الموضوع: فائدة علبة البيئة او محفز العادم او الكتاليزر او Catalytic converter

هو يا جماعة العلبة ده ممكن تتنضف كل فترة علشان المحافظة عليها

بجد يا جماعة مش بهرج

المشاركة الأصلية كتبت بواسطة umoussa

4000 جنيه ايه يابشمهندس؟؟؟

أصلاً أغلى كتاليزر بتاع العربيات الألماني ودا فعلاً يكسر 5000 جنيه ويعدي بس لو حتجيبه جديد. لأن مفيش كتاليزر بيتباع لوحده.

دا بيجي في مشترك الشكمان الأمامي، يعني من الفرن ثم السوستة لحد أفيز العلبة الوسطانية بتاعة الشكمان.

ولما بيبوز انت مبتعرفش إلا في حالة واحدة لو الشكمان اتسد ودا بيكون نتيجة انكسار الفلتر الداخلي الموجود جواه.

غير كدا دي مش قطعة غيار أصلاً محتاجة تتغير كل 10 أو 20 ألف كيلومتر.

فعلاً في أوروبا وأمريكا بيشيلو العلب دي بس هيا مبتديش العربية أكتر من 5 حصان زيادة على الأكثر بس صوت العربية بيعلى طبعاً.

وبعدين العملية مش عملية مشاركة إيجابية أو سلبية والناس كلها عندها حق في الردود بتاعتها، انت ياسيدي قادر تجيبها جديدة ربنا يزيدك من نعيمه ولو مش قادر يبقى منطقي حتعمل زي الناس كلها وتشتري مشترك شكمان استيراد من الحرفيين أو بورسعيد أو اسكندرية أو حتى تنزل تجيب علبة بيئة (كتاليزر) لوحده وتروح عند واحد بتاع شكمانات يقص ويلحم والي بيعمل كدا دا برضو الحريص إلي ممكن يدفع 1000 جنيه في الموضوع ده بس لأنه في الأصل خايف على أداء عربيته بمنتهى الأمانة مش علشان البيئة.

فولكس مثلاً بتدي ضمان على الكتاليزر 5 سنوات من ساعة متشتريه دا غير عمره الافتراضي الطويل.

طب ايه بيدمر الكتاليزر؟

1. استعمال بنزين غير مطابق لمواصفات الموتور
2. استعمال زيت غير مطابق لمواصفات المحرك
3. زيادة كمية الزيت داخل الممرك عن المقدار المطلوب
4. انك تاخد مطب من تحت العربية فيكسر الفلتر الداخلي

يعني لو تجنبت الأربع حاجات دول عمر الكتاليزر ما حيبوظ

دي بقى الي انا اشوفها إيجابية في التفكير لأنك بتحمي عربيتك قبل كل شيء وبعدين بتحمي المحيط الي حوليك!

وربنا ياسيدي يوفقنا ويوفقك إلى كل ما فيه الخير

والي عايز يعرف كل حاجة عن الموضوع يشوف اللينك دي:

http://en.wikipedia.org/wiki/Catalytic_converter

الله يبارك فيك يا أخى على هذا التعليق الرائع................