعها انما عندنا يا حسره الناس ماشيه فى الشوارع تكلم نفسها...

..mokhtar..

**ASKAFRAWY** · 18-12-2008 10:20 PM

المشاركة الأصلية كتبت بواسطة mokhtar

متزعليش نفسك يا دموع اللى يعيش عيشه قطر لازم يحبها ويفرح لعيدها الوطنى ويدى للحاكم بتاعها انما عندنا يا حسره الناس ماشيه فى الشوارع تكلم نفسها...

..mokhtar..

معاك حق بس الناس مش بتكلم نفسها بس دى ناقص تموت بعض من الضيق والخنقة وطبعا حكومتنا الجليلة بتعمل المستحيل عشان ترضينا وتريحنا وتدلعنا وتشغلعنا!
ونسمع سلام هشتكنا وبشتكنا ياريس!!!!!!!!!!

**ASKAFRAWY** · 18-12-2008 11:25 PM

المشاركة الأصلية كتبت بواسطة Mohammed_Adel_Amin

والله يا جماعة الموضوع ده بقى سخيف جدا يعني الوطنية عند الناس تدنت لأقل المستويات .. وبحس ان المصريين بيشمتو في بلدهم , حاجة تحير !!

ممكن اعرف معنى الوطنية دى؟؟
وايه الممكن يخلى الواحد يحس بوطنيته وهو مش متمتع حتى بادميته فيها!
ياترى المقارنة هنكون عادلة لو قارنها باي بلد؟
ان من كتر ما سافرت الحمد لله اقدر اقول لحضرتك اننا بنتعامل معاملة ال................فبلدنا اللى المفروض انى اكون منتمى ليها!!

دة بس جزء بسيط من البيحصل فى البلد!!
دة غير طبعا ان فيه ناس اساسا مش عايشة مهما طبعا حدث من امور اقتصادية

**mezo131** · 18-12-2008 11:51 PM

أنا فعلا عايش في الامارات و أحنا بردو عندنا الأحتفال بالعيد الوطني مقدس و الشيوخ بيكونو موجودين و الغريب أن كل الجنسيات بتشارك مش بس المواطنين

**Ahmed Samy** · 19-12-2008 12:03 AM

و الله انا لما جيت اكتب عن احنا ليه ما بنحبش مصر

طلع عليا المثل ده جامد قوي و ماعرفتش اكتب غيره

افتكرلك ايه يابصله وكل قضمه فيكي بدمعه ...

**Mohd_Adel_Amin** · 19-12-2008 12:10 AM

والله يا جماعة انا معاكم كلكم ان الحال في مصر يخلي الواحد يتأزم وخصوصا لمن سافر للخارج .. بس اذا كنا إحنا اللي المفروض اننا الطبقة الواعية في البلد نبقى بنكرهها كده يبقى مين اللي هيحبها ؟؟

**ASKAFRAWY** · 19-12-2008 12:13 AM

المشاركة الأصلية كتبت بواسطة Mohammed_Adel_Amin

والله يا جماعة انا معاكم كلكم ان الحال في مصر يخلي الواحد يتأزم وخصوصا لمن سافر للخارج .. بس اذا كنا إحنا اللي المفروض اننا الطبقة الواعية في البلد نبقى بنكرهها كده يبقى مين اللي هيحبها ؟؟

لازم الحكومه تقدر كدة احنا بنقدر ندبر امورنا بس فيه ناس مش لاقية حتى القوت الضرورى والخدمات اللى المفروض الحكومة توفرها للفقراء للاسف اصبحت معدومة!!

-

الموضوع: اغـــــــار منــهم **** واكـــرهك يا مصــر

LinkBack

أدوات الموضوع

عرض

اغـــــــار منــهم **** واكـــرهك يا مصــر - انشر الموضوع فى :

-

-

-

-

-

المواضيع المتشابهه

أخبار جديده عن وكالة ميتسيوبيشي في مصــر

عـز العــرب تـوكيـل :: فـولفـو :: الجديـد فى مصــر

شوفت النهــادرة الـ Vel Satis فى مصــر

الكلمات الدلالية لهذا الموضوع

المفضلات

المفضلات

ضوابط المشاركة