::: موضوع مخصص عن معارض السيارات الغير محترمة :::

**samirayad** · 17-09-2009 08:52 PM

أعتقد العربيه دى متشركه فى بلد أنتاجها
قبل ماتيجى مصر
وخطوط الأنتاج ورقابة الجوده (فى الشركه الصانعه )
مستبعده مجموعه من السيارات مثلا
وممكن يكونوا البهوات اللى بيبقوا واخدين توكيلات عندنا
بيشتروا العربيات دى بأثمان قليله
ويجيبوها ويبيعوها بأثمان العربيه ذات الحاله الجيده
والحل

جهاز حماية المستهلك والعربيه دى تتغير بعربيه تانيه غصب عنهم

**nabaster** · 17-09-2009 09:54 PM

المشاركة الأصلية كتبت بواسطة Ahmed0Nouh

تقريبا علشان وضع الموضوع فى كل الاقسام , لو كان ده السبب معلش يا جماعه نعذره الراجل برده مشكلته كبيره وعلى اخره

اهلا بيك يا استاذ احمد

علي فكره انا متابع قلمك وبجد معجب بيه جدا

بس ليا اختلاف مع حضرتك وصاحب الموضوع

انا متابع الموضوع ده من امبارح من اول اليوم ومش الموضوع ده بس لا متابع لكل الاقسام الي نزل فيها الموضوع

الموضوع اتكرر في الاجتماعي واخد تحذير والموضوع اتقفل

ليه العضو الفاضل يكرر الموضوع تاني في بقية الاقسام (حتي بعد علمه ان ده غلط)

وان مكنش شاف التحذير في الاجتماعي اكيد شاف التحذير الي في اخر موضوعه

ده يعتبر تحت بند اغراق المنتدي يا استاذ احمد

انا معرفش صاحب الموضوع وبجد انا قلبي معاه في الي بيحصله وعربيه دافع فيها دم قلبه تبقي فيها كل المشاكل دي

بس في احترام لقواعد المنتدي الي هوا ارتضاها و ارتضي يشارك فيه ويعرض فيه موضوعه ولازم تحترم

انا بكرر اسفي لصاحب الموضوع علي المشكله الي هوا فيه وكنت اتمني اساعده

وبكرر اعجابي بقلمك يا استاذ احمد ودي وجهة نظري في قرار الوقف

وكل عام والجميع بخير

A.Yakout

**nabaster** · 17-09-2009 11:08 PM

__________________________________________________
تم إيقاف عضويه العضو لإصراره على عمل موضوعات مشابهه فى كل أقسام المنتدى
رغم تحذيره من تكرار ذلك بعد أول مرة قام بها بذلك
ثم قام بعمل عضويه أخرى من أجل الإستمرار فى عمل مواضيع مشابه بمجرد وقف عضويته الأصليه
دون حتى الإعتذار على تكرار المواضيع

الإدارة لم تقم بوضع أى عقوبه عليه اول مرة لإحساسها بظروفه
لكن مع إصراره على تكرار الإغراق بدون الإهتمام بقواعد المنتدى
أدى ذلك لوقف عضويته لمده أسبوع

مشـــرف عام - 2

وادي الاداره ردت يا استاذ احمد وفسرت كلامي اكتر

وبشكرك جدا علي تفهمك

A.Yakout

**esloob** · 17-09-2009 11:51 PM

يا جماعة عايزين نعرف سبب يمكن اعقله فى الموضوع ده؟

أكيد العربية مش زيرو نهائى لان ميتسوبيشى ماركة لا غبار عليها.

عربية جديدة فيها كل الكلام ده أكيد مش تخريب مقصود

يعنى بالعربى كده لو أنا صدقت العضو تبقى العربية مش زيرو وهو لبسها والله يعوض عليه ويعينه على رجوع حقه.

تبقى لا العربية ولا الماركة ولا التوكيل ليهم دخل فى الموضوع ده
وده رأى الشخصى

**esloob** · 17-09-2009 11:52 PM

وأتمنى ان الإدارة تساعد العضو وتقلنا الموضوع وصل لحد فين؟

___________________________________________

تم فتح العضوية و إلغاء الإيقاف لمساعدته فى حل مشكلته

مشـــــــــرف عام - 2

**محمد محمد** · 18-09-2009 12:04 AM

بس برده التوكيل لازم يتدخل عشان يحافظ علي سمعة العربية .

**esloob** · 18-09-2009 01:27 AM

يتدخل فى ايه واحد اشترى العربية مش زيرو؟ ومتلعب فيها؟ يعنى خرجت بره الضمان

ولا حاضرتك رايك ايه؟

العربية أصلا سمعتها مش محتاجة كلام (بص حواليك) دى أكتر عربية بياعة الكام سنة اللى فاتت من غير توكيل ولا أى اعلانات

**محمد محمد** · 18-09-2009 04:25 AM

المشاركة الأصلية كتبت بواسطة esloob

يتدخل فى ايه واحد اشترى العربية مش زيرو؟ ومتلعب فيها؟ يعنى خرجت بره الضمان

ولا حاضرتك رايك ايه؟

العربية أصلا سمعتها مش محتاجة كلام (بص حواليك) دى أكتر عربية بياعة الكام سنة اللى فاتت من غير توكيل ولا أى اعلانات

انا اسف معرفتش اوصل قصدي
المفروض ان الشركة الام تحمي وكيلها بأن هي تمنع الوكلاء اللى في الخليج من تصدير السيارات خارج نطاق توزيعها ويبقي بيع السيارات مقتصر علي شبكة الموزعين المعتمدين ميرحش لتجار بيسموا نفسهم مستوردين بالمنظر اللى احنا شايفينه ده.