برجاء المشاركه والمشوره(كرايسلر نيون&فورد منديو)

**scorpion1000** · 10-02-2009 04:56 AM

محتاج من أصدقائنا المتخصصين أو المجربين معرفه الفروق من كافه النواحى بين(كرايسلر نيون 2000cc)و(فورد مونديو جيا 2000cc)نفس الموديل سواء(97أو98أو99)وأيهما أفضل فيهم من حيث:القوه والأداء(الهورس باور)وأستجابه الفتيس الأتوماتيك وتحمله وقطع الغيار(توافرها وأسعارها)والصيانه والأكسسوار(فوانيس مثلا)والشكل أيهما(أشيك)والكماليات الداخليه والصالون(مساحته وفخامته)لأنى بصراحه أتخذت قرار بشراء أفضلهم وده لأنى مش هلاقى القوه والشكل والأمكانيات والكماليات وجوده الصناعه والسعر المناسب حاليا الأ فى الأتنين دول علما أنى نازل من جيب شيروكى98ومش مقتنع بالعربيه اللى معايا حاليا مازدا 1600cc موديل 99 أتوماتيك فخير الأمور أوسطها ومنتظر مشاركتكم الجميله والكريمه لمساعده أخوكم فى أتخاذ القرار.

**Ahmed Selim** · 10-02-2009 12:31 PM

أبعد عن النيون.........مش عشان هى عربية وحشة.....لأ عشان قطع غيارها نار

أنا من حوالى 5 سنين كنت عاوز أجيب واحدة 98 أو 99 مش فاكر.........أتصلت بالتوكيل سألت على الأسعر وكانت صدمة بصراحة.....اللى فاكره منهم
التيل الأمامى 1027 جم
المساعد الواحد 1150 جم
بس مش عارف أسعارهم أيه دلوقتى بس حتى لو قلت هتبقى بكام ؟؟؟

ده غير أن سوق أعادة بيعها قليل قوى.........بس ده لا يمنع أنها عربية جبارة فى السحب........و أعتقد مش أقل من 130 حصان

الفورد مونديو معرفش عنها كتير بصراحة....

طيب ليه مفكرتش فى أوبل فيكترا 2000 سى سى برضه ؟؟؟

عربية حلوة و قطع غيارها متوفرة و مش غالية .

**Ahmed Selim** · 11-02-2009 11:01 AM

العفو يا باشا

لأ لو الأسعار كده يبقى النيون احسنهم بدون منافسة.....بس يبقى أعادة البيع لو تهمك......و انا قصدى بيها أنها ملهاش غير زبون عارفها وعاوزها وبالتالى ممكن تطول معاك شوية على ما تبيعها.