ملاحظة بالنسبه( لجميع ) مواتير الهيونداي

**super3_11** · 15-02-2010 09:04 PM

انا كان معايا هيونداى اكسنت 2000 وبعتها بعد 9 سنين استخدا وضالع عنها وضبعا كانت بتكركر بس على المرتفعات مهما حولت تظبت رجلك كانت بتكركر اما فى العادى عمرها من يوم ما ولدى جبها لغاية مأتهالى لغاية مبعتها عمرها مكركرت انا اخدها وولدى جاب اكتافيا a4 فى اى حتة واى مكان بس ضبعا لما تكون مش مظبط رجلك او مكسل تنقل اسمه صوت الكركرة واتمزج صوتها غريب جدا جدا واسمعها فى الشارع من علو صوتها بعرفها من قبل ما ابص عليها

**hema_hn** · 06-05-2010 05:16 AM

الموضوع ده ماشى زى السحلفة بس مضطر انه ينطرح تانى
انا طول عمرى معايا عربية 131 موتورها 1600 العربية كنت بمشى بيها على سرعة 10 على التانى وممكن كمان اطلع من حالة السكون على التانى ومكنش فيه اى كركرة انا اشتريت عربية اكسل 1300 سىسى لاحظت موضوع الكركرة خليت الميكانيكى يأخرلى العربية فى الكهربا وبقيت اسايسها ومحملش رجلى على البنزين وبقيت اشبع العربية فى الغيار يعنى الاول اجيبه على سرعة 20 والتانى على 40 والتالت لحد 80 وهكذا
المضحك ان فيه واحد زميلى عنده عربية سيارت 133 ركب عربيتى وسقها نزلته من العربية بعد 10 دقايق من سوقته عربيته 800 سىسى وبيحمل بعربيته وانا بركب جمبه بشكل مش طبيعى فلما ساق عربيتى لقيته بيسوق بنفس الطريقة لقيت العربية بتسقف معاه من الاول ولما ياخد ملف بتسقف معاه فى التانى عشان هو واخد على التحميل ففى الاخر بسأله ايه رأيك قلى بصراحة انا مستمتعتش بالعربية
ودا الى لاحظته فى موضوع الكركره

**YHYAKOTB** · 06-05-2010 12:26 PM

المشاركة الأصلية كتبت بواسطة Ahmed Anwer

اشطه

I have No Karkara

هههههههه

فعلا الاتوماتك مبتكركرش

**dolly13** · 06-05-2010 12:38 PM

وانا معايا فيرنا 2009 وعاملة 31 الف ومكركرتش ابدا الا لو استسهلت واديتها التانى بدرى

**ufarag** · 06-05-2010 05:27 PM

سعادتك انا عندي النترا 2010 اتوماتيك وعمري ماسمعت العربية بتكركر من ساعة ماشترتها ، ياباشا ماشاء الله ده حوت ماشي على الارض ، تقولي تكركر ، المشكلة الوحيدة ان بحس اني لو حبيت اوقف العربية وهي بتجري مش هتقف ، بس الصراحة لس ماجربتش الموضوع ده.

**esem2704** · 20-07-2010 04:55 PM

الموضوع ده بس على المرتفعات

**tamer_a7** · 21-07-2010 04:22 PM

انا كنت قريت الموضوع كله قبل شويه وبعدين شاءت الظروف اني انزل اجيب اكل من تحت المكتب
انا شغال في مصدق
شاب امور بيركن قدام فودافون الناحيه التانيه كده (للي عارف في مصدق يعني)
قافل الطريق والناس متعصبه والدنيا مخنوقه خنقت السنين والطريق فتح وانا واقف كنت خلاص هاعدي(طبعا ما حدش عداني)
كل العربيات اللي مشغله التكييف وعدت من قدامي كانت بتسقف بنسب مختلفه وباصوات مختلفه
يعني من الاخر ولا وحده عدت من غير ما تكون فيها نسبه تسقيف ولا ضئيله جدا
دا امر طبيعي لانه كله متعصب وطالع بعصبيه وتكيف
اللي عايز اوصله للكل كل العربيات بتسقف بس بنسب مختلفه

**hema_hn** · 22-07-2010 02:44 PM

انا عشان اخلى العربية عندى متسقفش خالص بقرص على الغيار لحد أخره بمعنى اجيب الاول لحد لما يقلى انا مش ماشى تانى وانقل على التانى وشرحه وبكدا مش بخلى العربية تسقف خالص
بدى كل غيار حقه

**miro1995** · 22-07-2010 04:20 PM

انا معاك فى موضوع التسقيف ده فى الاكسيل بس سواء 1.3 او 1.5 لان انا كان معايا اكسل 1.3وكنت ملاحظ موضوع التسقيف ده جدا وجربت اكسيل 1.5 وبرضو كانت بتسقف ودلوقتى انا معايا اكسنت 1.5 انجكشن ومش بتسقف خالص لو انا اللى راكبها وباطلع بيها على التانى وانا مشغل التكييف ومش بتسقف لكن لو والدى اللى سايقها بتسقف بطريقه ملحوظه جدا ولذلك انا بعتقد انها عيب سواقه فى جميع عربيات هيونداى عدا الاكسيل

**tamer_a7** · 26-07-2010 11:29 AM

امبارح كنت بافكر في الموضوع ده
ولقيت فعلا حل حكايه للموضوع ده
فعلا كل مواتير الهيونداي بتكركر وبشكل قوي جدا
بس دا مش المتور دي الشيشيه اللي المتور بيشربها علشان دماغه تبقي عاليه ودا طبيعي يعني متور اسطوري زي دا لازم يكون دماغه عاليه امال هيروق اللي سايق ازي
ههههههههه