الموضوع: بنزين 90 و لانسر 1600 الوكيل!!!

المشاركة الأصلية كتبت بواسطة ahmed322

العربيه عندى بتأكل بنزين كتير اوى اوى اوى لدرجه انى بكون لسه ممون بنزين 92 عشرين لتر ومجرد ما اروح مشوار بالظبط مش اكتر من 15 كيلو نص البنزين بيخلص ها هشوف واجرب موضوع البنزين 90 دا ممكن يكون حل كويس مش عارف دا عيب ولا ايه والعربيه لسه موديل 2009 مستلمها من اسبوعين بس

ياريت تروح تكشف على الموتور وتطلب فى التوكيل ضبط الموتور بجهاز MUT للتأكد من موضوع البنزين داه. بعد ضبط الموتور إشتري سائل تنظيف دورة البنزين من التوكيل من نوع ميتسوبيشى بـ 60.5 جنية.
ويفضل التموين من بنزينات وطنية أو إمارات مصر أو موبيل بس تكون بنزينة نضية من اللى بيبقا فيهم on the run
السبب فى كدا أكيد إنتا حطيت بنزين من بنزينة بتغش البنزين وممكن يكون كان فيه ميه.

المشاركة الأصلية كتبت بواسطة mohamedway

بصوا يا جماعه انا تنقلت من ال92 الى ال90 كذا مره ولا حظت كل اللى بتقولوا عليه ده بس الخلاصه اللى وصلتلها فى الأخر خالص ان البنزين ال92 طبعا أفضل و بيخلى الموتور انعم و ميسقفش مع القرص الجامد بس بشرط (تمون من بنزينه وطنيه و لا شىء غير وطنيه) و حربوا و ادعولى...... وعلى فكره انا عربيتى 1600 مانوال مواصفات مصريه موديل 2006 وعشان تبقوا عارفين .....المشكله الأساسيه انه يوجد غش فى البنزين و لكن وطنيه متقدرش تغش لسبب بسيط و هو انها بتاعت الجيش وادارتها كلها جيش و حتى العمال اللى بيمونولك العربيه عساكر مجندين بيقضوا جيشهم.

خليك ماشى على البنزين 92 لأن للأسف إتضح إن البنزين ال 90 اللى فى مصر فعليا أقل من 90 يعنى حوالي 87 أوكتن.
والبنزين ال 92 هوا بنزين 90-91 فخليك أحسن على ال 92، أنا رجعت أستعمل 90 لما عرفت المعلومة دي بصراحة.

ربنا يخليلنا مصر حتى البنزين مغشوش.

المهم حاول تحط منظف دورة الوقود اللى بيتباع فى التوكيل هوا من إنتاج شركة ميتسوبيشى حطة عند كل صيانة سعره 60.5 جنية وموجود دلوقتى فى التوكيل أخيرا يفضل لو قدرت تعمل زيي وتشتريلك 5 ولا حاجه لأنه نادرا لما تلاقية متوفر.

ربنا يرحمنا برحمته