أى سؤال أو استشارة فى طب العيون

**AhMeD EzZ** · 06-04-2009 01:55 AM

مساء الخير يا باشا
انا ليا استفسار ايه هوا اقل قياس للنظر يسمح باستخدام العدسات
وانا عندي اجسماتيزم في عيني بس معرفش كام بالظبط
فهل دة يؤثر عليا لو لبست لينسز

**Dr.SherifMansy** · 06-04-2009 02:02 AM

المشاركة الأصلية كتبت بواسطة Ezzat-fayek

مساء الخير يا باشا
انا ليا استفسار ايه هوا اقل قياس للنظر يسمح باستخدام العدسات
وانا عندي اجسماتيزم في عيني بس معرفش كام بالظبط
فهل دة يؤثر عليا لو لبست لينسز

ممكن لبس العدسات من اول -0.25 او +0.25
و لكن وجود استيجماتيزم يغير الموضوع ، لأن حسب درجته اما تلبس عدسة عادية ، او نوع مخصوص يصلح الأستيجماتيزم ، او يمنع لبس العدسات تماما ، و طبعا كل حالة من دول و تفرق فى تأثيرها على العين
حاول تكتب لى مقاسات النظارة علشان نحدد تأثير الأستيجماتيزم ايه
و تحياتى

**Fadi Ezzat** · 06-04-2009 02:26 AM

المشاركة الأصلية كتبت بواسطة lancer92

طيب العدسات ملونة و لا شفافة
لو المشكلة دى من الأول ممكن يكون فيه مشكلة فى نوع المحلول (و هنا Optifree) لو دى اول مرة يستعمل فيها و هنا ننصح بتغييره و لكن لو كنا بنستعمله على طول و برغم كده العدسة بتعمل مشاكل من اول مرة فممكن يكون فيها مشكلة او فيه مشكلة فى طريقة اللبس ، و بالنسبة للوش من الظهر فده لازم ناخد بالنا منه و الا العدسة تبقى مؤلمة ، و الطريقة سهلة ، العدسة شكلها زى سلطانية الشوربة (شكل حرف C)، فلو حطيتها على الأصبع السبابة و ضغطت عليها برفق بين السبابة و الأبهام هنلاقى الحروف (edges) بتقرب من بعضها و لكن لو مقلوبة فهى عايزة ترجع لعدلتها و مش قادرة فنلاقى الحروف تبعد عن بعضها و بطن العدسة بتلزق فى بعضها ، و على فكرة ، معظم المحاليل فيها رسم توضيحى للجكاية دى
مادام مابتستعمليش محلول ملح فخلاص ، كده صح ، المهم نبعد عنه لأن مشاكله رهيبة
فى انتظار الرد على نوع العدسات شفافة ولا ملونة
و تحياتى

شكرا ليك يادتور بالنسبة للعدسات فهيا شفافة وكمان المشكلة دى حصلت مع العدسات التانية فقط العدسات الاولانية كانت سليمة

**Dr.SherifMansy** · 06-04-2009 03:43 PM

المشاركة الأصلية كتبت بواسطة Fadi Ezzat

شكرا ليك يادتور بالنسبة للعدسات فهيا شفافة وكمان المشكلة دى حصلت مع العدسات التانية فقط العدسات الاولانية كانت سليمة

هل الجديدة نفس نوع الأولى ؟؟
لو نوع تانى فيه احتمال ان درجة تحدب العدسة تكون مش مناسبة للعين و دى مكتوبة على العدسة تحت اختصار BC يعنى Base Curve و هنا يستحسن نرجع لنفس النوع الأول و نحفظ ال BC بتاعته كام لأن دى تبقى المناسبة للعين
أما لو كان نفس النوع فغالبا يبقى الزوج ده فيه مشكلة و ينصح بتغييره و نشوف هل المشكلة هاتتكرر ولا لأ
و تحياتى

**Dr.SherifMansy** · 06-04-2009 03:53 PM

المشاركة الأصلية كتبت بواسطة LyLy

ميرسي يادكتور على المعلومات الهايلة دي

هو كده يبقى ميش رواسب بروتينية....
هي فعلا ساعات كتير عيوني بتحمر

فكده يكون عيوني حساسة من المحلول؟

ولو في نوع مايسببش الحساسية وموجود بره ممكن تقولي على اسمه؟

هي العدسات ملونة سنوية -0.75 في كل عين

وكانت في عبوة بلاستيك صغيرة عليها غلاف فويل

انا اسفة لو طولت عليك وتعبتك معايا

Ah ha
هنا وضحت الرؤية
آسف انى ابلغ حضرتك ان فيه حتة خداع فى الموضوع
مافيش فى العالم عدسة سنوية بتوضع فى غلاف بلاستيك عليه غطاء فويل ، دى كده عدسة استبدالية و عمرها مابين شهر الى 6 شهور على اقصى تقدير
و بما انها ملونة يبقى عمرها 6 شهور لو بتلبسيها 3-4 ساعات يوميا ، و 3 شهور لو 6-7 ساعات يوميا ، و شهر او اقل لو عدد ساعات الأستعمال اليومية فوق 7 ساعات مع ملاحظة ان كده غلط على العين و عادة هايحصل التهاب فى العين مع احمرار و دموع و زغللة و يمكن شكة او الأحساس بوجود جسم غريب
العدسات السنوية بتكون فى زجاجة صغيرة زى زجاجات المضادات الحيوية الحقن و الملونة السنوية ثمنها عادة فوق 1000 جنيه
ارجو اكون وضحت الموقف
و تحياتى

**Dr.SherifMansy** · 07-04-2009 03:55 PM

المشاركة الأصلية كتبت بواسطة redawilliam

ازيك يا دكتور شريف وربنا يبارك مجهودك
من كلمك عن العدسات ان انسب عدد ساعات هو 7 او اقل
طيب لو انا لبس نضارة وعايز اغير لعدسات بس انا غالبا وقت الشغل بس من سعت ما بخرج من البيت لغاية مابرجع 12 ساعة ولو خرجت 16 ساعة غير جو شغلى فى مكان مفتوح مش مكتب مكيف لو فرضنا ان مقاس النظر مناسب للتغير والبس عدسات ياترى باقى الظروف مناسبة من حيث الجو و عدد ساعات البس
ومتشكررررررر جد جد مجهودتكم

لأ لأ لأ كده حصل لبس و سوء فهم ، كلامى فى التوقيتات دى كان على العدسات الملونة الأستبدالية
اما لو عايز تلبس عدسات لفترة طويلة يوميا فموجود انواع تقعد حتى 12 ساعة يوميا و انواع اخرى حتى 18 ساعة يوميا (يعنى تصحى تلبسها و تقلعها قبل النوم) و كل ده بيحكمه الأحتياجات اليومية و مقاس العين و طبيعة العمل (مثلا ما ينفعش عدسات لواحد فى مصنع الحديد و الصلب قدام الفرن العالى او مهندس مبانى وسط الرمل و الجير و الأسمنت ... الخ)
لو ممكن تكتب لى مقاساتك و طبيعة العمل و نحاول نحدد سوا النوع المناسب لك
و تحياتى

**Dr.SherifMansy** · 07-04-2009 04:08 PM

المشاركة الأصلية كتبت بواسطة musiccairo

شكرا جزيلا يا دكتور ربنا يطمنك
بخصوص قصر النظر اللي عندي انا حاسس ان كبير اوي مش عارف ليه
ممكن على بعد متر ونص او مترين وممكن متر مش بشوف نهائي ومبعرفش احدد الشئ اللي ادامي
طبعا مع لبس النضاره في فرق كبير
شكرا لحضرتك مره تانيه

لو على المقاسات اللى كتبتها قبل كده فده قصر نظر بسيط
و شئ طبيعى انك تحس بزغللة من غير النظارة (ايا كانت درجة الزغللة و خصوصا ان مافيش نسبة بين المقاس و الزغللة يعنى ممكن اتنين واحد -2.00 و واحد -9.00 و الأتنين مزغليين على بعد 50سم)
المهم بالنظارة بتجيب لحد فين ، و طالما 6/6 يعنى 100% يبقى مافيش قلق او مشاكل
و تحياتى

-

الموضوع: أى سؤال أو استشارة فى طب العيون

LinkBack

أدوات الموضوع

عرض

-

-

-

-

-

-

-

المواضيع المتشابهه

استشارة بيع سيارة والدتي و سؤال حد يعرف شهر عقاري فيه كمبيوتر ؟؟

سعر موتور العيون ؟؟؟

العيون الناعسة !!!

سؤال ليه تويوتا 1993-1997 اغلى من الموديل العيون اللى بعده ؟

قصه تدمع لها العيون

الكلمات الدلالية لهذا الموضوع

المفضلات

المفضلات

ضوابط المشاركة