أى سؤال أو استشارة فى طب العيون

**Dr.SherifMansy** · 06-09-2010 06:01 PM

المشاركة الأصلية كتبت بواسطة ahmed.ali

هو عياده حضرتك فين بالظبط

تم الرد على الخاص

و تحياتى

**Dr.SherifMansy** · 06-09-2010 06:07 PM

المشاركة الأصلية كتبت بواسطة zkralla

اكتشفت انحراف بعين ابنى الشمال
الانحراف ناحيه الانف وهو بسيط بس لو بصيت كويس بيبان ( انحراف للداخل مش للخارج )
سنه الان 3 سنين
معرفش الموضوع لسه جديد ولا احنا الى مكناش واخدين بالنا
عاوز اعرف ايه الى ممكن اعمله واحسن مكان ممكن اوديهلوله ( اسمع ان فيه دكاتره عيون بيتخصصوا فى الحول بس )
أنامن القاهره - المعادى -
ومعلش كنت عاوز اسأل حضرتك كمان
هو فيه اجهزه لتشخيص الحول بدقه

ألف سلامة عليه.

طبعا فيه أجهزة للحول و لكن مش متهيألى اننا محتاجين لها دلوقت

افضل شئ ان الولد يتعمل له مقاس للعين و نشوف محتاج نظارة ولا لأ ، لأن ممكن فى السن ده يكون عنده مقاس و مش عارفين ، فالأفضل ناخد له مقاس ، اولا لأكتشاف اى عيب من عيوب الأبصار ، ثانيا نعالج الحول او نسبة منه ، لأن ممكن بعض الأنواع بتتصلح بالنظارة ، ثالثا نتجنب أى كسل مستقبلا فى العين.

لابد من الكشف عليه لتحديد المطلوب.

فى المرحلة الأولى دى مش محتاجين حد تخصص حول أطفال ، ممكن اى طبيب عيون .. المهم ناخد مقاس العين أول حاجة و لو طلع محتاج حد تخصص اطفال فمافيش مشكلة ، الأساتذة موجودين و الحمد لله

و تحياتى

**Dr.SherifMansy** · 06-09-2010 06:13 PM

المشاركة الأصلية كتبت بواسطة N.Y.S.M.A

الموضوع ده جالي على الميل وقلت آخد رأي سيادتك فيه وهل هو صحيح فعلا ,, أم هو نوع من خداع البصر

وإيه هو أساسه العلمي إن وجد

أنا بصراحة ماجربتوش

اقتباس

ماذا تفعل عندما تفقد نظارتك الطبيه

د.عثمان بن محمد العمر
استشاري أول طب وجراحة العيون وعمليات الليزك
نائب رئيس الجمعية السعودية لطب العيون
قد يفقد الشخص نظارته الطبية وهو في الصحراء أو في مكان بعيد وليس معه نظارة بديلة ولا يمكن أن يبصر الطريق للعودة إلى المدينة ولا يوجد من يقود سيارته
بدلا منه عند ذلك يمكنك عمل (نظارة) مؤقتة تستطيع أن تبصر بها الطريق بشكل جيد بحيث يمكنك قيادة سيارتك ولكن بحذر.
خذ قطعة من الورق مستطيلة الشكل من غلاف كرتون المناديل الورقية التي لا تكاد تخلو منه أي سيارة وقم بوضع قطعة الكرتون أمام عينيك بحيث تغطي كامل العينين والجزء الذي بينهما
وقم بثقب الجزء الذي أمام كل عين بعدة ثقوب كل ثقب قطره لا يتجاوز مليمتر واحد وبين كل ثقب والآخر مسافة 2 – 3 مليمترات وبعدد لا يقل عن 20 ثقبا أمام كل عين.
بعد ذلك قم بوضع الكرتون المثقب أمام عينيك وثبته بالطريقة المناسبة عند ذلك سوف تتحسن الرؤية لديك من 70 - 80 % وسوف تتمكن من رؤية الطريق بشكل جيد
ولكن يجب الحذر من رؤية جوانب الطريق وفي المنعطفات. رافقتكم السلامة.

وجزاك الله خيرا مقدما يادكتور

فعلا الكلام ده حقيقى و دى ظاهرة فيزيائية معروفة فى علم البصريات و اسمها Pinhole effect و سبق انى كنت ذكرتها فى مشاركة سابقة ردا على أحد الأخوة الأعضاء فى المشاركةرقم 235 فى الموضوع الحالى

http://www.nilemotors.net/Nile/3872199634-post235.html

و تحياتى

**Dr.SherifMansy** · 12-09-2010 09:56 PM

المشاركة الأصلية كتبت بواسطة Miss_Pharma

كل سنة وحضرتك طيب يا دكتور ..
الحقني الله يخليك ..
طلعلي كيس دهني في عيني الشمال ومش وقته خالص ..
اعمل فيه ايه ؟ مش عايزة اعيد بيه :(

انا اصلا كان جالي قبل كده في العينين كل واحدة مرة ورحت عشان اشيله عيني كانت ملتهبة جدا فقالي مش هقدر اعمله الا لما نعالج الالتهاب ..
وراح لوحده فمروحتش تاني ..

دلوقتي اعمل ايه فيه في اسرع وقت ممكن .. احط قطرة antibiotic ولا antiallergic ولا اعمل ايه ؟
وميرسي جدااا

لو متأكدة انه كيس دهنى و مش ملتهب يبقى العلاج المفروض يكون Steroid + antibiotic combination eye drops & Eye ointment

القطرة 3 مرات يوميا لمدة اسبوع ثم مرتين يوميا لمدة اسبوع ثم مرة يوميا لمدة اسبوع و المرهم مرة واحدة قبل النوم

المفروض يقل او يختفى خلال اسبوع ، و الا فلابد من ازالته جراحيا.

و الف سلامة على حضرتك..

و تحياتى

**zkralla** · 15-09-2010 09:57 AM

المشاركة الأصلية كتبت بواسطة dr.sherifmansy

ألف سلامة عليه.

طبعا فيه أجهزة للحول و لكن مش متهيألى اننا محتاجين لها دلوقت

افضل شئ ان الولد يتعمل له مقاس للعين و نشوف محتاج نظارة ولا لأ ، لأن ممكن فى السن ده يكون عنده مقاس و مش عارفين ، فالأفضل ناخد له مقاس ، اولا لأكتشاف اى عيب من عيوب الأبصار ، ثانيا نعالج الحول او نسبة منه ، لأن ممكن بعض الأنواع بتتصلح بالنظارة ، ثالثا نتجنب أى كسل مستقبلا فى العين.

لابد من الكشف عليه لتحديد المطلوب.

فى المرحلة الأولى دى مش محتاجين حد تخصص حول أطفال ، ممكن اى طبيب عيون .. المهم ناخد مقاس العين أول حاجة و لو طلع محتاج حد تخصص اطفال فمافيش مشكلة ، الأساتذة موجودين و الحمد لله

و تحياتى

الف شكر يا دكتور وجزاك الله خيرا
الموضوع طلع فعلا ضعف فى احد العينين والحمد لله الدكتور طمنى أن مفيش نسبه حول حقيقى وأنه حول كاذب وكتب له على نضاره

**nor3** · 16-09-2010 04:14 PM

السلام عليكم
يا دكتور شريف من فضلك ممكن تكلمنا شوية عن العدسات عشان أنا من الناس اللي مش بحب البس النضارة وللاسف نظري بيضعف أكيد وانا مش حاسة وكنت فكرت إن الحل إني أعمل عدسات لكن في ناس قالولي الليزك أحسن وبعد ماقرأت اللي حضرتك كاتبه طبعا صرفت نظر عن الموضوع حتى أصلا نظري لسة مش ثابت (وانا 20 سنة )...وكنت عايزة أعمل عدسات من زمان لكن بابا رافض وبشدة ...وبيزود رفضه اللي بنسمعه إن ناس حصلها مشاكل كتير منها وناس اتعميت وناس لذات فيعنها وحاجات غريبة كده ...هل ده صحيح وإنها مضرة أو خطر ؟؟؟...يريت حضرتك تقولنا معلومات أكتر خصوصا إنه كده اصبح البديل الوحيد للنضارة..وشكرا لحضرتك عالمعلومات المفيدة قوي دي
ويا رب ميكونش الموضوع اتقفل والاقي حد يرد عليا عشان نفسي أعرف معلومات بسرعة لو سمحتوا
ويا ريت أعرف عيادة حضرتك فين لو سمحت

**nor3** · 16-09-2010 04:24 PM

المشاركة الأصلية كتبت بواسطة nor3

السلام عليكم
يا دكتور شريف من فضلك ممكن تكلمنا شوية عن العدسات عشان أنا من الناس اللي مش بحب البس النضارة وللاسف نظري بيضعف أكيد وانا مش حاسة وكنت فكرت إن الحل إني أعمل عدسات لكن في ناس قالولي الليزك أحسن وبعد ماقرأت اللي حضرتك كاتبه طبعا صرفت نظر عن الموضوع حتى أصلا نظري لسة مش ثابت (وانا 20 سنة )...وكنت عايزة أعمل عدسات من زمان لكن بابا رافض وبشدة ...وبيزود رفضه اللي بنسمعه إن ناس حصلها مشاكل كتير منها وناس اتعميت وناس لذات فيعنها وحاجات غريبة كده ...هل ده صحيح وإنها مضرة أو خطر ؟؟؟...يريت حضرتك تقولنا معلومات أكتر خصوصا إنه كده اصبح البديل الوحيد للنضارة..وشكرا لحضرتك عالمعلومات المفيدة قوي دي
ويا رب ميكونش الموضوع اتقفل والاقي حد يرد عليا عشان نفسي أعرف معلومات بسرعة لو سمحتوا
ويا ريت أعرف عيادة حضرتك فين لو سمحت والتليفون

أنا نظر ناقص 2.75 w ناقص 3 بس ده كان من سنة تقريبا متغيرش كتير..ومش عارفة بصراحة أعرف إزاي لو عندي استجماتزم أو لأ ؟؟..والعدسات أنا مش قصدي إنها فعلا بديل للنضارة بس البسها الصبح فالجامعة وفي ال بيت البس النضارة ومش ألوان كمان عشان سمعت بتعمل مشاكل الصبغة بتاعتها مع الحرارة وكده
ياريت بجد يا دكتور تقولي إيه راي حضرتك

الموضوع: أى سؤال أو استشارة فى طب العيون

LinkBack

أدوات الموضوع

عرض

-

-

-

-

-

المواضيع المتشابهه

استشارة بيع سيارة والدتي و سؤال حد يعرف شهر عقاري فيه كمبيوتر ؟؟

سعر موتور العيون ؟؟؟

العيون الناعسة !!!

سؤال ليه تويوتا 1993-1997 اغلى من الموديل العيون اللى بعده ؟

قصه تدمع لها العيون

الكلمات الدلالية لهذا الموضوع

المفضلات

المفضلات

ضوابط المشاركة