حصريا: خطوات استخراج "شهادة الفحص الطبي لراغبي الزواج"

**asbeats** · 20-01-2009 07:46 PM

بسم الله الرحمن الرحيم

اعزائي اعضاء منتدى نايل موتورز

بجد انا استفدت كتير جدا من المنتدى ومن كل الناس اللي فيه واللي بتفانوا في انهم يقدموا الخدمات والنصائح بدون أي مقابل

وبما اني مش بفهم في العربيات قوي,يعني انا اخري بسوق العربية وافهم في شوية حاجات في الميكانيكا على خفيف كده ودمتم
فكرت اعمل اي حاجة افيد بيها الناس هنا في المنتدى لأن شكلي بقى وحش

هكلمكوا عن موضوع مهم قوي اليومين دول أكيد الناس اللي اتجوزت قريب او هيتجوزوا قريب سمعوا عنه من المأذون او من الناس

الموضوع هو (شهادة فحص راغبي الزواج)

وعشان اوضح اكتر,انا بتكلم عن طريقة عمل الشهادة اللي المأذون أو القسيس-بالنسبة لاخوانا المسيحيين- بيطلبها عشان قسيمة الجواز

المكان: مركز صحة أسرة الطالبية(نسيم)
ش ناصر الثورة المتفرع من ش الهرم بجوار كازينو الليل

الأوراق المطلوبة: عدد 2 صورة شخصية حديثة4*6
عدد 1 صورة بطاقة الرقم القومي"مع احضار الأصل للاطلاع"

المبالغ المطلوبة: عشرة جنية مصري ثمن تذكرة الفحص للفرد الواحد (يعني 20 جنيه للعروسين)
ثمن التحاليل: 10 جنيه صورة دم كاملة
5 جنيه لتحديد فصيلة الدم وعاملrh
10 جنيه تحليل بول

فيه كمان بالنسبة للسيدات احيانا الطبيبة بتطلب سونار وده بيتكلف حوالي 18 جنيه

العمل طوال ايام الأسبوع ماعدا الجمعة من الساعة التاسعة صباحا الى الساعة الثانية ظهرا

بالنسبة لي اقوم بعمل الشهادات للذكور ايام الثلاثاء والأربعاء والخميس ويقوم بالعمل باقي الأيام زميل آخر
وبالنسبة للسيدات تقوم بالعمل طبيبتان بالتناوب

أرجو ان اكون قد وضحت الأمر الى حد ما و انا على استعداد لتلقى أي استفسارات حول هذا الموضوع أو أي موضوع طبي آخر في حدود معلوماتي البسيطة

طبعا لو حد من أعضاء المنتدى عايز يعملها في أي يوم انا عينيا ليه ويشرفني برسالة على الخاص قبلها وانا هكون معاه هناك خطوة بخطوة في أي يوم ان شاء الله

أسأل الله للجميع التوفيق

**إبراهيم.صادق** · 20-01-2009 11:51 PM

شكرا يا دكتور على المعلومات المفيدة :)

**asbeats** · 21-01-2009 12:01 AM

المشاركة الأصلية كتبت بواسطة EMSadeck

شكرا يا دكتور على المعلومات المفيدة :)

العفو
وانا في الخدمة

**wesam_salom** · 24-02-2009 09:53 PM

بعد اذن حضرتك يا دكتور

كنت عاوز اعرف الامراض او الفائده اللى بيكشفها الكشف ده

يعنى اعرف النتائج اللى ممكن تطلع من التحليل والفائده المرجوه منه

او الضرر اللى يتم دفعه لانى معلوماتى فى الناحيه الطبيه دى صفر تقريبا

**mohmd76** · 24-02-2009 10:20 PM

لا قدر الله وظهر اى شىء ما رد الفعل لكل طرف
مثلا ضغط الدم لا يستقر هل يتوقف الزواج
او الصمام الميترالى مرتد ما الوضع ؟
وصاحب الحالة يعترف بهذا هل القانون يمنعه من الزواج والانجاب
ما راى الشرع والقانون

**M.Mekawy** · 25-02-2009 12:56 AM

انا عندى سؤالين الصراحة :
1) لو طلع مثلا عندى سكر و لا ضغط و لا مثلا طلع من التحاليا ان انا و خطيبتى لو اتجوزنا ممكن نجيب عيال مشوهة و انا معرفش , برضه عادى هيتسمحلى بالجواز؟ , و ايه الحالات اللى ممكن يتمنع فيها الجواز.
2) أيه طبيعة الاختبارات اللى بتتعمل للذكور للتاكد من قدرته الجسمانية للزواج و الانجاب؟ ( انت فاهمنى طبعا ) :]

**shafey** · 25-02-2009 04:03 AM

:k32::k32:

**mahmoud_magdy** · 25-02-2009 06:56 PM

شكرا لعرضك القيم يا فندم
جزاك الله كل خير
بس ياترى ايه الفائده منها
وكمان لو كان فيه مرض معين ايه اللي بيحصل

**shady love** · 03-05-2009 01:37 PM

شكرا جدا على عرضط الجامد دا و شكرا على تعبك بس من فضلك جاوب على اسئلة الاعضاء لان الامر يهمنا كلنا و تقريبا كلنا بيدور فى دمغنا الموضوع دا بالاسئلة دى و شكرا ليحضرتك مرة تانية