الموضوع: أى سؤال أو استشارة فى طب العيون

المشاركة الأصلية كتبت بواسطة musiccairo

شكرا لعرض حضرتك الطيب
جزاك الله كل خير
انا اولا بلبس نضاره من وانا صغير يعني تقريبا 6 سنين
وفي مره الدكتور قال ان حدقة العين ضيقه ( من زمان جدا ) وبالتالي لما اكون من غير نضاره بضطر انتي اضيق عيني اوي عشان اشوف بنسبه كويسه طبعا مع الوقت اتعودت عالنضاره لحد دلوقتي
انا هكتب لحضرتك مقاس العدسات اللي معموله ليا من حوالي شهر وياريت حضرتك تقولي رأيك وهل كلام الدكتور صحيح ولا لا (عيب خلقي ولا لا )
right >> shp 2.5 /cyl -/ axis -
left>> shp2.5 /cyl 0.25/ axis 130
الكشف كان بالتحديد يوم 2 مارس 2009
شكرا لحضرتك

مافيش علاقة بين ان حدقة العين ضيقة و انك بتضيق عينك علشان تشوف من غير نظارة ، اى انسان عنده مشكلة فى حدة الأبصار بيضيق عينيه علشان يشوف احسن لأن ده بيعمل حاجة اسمها Pin Hole Effect و دى بتساعد على تحسين الصورة المستقبلة من العين لأقصى حد ممكن (جزء من قوانين البصريات) اما كلمة الدكتور بتاعك ان الحدقة ضيقة فده ممكن ساعتها حصل لأى سبب (الضوء كان ساعتها شديد شوية) و الحكاية دى ممكن تكوتن عاكسته فى اخذ مقاس العين او ضايقته فى فحص قاع العين مش اكتر ، لكن لا عيب خلقى ولا حاجة (ملحوظة : بعض انواع الأدوية او الأطعمة بتضيق او توسع الحدقة)
بالنسبة لمقاساتك فهى قصر نظر بسيط فى العينين و معاه ربع درجة استجماتيزم قصر فى العين الشمال و دى مقاسات بسيطة و لكن حافظ على لبس النظارة على طول للحفاظ على حدة الأبصار و تجنب اجهاد العين
و تحياتى