| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 2 الأولىالأولى 1 2
النتائج 11 إلى 18 من 18

  1. #11

    الصورة الرمزية boty50

    رقم العضوية : 3098

    تاريخ التسجيل : 10Nov2007

    المشاركات : 313

    الاقامة : مصري مقيم بالكويت

    الحالة : غير متواجد

    افتراضي -

    باستخدم شارب الياباني منذ سنه 86!!!
    ايوه من 22 سنه ولسه شغال الي الآن
    وهو ميكروويف وكونفكشن و زراير تاتش
    ولم يمر يوم بدون ان نستخدمه

    نصيحه انك تاخده بكل المميزات وتاتش
    علشان هو احسن وسيله للخبز والكيك
    ماسألتش عن الباناسونيك ؟ ليه اعلان في
    الجرائد
    هو غالي بس ده تقريبا التوب حاليا
    سعره بالكويت 130 دينار = 2600


  2. #12

    الصورة الرمزية AboMaro

    رقم العضوية : 10319

    تاريخ التسجيل : 08May2008

    المشاركات : 500

    النوع : ذكر

    الاقامة : Ismailia

    السيارة: لما نحل مشكلة الاولى

    السيارة[2]: اكسنت 2010جايه بايظه

    الحالة : غير متواجد

    افتراضي -

    اقتباس المشاركة الأصلية كتبت بواسطة boty50 مشاهدة المشاركة
    باستخدم شارب الياباني منذ سنه 86!!!
    ايوه من 22 سنه ولسه شغال الي الآن
    وهو ميكروويف وكونفكشن و زراير تاتش
    ولم يمر يوم بدون ان نستخدمه

    نصيحه انك تاخده بكل المميزات وتاتش
    علشان هو احسن وسيله للخبز والكيك
    ماسألتش عن الباناسونيك ؟ ليه اعلان في
    الجرائد
    هو غالي بس ده تقريبا التوب حاليا
    سعره بالكويت 130 دينار = 2600

    كان فيه باناسونيك ياباني موجود في المركاتو ب 3290 وطبعا فيه كل حاجه
    و كمان كان فيه عند رضوان العجيل واحد ال جي كوري ب 3600 وده بيقولي بيشتغل بالطاقه الضوئيه مش زي المايكروويف العادي
    طبعا الاتنين دول حلوين جدا بس اكيد غاليين جدا برودا
    انا بفكر ف ال جي اللي ب 2150 لانه فيه كل مميزات البانا سونيك الياباني و ارخص وبردوا كوري
    بس ممكن توضيح لخاصيه الكوفينشن دي لان واضح انها هي اللي مغليه تمنه و كمان واضح انها مهمه فياريت توضيح هي بتعمل ايه لان البياعين مش فاهمين حاجه


  3. #13

    الصورة الرمزية boty50

    رقم العضوية : 3098

    تاريخ التسجيل : 10Nov2007

    المشاركات : 313

    الاقامة : مصري مقيم بالكويت

    الحالة : غير متواجد

    افتراضي -

    عزيزي

    الافران دي لها ٤ وظائف اساسيه
    (تختلف حسب الفرن وأمكانياته)

    ١- ميكروويف:
    وده ممكن تفك بيه التجميد والتسخين والتسويه ايضا
    حسب اختلاف الوقت وقوه الميكروويف اللي علي الأكل
    يعني رغيف العيش بياخد من ١٥-٢٠ ثانيه علشان
    يبقي ساخن علي ميكروويف بقوه ٨٠٠-١٠٠٠ وات

    ٢- الكونفكشن (الحمل الحراري):
    وهي مرادف للحمل الحراري بمعني ان فيه عنصر
    تسخين وراه مروحه بتنقل الحراره بطريقه متساويه
    لجميع اجزاء الفرن فمثلا لما تخبز كيكه بتكون كلها
    واخده نفس درجه الحراره من تحت وفوق وجميع
    الجوانب فترتفع بنسبه واحده وتحمر بتساوي
    وده عاده بيكون للمخبوزات من ١٣٠ الي ١٨٠ درجه

    انا عاده لا اخبز الكيك او البسكوت او البسبوسه
    الا فيه لتساوي درجه الحراره فيه

    ٣- الجريل أو الشوي
    وده نفس السابق بس درجه الحراره تترفع الي
    الأقصي وهي ٢٥٠ درجه لشوي اللحوم

    ٤- كومبيناشين (الوضع المختلط)
    وده بيشغل الكونفكشن مع الميكروويف بنسبه
    معينه يعني مقلا حراره ٢٠٠ درجه مع ميكروويف
    ٦٠٪ من الوقت وده بيسوي الأكل من جوه وبيحمره
    من بره وده لشوي الفراخ الكامله
    ودي بتطلع حكايه زي فراخ الشوايات من المحلات
    بتكون لمده ٤٥ دقيقه ولحمها بيبقي مستوي جـدا

    لو احتجت اي معلومات اخري تحت امرك


  4. #14

    الصورة الرمزية boty50

    رقم العضوية : 3098

    تاريخ التسجيل : 10Nov2007

    المشاركات : 313

    الاقامة : مصري مقيم بالكويت

    الحالة : غير متواجد

    افتراضي -

    نصائح للمقارنه:

    ١- الحجم
    ٢- قوه الميكروويف لا تقل عن ٨٠٠ وات
    ٣- قوه عنصر التسخين عن ١٥٠٠ وات
    ٤- صينيه دواره (زجاج او معدن) يفضل المعدن
    ٥- المميزات الأخري (تاتش ، شوي ، مختلط
    طبخ اوتوماتيكي عند وقت محدد ....


  5. #15

    الصورة الرمزية D . a .\ AYMAN

    رقم العضوية : 12806

    تاريخ التسجيل : 12Jun2008

    المشاركات : 2,816

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : غير متواجد

    افتراضي -

    اقتباس المشاركة الأصلية كتبت بواسطة AboMaro مشاهدة المشاركة
    بس ممكن توضيح لخاصيه الكوفينشن دي لان واضح انها هي اللي مغليه تمنه و كمان واضح انها مهمه فتوضيح هي بتعمل ايه لان البياعين مش فاهمين حاجه


    الـ CONVENTION تعني مؤتمر أو إتفاقية أو ...

    أما الصفة المقصودة في الميكروويف وهي الـ COVECTION وتعني الحفز الحراري أو الحمل الحراري ...

    ومعناها في الميكروويف بالذات إنه فيه خاصية الفرن يعني ممكن تشغله كفرن كهربائي عادي بدون أي موجات ميكروويف ... زي فرن البوتاجاز بس بالكهرباء

    وبالتالي ممكن تضع فيه أي أواني معدنية عند إستخدام هذه الخاصية بعكس الميكروويف الذي لا يمكن وضع أي أواني معدنية أثناء إستخدامه

    بالنسبة للأنواع أنا عندي واحد دايو كوري 36 لتر فيه الكونفيكشن وفيه شواية هالوجين (وليست العادية اللى هية عبارة عن قضيب حديد يسخن لدرجة الإحمرار .. والهالوجين موفرة أكتر في الكهرباء وأقوى في التحمير) استانليستيل ....

    بالنسبة لى عيبه الوحيد إنه مش تتش (والعيب ده بيبان في التنضيف) وبحس إن صوته عالي سنة عن المعتاد

    كان سعره من حوالي سنة 1500 جنيه من عبد العزيز
    وكان في شارع شريف 1700 تقريبا
    وكان في بي تك (وكيل دايو) 1900 تقريبا
    شفته قريب في كارفور بس مش فاكر كان بكام

    الضمان بتاعه عند أوليمبيك وهم أصحاب محلات بي تك وحاجات كتير تاني بس ضمانهم محترم فعلا وأنا مجربهم في حاجات كتير بس إتأكد إن الفاتورة بتاعته مختومة مع الضمان

    D . a . \ A Y M A N
    A . S . Y

    N.Y.S.M.A سابقاً


  6. #16

    الصورة الرمزية ahmedsamir79

    رقم العضوية : 511

    تاريخ التسجيل : 07May2007

    المشاركات : 2,482

    النوع : ذكر

    الاقامة : Alexnadria

    السيارة: Verna

    السيارة[2]: Saba Saipa

    دراجة بخارية: No

    الحالة : غير متواجد

    افتراضي -

    البلاك أند ديكر ممتاز


    مهندس أحمد سمير


  7. #17

    الصورة الرمزية AboMaro

    رقم العضوية : 10319

    تاريخ التسجيل : 08May2008

    المشاركات : 500

    النوع : ذكر

    الاقامة : Ismailia

    السيارة: لما نحل مشكلة الاولى

    السيارة[2]: اكسنت 2010جايه بايظه

    الحالة : غير متواجد

    افتراضي -

    اشكركم يا جماعه بشده و انا عملت بالنصيحه و جبت اللي فيه كل حاجه.....
    ال جي 42 لتر كوري و ب 2150 من شارع عبد العزيز
    و فيه الكونفنشن و كمان شوايه الجريل و كمان الطبخ الجمعي و الشوايه اللي بتلف و معاه صينيه معدن واخرى زجاج
    ايه رأيكم فيه؟؟

    انا طبعا شاكر ليكم جدا جدا وبجد انا استفدت منكم جدا خصوصا الاخ boty50 و الاخت NYSMA
    وححاول افهم فيه على قد ما اقدر
    و لو عوزت حاجه في طرق الاكل و التسويه اسمحلي يا استاذ boty50 اني ابعتلك على الخاص تفهمني اعمل ايه وشكراااا


  8. #18

    الصورة الرمزية boty50

    رقم العضوية : 3098

    تاريخ التسجيل : 10Nov2007

    المشاركات : 313

    الاقامة : مصري مقيم بالكويت

    الحالة : غير متواجد

    افتراضي -

    تحت امرك حبيبي



 
صفحة 2 من 2 الأولىالأولى 1 2

المواضيع المتشابهه

  1. كنت عايز اعرف هو انا ممكن اشتري شاسيه بس؟
    بواسطة şahin1993 في المنتدى تعـــديل الســـيارات و الإضافات
    مشاركات: 5
    آخر مشاركة: 13-11-2012, 02:40 AM
  2. مساعده (عايز اشتري عربية ومحتار بين السيراتو والكروز والسول)
    بواسطة EngAhmed13 في المنتدى قســـــــــم المقارنــــات
    مشاركات: 13
    آخر مشاركة: 30-09-2010, 10:32 PM
  3. عايز اشتري كورسا سيدان-محتاج مساعده
    بواسطة perfectspy55 في المنتدى أوبـــــل
    مشاركات: 13
    آخر مشاركة: 22-12-2008, 02:35 AM
  4. عايز اركب جنوط عريضه ممكن مساعده؟؟؟!!!
    بواسطة harmadan في المنتدى دايــو+شيفرولية لانوس
    مشاركات: 9
    آخر مشاركة: 19-10-2008, 04:59 PM
  5. عايز اشتري أجهزة كهربائية كتيرة - حد ممكن يساعدني؟
    بواسطة Khalid Shalabi في المنتدى المنتــــــدى الاجتمــاعى
    مشاركات: 4
    آخر مشاركة: 18-05-2008, 01:27 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0