سخان الغاز

**أحمد سالم** · 28-01-2009 03:59 PM

السلام عليكم
اخيرا وصل عندنا الغاز الطبيعى
وبفكر استبدل السخان الكهربائى بسخان غاز
لاكنى بسمع ان سخان الغاز بيعمل مشاكل كتير
ياريت اعرف ارئكم فى سخانات الغاز عن تجاربكم
وياريت نصيحه ايه هو افضل سخان غاز انا طبعا اقصد الماركة
وعدد الليترات وهل فى انواع حديثة من سخانات الغاز بتستخدم تكنولوجيا تم تلافى الاخطار فيها
ارجو مساعدتكم

**Karim_Monir** · 28-01-2009 04:04 PM

انا شخصيا بستخدم يونفيرسال 10 لتر من 5 سنوات بدون اي مشاكل اطلاقا ما شاء الله

كا في موضوع هنا بتاع استاذ هاني ادام بيتكلم فيه انه بيجهز شقتة وبيفاضل بين كل انواع الاجهزة المعمرة
دور علية مليان اراء تفيدك كتير
هو من كام شهر حوالي اخر الصيف اللي فات

**sendrella** · 28-01-2009 04:06 PM

مساء الخير يا استاذ احمد
السخانات الغاز كويسة جدااااااااا
احنا عندنا سخان غاز ايديال و بقالو حوالى 3 سنين او يزيد
و الحمد لله معملش اىىىىىى مشكله من اي نوع من ساعتها
هو بس كل فترة طويلة كدة البطارية بتاعة الاشعال الذاتي تخلص و تغيرها

و هو افضل بكتيييييير من سخان الكهربا

**محمد جلال** · 28-01-2009 05:00 PM

عندنا سخان زانوسى 10 لتر اسبانى الصنع من 2001 فيه تحكم فى درجة سخونة المياه وقوة اللهب والشعلة بتشتغل اتوماتيك مع استخدام المياه الساخنة وبيفصل صمام الغاز لو الشعلة انطفت وشغال ماشاء الله عليه واكيد فى موديلات اعلى وربنا يوفقك للافضل والائمن وشكراً .

**أحمد سالم** · 28-01-2009 05:52 PM

اولا اشكركم جدا جدا على الاهتمام وسرعة الرد
والله فرحت جدا لما لقيت سرعة الاستجابه
هو حاليا لسه الاراء بسيطه ومفيش كذا رأى على نوع واحد
فى واحد نصحنى بسخان المصانع الحربيه
ولو مكانش ان شاء الله نمشى مع رأى الاستاذ karim_monir
لانى سمعت كمان ان اليونيفرسال كويس
الله يوفقنا لما فيه الخير
شكرا لكم جميعا

**elhdry2000** · 28-01-2009 06:29 PM

ابعد عن المصانع الحربية خاااااااااااااااااااالص
انا عندى شلل رباعى زى الدفع الرباعى كدة منة
هتكره نفسك منة
انت عارف المخ المصرى اما بيصمم حاجة
هتحتاج تغير بلف الشعلة كل كام شهر ولو المية ضعيفة شوية السخان بيفضل فاصل والشعلة بستمرار موقدة
ريج دماغك وخليك فى اوليمبك 10 لتر بجد تحفة وتكنولوجيا متطورة فية

**A.Saad** · 28-01-2009 06:32 PM

احنا عندنا السخان بتاع المصانع الحربية من 88 تقريبا
هوة عادى مكانش فيه اشعال ذاتى ساعتها
كل مشاكله ان بيبقى فيه جلدة كبيرة فى بتتاثر بضغط المياه فتفتح مسار للغاز
ممكن كل سنتين او سنة تتغير
بتوع صيانكو بيغيروها
كل كام سنة يعنى سبع سنين بتفكه تغسل الريش بتاعته تنزل الهباب الاسود من عليها
هوة اامن من الكهرباء
لو عايز مية ساخنة 24 ساعة يديلك
بس لو جبت اى نوع
لو فيه شعلة بتكون شغالة على طول
اقفلها لانها بتاخد غاز كتير
بس

**ZAKI32** · 29-01-2009 01:14 AM

المشاركة الأصلية كتبت بواسطة elhdry2000

ابعد عن المصانع الحربية خاااااااااااااااااااالص
انا عندى شلل رباعى زى الدفع الرباعى كدة منة
هتكره نفسك منة
انت عارف المخ المصرى اما بيصمم حاجة
هتحتاج تغير بلف الشعلة كل كام شهر ولو المية ضعيفة شوية السخان بيفضل فاصل والشعلة بستمرار موقدة
ريج دماغك وخليك فى اوليمبك 10 لتر بجد تحفة وتكنولوجيا

متطورة فية

ياراجل حرام عليك دا هو اللى مستحمل بقالة مايذيد عن 20 سنة شغال زى القطار

انا عندى المصنع الحربى 360

10 لتر

كنت جايبه زمان ب حوالى 400ج دلوقتى يعمله 800ج

هو فى اجدع من المصانع الحربية اجمد حاجة تستحمل والله.

فين ايام المروحة بتاعت المصانع الحربية عاشت معايا مايزيد عن 30 والله كما اقول لك

الموضوع: سخان الغاز

LinkBack

أدوات الموضوع

عرض

-

-

-

-

-

المواضيع المتشابهه

رحله اصلاح سخان الغاز ... اقروا و استمتعوا و قولولي رأيكوا بصراحه

شكلي هكسر سخان الغاز ده

سخان الغاز و أهدار الماء

سخان غاز ؟؟

..إستفسار عن ...سخان الغاز والبوتوجاز..والبتاع اللى بيركب فوقه.....

الكلمات الدلالية لهذا الموضوع

المفضلات

المفضلات

ضوابط المشاركة