تشتري اية لو مكاني ؟

**memoo_1st** · 11-02-2009 12:33 PM

انا ميزانيتي 30 الف بالكتير 35 الف ومش عاوز اجيب زيرو والقسط يقطم ظهري كل شهر .
بعد بحث رسيت على سيارتين هما
1 - اوبل كورسا 94- 98
2 - بولو 1999
وبصراحة محتار جدا ما بين التنين وهل هما فعلا افضل اتنين في الفئة دي ولا لا .
وبردو شفت الكليو الهاتشباك بصراحة شكلها دخل دماغي قوي بس مش عارف اية ظروفها ترشحولي اية في الاتنين دوول ولا في حاجات تانية افضل .
وشكراً.

نقل للمقارنات بمعرفتى

مشرف القسم العام

**m_elsabah** · 11-02-2009 01:17 PM

بولو 1999 لإن سمعتها كويسة بس قطع غيارها غالية شوية بس العربية شكلها جميل جدآآآآ. وياريت لو تقدر تطلع للألفين أو بعد سنه 2000 . وربنا يوفقك ويكرمك يا رب

**Merit** · 11-02-2009 01:22 PM

أقترح عليك الإبيزا 98 أو 99 هي نفس البولو تقريبا بالإضافة الي أنها أوسع بكثير من البولو وكمالياتها أكثر وثباتها أعلي

**Mina W** · 11-02-2009 01:55 PM

العربيتين حلوين بس طبعا حسب حالتهم، راى لو تقدر قسط و جيب التو دى يدوب 10 الف زيادة و فى الاخر جديد علشان اى مستعمل اكيد هيكون محتاج مبلغ علشان تتوضب و تمشى معاها مرتاح

**zeyad1810** · 11-02-2009 02:15 PM

انا شايف ان البولو افضل
ربنا يوفقك فى حاجة كويسة

**memoo_1st** · 11-02-2009 02:23 PM

انا شايف ان الناس مجمعة على البولو يبقى إن شاء الله الواحد يبدأ يدور في حدود البولو ويتفرج عليها .

المشاركة الأصلية كتبت بواسطة Mina W

العربيتين حلوين بس طبعا حسب حالتهم، راى لو تقدر قسط و جيب التو دى يدوب 10 الف زيادة و فى الاخر جديد علشان اى مستعمل اكيد هيكون محتاج مبلغ علشان تتوضب و تمشى معاها مرتاح

الفكرة ان انا مش عاوز اركب عربية تكون صغيرة قوي زي الالتو انا كنت بفكر اني اجيب فيرنا قسط بس بصراحة مستحرم اني ادفع كل شهر مبلغ كبير ولكن المبلغ دا احطوا كل شهر واظبط بية عربية مستعملة كويسة .

**memoo_1st** · 11-02-2009 02:27 PM

ولا انا كدا بفكر غلط ؟

**Merit** · 11-02-2009 03:42 PM

زي ما قولتلك لو ناويت بولو يبقي الإبيزا أفضل منها (98 أو99 فقط) ، أنا كنت راكب الأثنين الموتور واحد والتابلوه واحد بإختلاف الإضائة وعفشة الإبيزا هي الجولف 3 ، وهي في المجمل عربية ألماني متجمعة في أسبانيا وده بخلاف الإبيزا القديمة هي بالكامل سيات أسباني.

والأهم طبعا بما إنهم جميعا عربيات مستعملة فالأولوية طبعا للحالة الجيدة أيا كان إبيزا أو بولو

وربنا يوفقك في إختيارك بإذن الله

**mo7a_mo7a** · 11-02-2009 03:45 PM

العربيتين قيبين من بعض جدا
وانا اميل للكورسا اكتر

**Fadi Ezzat** · 11-02-2009 04:25 PM

انا عندى حل احسن ليك خد قرض من البنك وهات عربية زيرو لان القرض هتلاقى فايدتة
7 فى المية اما لو قسطت بياخد فايدة كبيرة ممكن تكون 30 فى المية ممن المبلخ الفايض

مشاهدة نتائج الإستطلاع: تختار اية في التنين دوول ؟

الموضوع: تشتري اية لو مكاني ؟

LinkBack

أدوات الموضوع

عرض

تشتري اية لو مكاني ؟ - انشر الموضوع فى :

-

-

-

-

-

-

المواضيع المتشابهه

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي وكيل

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي

هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

قبل ما تشتري سيارة لازم تشتري الخاتم دة

تجربة قيادة - ماذا تشتري لو كنت مكاني ؟

الكلمات الدلالية لهذا الموضوع

المفضلات

المفضلات

ضوابط المشاركة