عايز الحل انا لو مكانك ااجر جرار وادخل فى المعرض وافرتكله عربياته كلها واهرب بعد كدا وربنا مبهزر كلو الا النصب
رقم العضوية : 29575
تاريخ التسجيل : 09Jan2009
المشاركات : 5,234
النوع : ذكر
الاقامة : Ismailia city & heliopolis
السيارة: daewoo juliet 2003
السيارة[2]: proton persona m/t
الحالة :
ياااااااااااااا رب!!!!!!!!!!!!
[rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]
You 're beautiful , Its true
رقم العضوية : 26641
تاريخ التسجيل : 01Dec2008
المشاركات : 683
النوع : ذكر
الاقامة : egypt
السيارة: lancer 2008
السيارة[2]: kia
الحالة :
عايز الحل انا لو مكانك ااجر جرار وادخل فى المعرض وافرتكله عربياته كلها واهرب بعد كدا وربنا مبهزر كلو الا النصب
i'm not easy
ya allah help me
civil eng : m mohy
رقم العضوية : 30624
تاريخ التسجيل : 20Jan2009
المشاركات : 425
النوع : ذكر
الاقامة : Nasr City
السيارة: Opel Vectra C 08
السيارة[2]: Peugeot 405 98
دراجة بخارية: لا يوجد
الحالة :
طب يا جماعة مادام المعرض دي نصابين كده ليه الناس كلها ماتشتريش من ال توكيل وتريح نفسها حتى لو هيستنوا مثلا شهرين ولا حاجة عبال العربية ماتيجي يعني مش مشكلة يستنوهم بالعربية القديمة يعني مش هتتهد الدنيا بس التوكيل مبيبقاش فيه النصب وشغل السرقة بتاع المعارض دي ...
يعني أنا مش شايف عيب للتوكيل غير إنه فيه موديلات اللي بيبقى عليها اقبال جامد فا لازم بتستنى كام شهر عبال مالي إنت عايزه يوصل ...
ولو الناس كلها عملت كده واشترت من ال توكيل كلها شوية والمعارض دي هتعرف إن شغل النصب والسرقة بتاعهم ده طفش الناس و ساعتها هيعرفوا إن الله حق لما يلاقوا محدش بيخشلهم المعرض عشان الصراحة مش ممكن إن الناس دي كلها معندهاش لا دين ولا اخلاق ولا مبادئ تخليهم يحترمو الناس وماينصبوش ولا يسرقوا بالشكل العلني والبجاحة المستفزة دي
رقم العضوية : 39072
تاريخ التسجيل : 28Apr2009
المشاركات : 7
النوع : ذكر
الاقامة : ALEX
السيارة: MAZDA
السيارة[2]: WAJA
الحالة :
اخوانى الافاضل
احذروا معرض الطارق بالاسكندرية
فقد اشتريت منهم سيارتى المازدا وهم للاسف فى غاية السوء.
يقولون كلام كثير ليس فيه مصداقية والمهم اتمام البيع وخلاص
تم شرائى للسيارة عن طريق رئيس مجلس الادارة شخصيا بكارفور ولللأسف رجع فى كلامه بعد عدة شهور عندما سالته عن الضمان اللى اعطاه لى وكان كلامه الضمان عادى زى اى عربية بعدها قالى لمدة 6 شهور تقريبا بعد علمه ان السيارة بقالها معايا سنة
غير ذلك امور كثيرة سوف اوضحها لكم فيما بعد
المهم
احذروا الطارق للسيارات بالاسكندرية بكارفور.
رقم العضوية : 35093
تاريخ التسجيل : 10Mar2009
المشاركات : 12,753
النوع : ذكر
الاقامة : JorDan egypt
السيارة: Corsa 2007 1.4
السيارة[2]: Astra 2003 2.0
دراجة بخارية: no
الحالة :
حسبنا الله ونعم الوكيل
soon 2011[img3]http://img103.herosh.com/2010/03/17/929079106.jpg[/img3]لا اله الا الله محمد رسول الله
رقم العضوية : 56262
تاريخ التسجيل : 19Dec2009
المشاركات : 1,965
النوع : ذكر
الاقامة : Damanhour
السيارة: ____________
السيارة[2]: ____________
دراجة بخارية: لا يوجد
الحالة :
يا جماعة انا زعلان جدا مع اللى حصل مع الاعضاء لان فعلا الناس دى مش لاقية فلوسها فى الشارع عشان يحصل معاها دا كلة
وياريت كلنا نقتنع بفكرة التوكيل
رقم العضوية : 48981
تاريخ التسجيل : 06Oct2009
المشاركات : 1,988
النوع : ذكر
الاقامة : ش ش
السيارة: لانسر شارك F16 موديل 2012 1600 مايفك وربنا يستر وبسم الله ماش
السيارة[2]: كانت لانسر بومه 1300-2008 اتوماتك بس بعتها واستريحت من رخام
دراجة بخارية: لايوجد
الحالة :
طيب ياجماعة انا هحكيلكم علي اللي حصلي معايا انا كان نفسي اجيب عربية تساعدني في شغلي لأني كنت لسة فاتح شركة جديد وكنت محتاج اني اتنقل كتير مابين البنوك والوكلاء والشركات والمحلات اللي هاوزعلها وفي مرة وقفت تاكسي وقلتة علي مكان وبعد ماركبت ومشي بية شوية وقالي المكان دة اللي في امبابة قلتلة لأ دة في شبرا الخيمة تاني ولقيت الراجل نزل علية غضب ربنا وطردني شر طردة من التاكسي بتاعة ونزليني في مكان دخت لحد ماتاكسي تاني رضا انة يوديني المكان دة بمبلغ محترم المهم صعبت علية نفسي جدا وقررت اجيب عربية المهم واحد في حكم قريبي بس مش هاقدر اققول علي اسم المعرض الموضوع دة علشان تعرفوا ان شغل المعارض فية حوارات هتتعمل عليك حتي لو كنت أقرب الناس ليهم فاستخرت الله في شراء السيارة فسألت وأستشرت وقالولي هات اللانسر بس محدش قالي علي موضوع 1300 و1600 اتوماتك وافتكرت ان الماتور كلة واحد وفية يامانوال يااتوماتك فقلت اجيب الأتوماتك لأن انتم عارفين زحمة مصر ماينفعش فيها غير الأتوماتك وطبعا انا معلوماتي محدودة في العربيات المهم قريبي دة كان لسة بيفتتح المعرض وقلت انفعة واشتري منة العربية بنظام القسط ومكنتش اعرف موضوع البنوك والكلام دة كان فكري اني هاشتري منة واقسطلة لشخصة عادي في مقابل انة هايخد مني فايدة حوالي 25 الف جنية في 5 سنين فقلت عادي مش خسارة فية وهو اولي فلقيتة بيقولي معلش انا لسة فاتح ومش هاقدر ادعم من جيبي 50 الف جنية في بداية مشروعي قلت اكيد لأني زية وفي بداية مشروعي بس انا هخدمك خدمة عمرك قالي العربية تمنها في ذلك الوقت 1001 ضمان وكيل مصرية هانزلك 500 جنية منهم وهاجبلك تأمين بنسبة 1% من الأجمالي المتبقي من قيمة العربية اللي هو 50 الف جنية وهاجبلك اقل نسبة فايدة 7% علي المبلغ المتبقي بقيمة 18 الف جنية وبكدة وفرتلك حوالي 10000 جنية التأمين( كان في الجمعية بيتعمل ب2%) والفايدة و500 من اساسي مبلغ التامين قلت خير وبركة وكدة يبقي انت عملت معايا جميل المهم اديتلة المقدمة 50 الف وزيادة عليها 500 جنية علشان يبقي مبلغ القرض بالتمام والكمال 50 الف جنية واخدت ايصال بالمبلغ بعد اصرار شديد جدا منة كل دة لحد دلوقتي حلو وجميل والراجل عداة العيب ومحدش يقدر يقول حاجة غير كدة والكلام دة في سنة 2008 في شهر ابريل المهم اخد الورق بتاعي ودخلة شركة كونتاكت وكان فية رسوم استعلام 100 جنية المهم بعد اسبوع اتصل بية المندوب وحدد معايا يوم لتكملة الأستعلام وجة الراجل الشركة بتاعتي وقعد وخد واجبة وقالي ان شاء الله بكرة هاتيجي تمضي وتخلص فحبيت اراضية فرفض جدا وبعد يومين جالي تليفون من الشركة وانسة صوتها حلوا جدا كلمتني وقالتي معلش يافندم طلبك اترفض قلتلها لية قلتلي نجتيف اريا طبعا معرفتش يعني اية الا بعدين فاتصلت بية وقلتلة قالي ولا يهمك وطبعا 100 ج راحت علية قالي انا اتعاملت مع بنك محترم جدا بس هايخد منك 750 ج مقابل انة هايدخلك بدون استعلام ومعلش الغاوي ينقط بتقيطة قلتلة ماشي كدة يبقي دفعت كام 850 وبعد اسبوعين خدوا بالكم فلوسي معاة واشتغل بية طوال 3 اسابيع وماشاء الله الشغل عندة زي الفل بيدخل في اليوم 3 او 4 عربيات المهم اتصل هوة بية وقالي تعالي يوم الحد علشان نمضي الشيكات قالي انت عندك شيكات بنكية قلتلة انا بتعامل مع البنوك ولية حساب بس مابتعملش بالشيكات البنكية لأن اللي بتعامل معاهم بيتعاملوا كاش او فيزا قالي اخ الموضوع دة هايأخرك شوية همتك بقة انك تخلص موضوع الشيكات في اسرع وقت المهم رحت البنك وقدمت علي دفتر شيكات بنكية والموضوع كلة خلص في 10 ايام ادي كدة شهر واسبوع المهم رحت البنك علشان امضي الشيكات والعقد قالولي النسبة بقت 7.3 زادت وطبعا هو اللي هايخدها قلت مش مشكلة ال3 من عشرة دية حوالي علي 5 سنين 800 جنية تقريبا كدة يبقي 800+850 =1650 قالوالي ادفع في الخزنة 750 جنية مصاريف فتح حساب قلتلهم 750 جنية مصاريف فتح حساب لية يعني دة انا فاتح كذا حساب في كذا بنك بحوالي 150 جنية قالولي ياباشا مصاريف فتح الحساب مجانا ودية 3من عشرة قلت طيب ادفعها لية دلوقتي متخلوها مع الشيكات قالولي مينفعش وبصراحة حسيت الموضوع بقي فية نصب وكنت هرفض بس المندوب اللي جة معايا قعد يقنعني لحد مدفعتهم المهم الموظف اداني ورق علشان املاة واخد الورق بتاعي وعملي الحسبة علي 7% المهم انا محسبتش وراة وطلع اني هادفع في الشهر حولي 1138 جنية وبعد مامضيت الشيكات والعقد ومشيت وجيت احسبها لقيتهم حطين ال3من عشرة تاني يانهار ابيض يعني ضحكوا علية واتنرفزت ورجعتلهم تاني وهللتلهم وجة المدير وشرحتلة الموضوع فقالي طيب الشيكات دخلت خلاص واحنا هانعفيك من اول شهر ماتدفعش فية بعد ماترخص العربية ودية من عندنا فأنبسطو طبعا ولأني معرفش حوارات البنوك وان في بنوك بتدي كمان 3 اشهر فانضحك علية تاني المهم روحت وبعدين لقيت قريبي بيتصل بية وبيقولي عايز لون العربية اية قلتلة ابيض وقالي معلش استحملني اصل حاطط كل فلوسي في عربية تيوتا برادو لشركة سياحة وممعيش سيولة دلوقتي علشان اجبلك عربيتك لحد ماخد الفلوس بتاعة العربية دية من البنك وان شاء الله في اقرب وقت هاتصل بيك واقولك تعالي استلم ومر شهر يامحترم انة يتصل مفيش المهم اتصلت بية وقلتلة اية الأخبار قالي الأسبوع الجاي ان شاء الله معلش استحملني امال لومكنتش انت هاتستحملني مين هايستحملني ووفي خلال الفترة دية كنت بتابع حركة اسعار السيارات وعرفت ان العربية بتاعتي نزلت 6000 جنية فاتصلت بية وقلتلة هو اسعار اللانسر نزلت قالي انت جبت الكلام دة منين مفيش حاجة زي دية بس شكيت فية فاعديت علي معرض منسي كار اللي في الدقي واكدلي المعلومة فعلا وحكيتلة قالي قريبك دة بينصب عليك وانت من حقك انك تاخد 6000 جنية طالما العربية مجتش وانت مستلمتش ولو رفض اشتيكية في حماية المستهلك بص بصراحة انا قلت انة بيقول كدة علشان المنافسة بس بصراحة الراجل دة محترم حتي معرضش عليا اني اسيب قريبي واطلب من البنك انة يحولني علية المهم لقيت ان الموضوع هايكبر وهايخش في محاضر وحماية مستهلك فرضيت بالأمر وقلتة مخسرهوش دة في الول والآخر قريبي 00000هاكمل لحضرتكم بقية الموضوع بكرة ان شاء الله لأن الوقت اتأخر
رقم العضوية : 48981
تاريخ التسجيل : 06Oct2009
المشاركات : 1,988
النوع : ذكر
الاقامة : ش ش
السيارة: لانسر شارك F16 موديل 2012 1600 مايفك وربنا يستر وبسم الله ماش
السيارة[2]: كانت لانسر بومه 1300-2008 اتوماتك بس بعتها واستريحت من رخام
دراجة بخارية: لايوجد
الحالة :
هكملكم بقية الموضوع 0000فااتصلت بية وقلتلة انا لسة جاي من معرض منسي كار اللي هو موزع معتمد لشركة متسوبيشي واكدلي ان العربية نزلت 6000 سكت وقالي فعلا هيا نزلت 4000 جنية بس مش 6الاف قلتلة لأ نزلت 6000 جنية ولو عايز تتأكد خد رقم المعرض واتصل بية قالي يعني انت عايز اية دلوقتي قلتلة عايز الفرق 6000 جنية قالي طيب انا هاعمل معاك خدمة ادفعلي 5000 جنية كمان واجيبلك 1600 الأتوماتك قلتلة ماشي بس هادفعهملك يوم وانا بستلم العربية قلي ماشي المهم بعد يومين لقيتة بيتصل بية بيقولي العربية بتاعتك جت بس حصلتلها وحصلي مصيبة قلتلة اية اللي حصل قالي البهايم اللي عندي مكنتش موجود وواحد منهم مابيعرفش يسوق وركب العربية بتاعتك وحب يمشي بيها شوية راح دايس بنزين علي الأخربدل الفرامل فدمر المعرض بتاعي ودمر العربية بتاعتك فاهتستني شوية لحد ماالعربية تروح التوكيل وتتصلح واطمن دول هيشيلوا الحاجات اللي اتكسرت وباظت ويحطوا حاجات اصلية قلتلة نعم وانا مالي تديني عربية متصلحة وعاملة حادثة لية وانا ذنبي اية وبعدين ايش ضمني ان العربية مفهاش خبطات وهاتحتاج سمكرة ودهان وغيرة قلي متبقاش انت والزمن علية ماكفاية اني هاصلح المعرض والعربية علي حسابي قلتلة وانا مالي هو انا اللي بوظتلك المعرض والعربية متاخد الفلوس دية من اللي بوظهم قالي دة غلبان ومعهوش فلوس قلتلة ماليش فية ومش عايز عربيات من عندك وهاعدي عليك اخد فلوسي وقفلت السكة راح متصل بية تاني رحت قافل الموبيل وبعد ساعة لقيت الحاجة والدتي بتكلمني علي تليفون الشركة وبتقولي هو اية اللي حصل كان اتصل بيها وقلها اني مش عايز اخد العربية بعد ماجبها قلتلها علي اللي حصل وانة عايز يديني عربية عاملة حادثة ومتصلحة وانا مش عايز من عندة حاجة ومش كفاية انة واخد فلوسي وبيشتغل بيها لمدة شهرين يعني زمانة عمل قدها ووقف حالي وكمان عايز يديني عربية عاملة حادثة ومتصلحة المهم بعد مفاوضات لمدة اسبوع وافق انة يجيبلي عربية جديدة قولتلة عايزها نبيتي قالي ماشي يعني انت مش واثق فية وخايف لااديلك نفس العربية تاني قلتلة ل بس اللون دة شوفتة وعجبني قالي ماشي ان شاء الله الأسبوع الجاي تيجي تستلمها وانا عمري ماهبيع لحد من القرايب تاني الكلمة دية نرفزتني جدا بس قولت اعديها لحد ماخد العربية او الفلوس وبعد اسبوع لقيت رجالة المبيعات بتاعة المعرض بيتصلوا بية وبيقلولي تعالي علشان تستلم العربية قلت الحمدالله اخيرا فخدت بقية المبلغ 5000 جنية ورحت استلم فدخلت لقيتة بيضحك في وشي وقالي احنا اخوات ومفيش حاجة حصلت ودية قضاء قدر الله ونصيبة بس معلش انا جيت اجبلك العربية تاني لقيتها زادت تاني فجبتلك 1300 طبعا انا وشي احمرمن الغضب اللي نزل علية في الوقت دة وكنت همسك فية بس قعد يهديني وقالي هيا دية اللي ربنا اخترهالك وهية دية نصيبك وبعدين اللي حصل دة السوق اللي بيعملة وبعدين 1300 احسن في استهلاك البنزين ورارخص من 1600 في الضرايب دة انا حتي كرمتك في سعراللون اللي انت طالبة دة زيادة في السعر 1000 جنية بس ولا يهمك احنا اخوات وكمان هاديلك المفتاح التاني اللي مفروض اودية البنك وهديلك هدية للعربية (عبارة عن طقم دواسات نيكل وشوية فواحات بأسم المعرض وعليها دعاء ركوب السيارة ودية احسن حاجة في الحاجات كلها وهيا دية اللي هديتني نفسيا بصراحة لما قريتها سبحان الذي سخر لنا هذا وما كنا لة بمقرنيين وانا الي ربنا لمنقلبون) فرحت سايبة عقبال مايكتب االمبايعة وواقف برة ورحت متصل بمعرض منسي كار وسألتة ومعرفتهوش شخصيتي قالي فعلا السعر زاد ورجع زي الأول رحت مسلم امري لله واخدت العربية وبعت معايا سواق وقالي هاعدي عليك بكرة ان شاء الله علشان نروح المرور نرخص العربية وخلي ورق العربية والأفراج الجمركي معايا علشان مييضيعش منك ركنت العربية تحت البيت والصبح الساعة التاسعة لقيتة بيتصل بية من تحت البيت فرحنا وعملنا الترخيص وعلقنا نمر مؤقتة علشان مفيش نمر ومسكت فية علشان يتغدي معاية وبصراحة اخرتة معايا فقلي هات الرخصة وهاجبهاللك بكرة اخر النهارعلشان اوديها البنك علشان قريبي يصرف فلوس العربية قلتلة ماشي واتفقت معاة انة يعلمني السواقة وجيت اراضية رفض وبعد اصرار قلي طيب بكرة بعد ماجبلك الرخصة وكل يوم بعد ماخلص شغل هاجي علشان اعلمك السواقة ساعة ولا اتنين وفعلا كان انسان محترم جدا وتاني يوم لما جة اديتة 500 جنية نظير تعليمي السواقة وتخليصة لموضوع المرور وحلاوتة فقالي كأني صعبان علية انت انسان محترم جدا ربنا يباركلك في صحتك وعربيتك المهم نيجي للمفاجآة الكبري في يوم بيعلمني السواقة وجة موضوع العربية القديمة وقالي بصراحة العربية القديمة دية الحمد لله ان انت مخدتهاش فقلتلة لية قلي وانا جايبة وجاي العربية كانت بتعمل حاجات غريبة والفتيس كان تقيل في النقل وكنت اجيبة علي D كان بيكتب علي الشاشة انة لسة علي Nاروح اجيبة علي N تاني واجيبة علي D يشتغل عادي ويكتب صح قلتله الحمدالله ربنا اللي عالم بية وسبحان الله ربنا الهمني بسؤال علشان اعرف الحقيقة وربنا يبين قريبي دة علي حقيقتة سألتة وهو انت اللي جبت العربية الأولنية قالي ايوة ودية كمان خدوا بالكم من المفاجآة جبتهالك تاني يوم علي طول من الحادثة قولتلة تاني يوم بدهشة فحس انة بوظ الدنيا بكلمتة قلتلة حسبي الله ونعم الوكيل يعني العربية مزدتش وجابهالي بنفس السعر القديم وحاسبني علي السعر الجديد انها زادت فقلي ابوس ايدك اوعي تقولة اني عرفتك حاجة عن الموضوع دة احسن هايقطع عيشي ويطردني قلتلة طيب هو قعدني لية اسبوع قالي عقبال مايجي الفراج الجمركي وعقبال ماالسعر يرفع لأنة عرف في نفس اليوم ان السعر هاينزل فبعت وجابلك العربية تاني يوم من بورسعيد لأن مكنش اللون دة موجود في المعارض ومكنش موجود غير في الطلبية الجديدة اللي لسة في المينا وانا اللي رحت وجبتهالك فعلشان خاطري متقطعش عيشي وخليك انت الأحسن للنهاية قلتلة ماشي ورحت محسبن علي اللي يبقي قريبي شوفتوا بقة مفيش حاجة اسمها قرابة ومعرفة مع بتوع المعارض وان انت هيتعمل عليك احلي شغل دة انا اتعمل عليا شغل من قريبي امال لو من معرض وواحد تاني كان هايتعمل معايا اية حسبي الله ونعم الوكيل علية بالعوض وعلية بالتلف في مالة المهم الموضوع لية بقية مع البنك لما جيت اكيش العربية هقلهالكم بعدين لأني طولت عليكم جدا
رقم العضوية : 56262
تاريخ التسجيل : 19Dec2009
المشاركات : 1,965
النوع : ذكر
الاقامة : Damanhour
السيارة: ____________
السيارة[2]: ____________
دراجة بخارية: لا يوجد
الحالة :
والله يا استاذ احمد انا مش عارف اقولك ايه بصراحة ربنا يعوضك خير ان شاء الله انتا بجد راجل محترم ودى جزاة البنى ادم الطيب فى الزمن الاسود اللى احنا فيه
ماتزعلش من اللى حصل ددا خير من ربنا عشان يعرفك الراجل دا على حقيقتة
وان شاء الله تجيب اللى احسن منها
بس ما تنساش لفتى
رقم العضوية : 48981
تاريخ التسجيل : 06Oct2009
المشاركات : 1,988
النوع : ذكر
الاقامة : ش ش
السيارة: لانسر شارك F16 موديل 2012 1600 مايفك وربنا يستر وبسم الله ماش
السيارة[2]: كانت لانسر بومه 1300-2008 اتوماتك بس بعتها واستريحت من رخام
دراجة بخارية: لايوجد
الحالة :
المفضلات