الى من يهمه الأمر مكتب توثيق سوق السيارات

**محمد فريد** · 15-02-2009 07:41 PM

النهارده كنت رايح اسجل العربية الجديدة فى مكتب الشهر العقارى بسوق السيارات
مش ممكن ايه اللى احنا فيه ده (المصلحة) بتطلع عينى عينك للموظف عشان يخلصلك امضاء او ختم والا فامامك طابور لا ينتهى وكل من دفع المعلوم خلص ورقه هوا
انا قعدت من الساعه الحادية عشرة صباحا الى الخامسة مساء وبرضه دفعت المعلوم.
حسبى الله ونعم الوكيل

**zeyad1810** · 15-02-2009 08:28 PM

هو دة مبدأ الموظفين فى المصالح الحكومية
ابجنى .... تجدنى

**blazer** · 15-02-2009 08:31 PM

حسبى الله منعم الوكيل
فين احنا من الدول اللى بتخلص نقل الملكيه بتاعه العربيه فى 10 دقايق على الساعه

**kliken** · 15-02-2009 08:56 PM

المشاركة الأصلية كتبت بواسطة zeyad1810

هو دة مبدأ الموظفين فى المصالح الحكومية
ابجنى .... تجدنى

هو ده اللى بيحصل فعلا
حسبى الله و نعم الوكيل

**algeneral** · 15-02-2009 09:00 PM

ابجنى .... تجدنى

**M_Nabil** · 15-02-2009 09:05 PM

لا يا أ.محمد كدة انت مدفعتش المعلوم يعني 6 ساعات ودافع كمان ! طيب لو كنت مدفعتش كانوا هيبيتوك لثاني يوم ولا اية الحكاية !!! يا اما انت دفعت متأخر بقى، المصالح الحكومية دي فعلا عذاب هما الظاهر بيعاقبوا الناس اللى بتشتري عربيات جديدة هههه، الف مبروك العربية الجديدة ربنا يبركلك فيها ويحفظهالك.

**نور القمر** · 15-02-2009 09:08 PM

المهم رجوعك بالسلامة والف مبروك العربية وحمد لله على السلامة
وعمار يا مصر

**waleedrahmy** · 15-02-2009 09:22 PM

كويس أن الموظفين لم يقولوا لك وصلنا لبيوتنا كمان؟؟؟؟؟؟

**marsguy** · 15-02-2009 11:37 PM

قمة الكوميديا السوداء

أنا رحت أعمل توكيل في المكتب ده الساعه 12 الظهر.

كان في يافطه مكتوبه بالبنط العريض "العمل مستمر بالمكتب ولا توجد فترات راحه"

لما حاولت أعمل التوكيل الساعه 12 قالولي لأ روح مكتب التوثيق اللي في الحي السابع عشان هنا خلاص الموظفين مشيوا!!!!!

أنا سألت "إزاي يا جماعه مشيوا؟" قالولي الموظفين راحوا المكتب بتاع الحي السابع.

رحت واخدها من قاصرها ورحت الحي السابع.

لما وصلت هناك رئيس المكتب قال لي روح سوق السيارات، قلت له يا باشا أنا لسه جاي من هناك ... قال لي ما ينفعش تعمله من هنا خالص لازم نروح سوق السيارات.

أنا بصراحه كنت عارف إنه بيقول أي كلام وخلاص عشان يمشيني فا كان معايا واحد صاحبي قاضي تحت في العربيه، إتصلت بيه وطلعلي ودخل لرئيس المكتب وقال له كلام من نوعية معاليك و يا باشا وإلخ وطبعاً زي ما توقعت التوكيل إتعمل في ظرف 10 دقائق.

**محمد فريد** · 15-02-2009 11:51 PM

المشاركة الأصلية كتبت بواسطة M_Nabil

لا يا أ.محمد كدة انت مدفعتش المعلوم يعني 6 ساعات ودافع كمان ! طيب لو كنت مدفعتش كانوا هيبيتوك لثاني يوم ولا اية الحكاية !!! يا اما انت دفعت متأخر بقى، المصالح الحكومية دي فعلا عذاب هما الظاهر بيعاقبوا الناس اللى بتشتري عربيات جديدة هههه، الف مبروك العربية الجديدة ربنا يبركلك فيها ويحفظهالك.

الله يبارك فيك يباشا وفعلا على معرفت الفولة كان متأخر اوى وكان فى ناس بتدخل مفيش 5 دقايق وتلاقيهم مخلصين التأخير كله كان فى اخر مرحلة اللى هى الختم

المشاركة الأصلية كتبت بواسطة نور القمر

المهم رجوعك بالسلامة والف مبروك العربية وحمد لله على السلامة
وعمار يا مصر

الله يسلمك ويبارك فيكى يا نور

الموضوع: الى من يهمه الأمر مكتب توثيق سوق السيارات

LinkBack

أدوات الموضوع

عرض

الى من يهمه الأمر مكتب توثيق سوق السيارات - انشر الموضوع فى :

-

-

-

-

-

-

المواضيع المتشابهه

الى من يهمه الأمر

الى من يهمه الأمر

إلى كل من يهمه الأمر

إلى من يهمه الأمر

الكلمات الدلالية لهذا الموضوع

المفضلات

المفضلات

ضوابط المشاركة