الموضوع: رابطة ومالكي عشاق الفيات 132

يا باشا لاشكر على واجب
الترس اللي عليه زاويه ده بيشغل طرمبه الزيت والبنزين والاسبراتير بالنسبه للترس نفسه موجود عليه علامه لكن مفيش حاجه في جسم الموتور تظبطه عليها ,الفكره كلها انك تظبطه على 34 درجه متهيألي ان ده صعب و مش عارف اقولك هل ضبط الزاويه دي مهم ولا لأ بس انا لما جيت اظبطه في عربيتي ظبطه بالنظر كده ودارت العربيه بس مش عرف ده صح ولا لأ وادينا مستنيين اي حد من رجاله 132 يقولنا رأيه
البوجيهات عندك كده غلط والعكس هوه الصحيح يعني رقم واحد ناحيه الراديتير واربعه ناحيه الصدر

السلام عليكم
انا هحكيلكم حكايه وعايز مساعدتكم واستشارتكم
انا معايا 132 موديل 74 1800 سى سى بتاعت والدى الله يرحمه وكنا جيبنها مستعمله حصل ظروف اضريت ان أركن العربيه لمده سنتين ولكن كنت مشيت بيها سنه قبل الركن وكانت سليمه الى حد ما ... جيبت ميكانيكى اليومين دول علشان عايز اقوم العربيه ...بعد محاولات كتير معاها قالى ان الموتور قافش وهيعوزلو عمره ...فسألنى هى كان فيها حاجه علشان كده ركنها ..فقلتله لا هى كانت سليمه يعنى الحراره مكانتش بتزيد معايا مثلا ولا كنت بفرك بيها . قالى لا هو عايز كده يتفتح ونشوف ايه نظامو ...مع العلم اننا كنا عاملين للموتور عمره من 5 سنين ....فواحد قريبى قالى انت احسنلك متفتحش الموتور وتبيعو لان يا عالم هى كان معمولها عمره قبل كده ولا لا ..... وتصقطلك موتور استيراد 1600 سى سى ... وانا حالتى الماديه مزنوقه الى حد ما ومقدرش ابيع العربيه لان دخله فى قصص وراثه وكمان عندى فى البيت رافضين البيع ..... فأنا عايز مشورتكم هل الصح ايييه افتح الموتور ولا ابيعو واجيب استيراد ؟؟؟؟ وشكرا مقدما

انا عايز اغير التابلوة حد في المجموعه المحترمة يعرف انهي تابلو يركب بدل تابلوة ال 132

بعد اذنكم يا جماعة انا عندى عربية 132 موديل 1976 1600 سيسي كانت مركونة بقالها 3 شهور ولما جيت اسوقها بسمع فيها صوت تخبيط جامد ورعشة وصوتها عالى وبحس بفرقعة من الشكمان وده من الكربريتر ولا من المكنة ارجو الرد بيعد اذنكم

السﻻم عليكم ورحمة الله وبركاته
ازيكم يا جماعة كنت محتاج كتالوج الصيانة بتاع 132 ويا ريت يكون بروابط شغالة لاني لفيت ودورت علية وكل الروابط بايظة
: Haynes Fiat 132 Owners Workshop Manual

السلام عليكم ورحمة الله وبركاته
بخصوص النقطة الأولى الدخنة البيضاء ليست دليل على إن الموتور محتاج عمرة ده بيتوقف على
صوت الموتور من الجزء السفلى ناعم ولا لأ زي مابيقولوا الميكانيكية بيخبط مع الدوسة الجامدة ولا لأ لو ناعم فى الغالب بيكون الموتور عاوز يتعمله طقم شمبر
اما لو خشن ممكن يكون في إما شمبر مكسور أو عاوز طقم سبيكة وفى الحالة دى حيحتاج خراطة وثمن العمرة بيختلف على حسب الخراطة فى البولك بس ولا حتخرط كرنك والكامة سليمة ولا لأ ووش السلندر سليم ولا لأ

أما بخصوص المارش مافيش حاجة إسمها المارش بيبوظ مرة واحدة
على كلامك المارش كدة لازم يتفك علشان يا إما عاوز طقم شربون أو جلبتين أو كوليكتور موبينة مارش وأبعد حاجة ممكن تكون مخدات بس المشكلة فى المارش وخاصة إنك بتقول إن الموتور بيدخن يعنى الموتور خفيف مش محمل

أتمنى أن أكون قد إستفدت

السلام عليكم
انا جديد على الرابطه..انا لسه مشترى فيات 132 موديل 78 و كمان 1800 سىسى
كنت عايز اعرف سعر المساعد الامامى والخلفى
ممكن حد يفيدنى