الموضوع: أى سؤال أو استشارة فى طب العيون

المشاركة الأصلية كتبت بواسطة nodey

السلام عليكم د شريف
كل عام انتم بخير ومضان كريم
عندي ابني عمره 6 سنوات لاحظت انا والمدام انه ساعه ما يقرأ في الكتاب يقرب علي الكتاب جدا
وعرضته علي طبيب عيون
عمل له اختبار الحلقات وتبين انه العين اليسري بيها ضعف شوية
وعمل له قياسات بجهاز العيون الالكتروني وان شاء الله هرفع لك صورة القياس
واصر انه لازم يعمل له نظارة وقال انه هيفضل بالنضارة لسن 20 سنه
هل هذا الكلام مظبوط ام هناك حلول اخري غير النضارة حيت اني ابني شقي جدا وكثير الاشتبكات مع الاولاد من سنه ههههه واخاف انه يكسرها ويصاب بأذي لا قدر الله
تقبل تحياتي ان شاء الله فرع لك قياسات النظارة ليلا
تقبل تحياتي
ابو خالد

[justify]
6 سنوات يبقى لازم يكون حط له قطرة توسيع علشان نضمن دقة الكشف ، و لو تم كده فعلا و محتاج نظارة لازم يلبسها من اول ما يصحى لحد ما ينام .
حكاية 20 سنة دي بتكون احيانا مع المقاسات الصغيرة من طول النظر و طبعا ده توقع ، ماحدش يعرف علم الغيب الا ربنا سبحانه و تعالى.
بالنسبة لكسر النظارة فكل الاطفال لازم نعمل لهم نظارة بلاستيك و العدسات كمان بلاستيك علشان لما تنكسر (و ده متوقع جدا مع الاطفال و عادى) ما يتعورش ، و عادة بنطلب من الاهل يعملوا نظارتين او ثلاثة حسب المقدرة علشان يكون فيه دايما نظارة بديلة يلبسها الطفل لغاية التظارة المكسورة ما تتصلح لأن غلط يقعد من غيرها.

و تحياتي[/justify]