حساس وضع الخانق (البوابه)

**samirayad** · 27-02-2009 11:01 PM

الله يخليك يا أستاذ/فادى...............

**tananybasha** · 09-10-2009 10:11 PM

يعنى زى ماف الأوبل و لا ابسط منه

**samirayad** · 09-10-2009 11:19 PM

لا ياباشا
اللى زى الماف فى الدايو هو حساس الماب
علشان وحدة التحكم تعرف كمية الهواء اللى داخله للمكنه وتعرف تحسب الحمل المطلوب من المكنه لشد العربيه

أما ده موجود فى كل الأنجكشن ....وموجود عندك
على محور بكرة الأكسراتير
جنب بلف الأيدل كنترولر

**Ahmed Nouh** · 10-10-2009 11:09 PM

بشمهندس سمير , هستأذن حضرتك فى استفسار بخصوص الحساسات

انا عندى العربيه طول ما هى بارده ال rpm لازق قرب ال 2 , يعنى لو ماشى على طريق سريع مجرد ما احط رجلى على الدبرياج او امور ال rpm يترفع لفوق لوحده حتى لو انا اساسا كنت ماشى على RPM اقل من كدا ويوصل ساعات ل 2500 لفه وينزل بعد حوالى 10 ثوانى , نفس الموضوع بيحصل بعد الدواره الصبح ال rpm بيفضل عالى فتره محترمه قرب ال 2 ومبينزلش

لكن كل المشاكل ده بتختفى والعربيه سخنه وبيبقى حركه ال rpm طبيعيه , كام مره كمان يحصل ان العربيه اول ما تدور تكون بتبرجل وبعدين ادوس لها بنزين تتظبط

لما قولت لمهندس التوكيل الحاجات دى قالى من الرشاشات ونفضفهالى والموضوع قل شويه لكن مراحش وبعد اسبوع رجع تانى , حضرتك تفتكر العيب من ايه ؟

**samirayad** · 10-10-2009 11:55 PM

لكن كل المشاكل ده بتختفى والعربيه سخنه وبيبقى حركه ال rpm طبيعيه , كام مره كمان يحصل ان العربيه اول ما تدور تكون بتبرجل وبعدين ادوس لها بنزين تتظبط

يفضل نظافة بوابة جسم الخانق بال wd40 مع حركة بكرة الأكسراتير كذا مره وأنت بترش المزيل بهدف تحسين أستجابة حساس البوابه
لأن ممكن تكون البوابه حركتها تقيله عندك
وجرب الوضع بعد النظافه

لو تحسنت الأمور ( بارد وساخن ) يبقى هو ده المطلوب

لو لاقدر الله لم يحدث تحسن يبقى حتعمل أسكانر على كنترول المحرك
لأن أنا شاكك فى حساس ال tps اللى معانا فى الموضوع ده

**samirayad** · 11-10-2009 12:04 AM

ده شكل بوابة محرك وباين فيها قرص البوابه اللى بيبقى راكب على أكس على أمتداد بكرة الأكسراتير (اللى على شمال الصوره )
وعلى نهاية الأكس (حساس البوابه).....على أمتداد الأكس من الجانب الأيمن

**Ahmed Nouh** · 11-10-2009 12:05 AM

المشاركة الأصلية كتبت بواسطة samirayad

يفضل نظافة بوابة جسم الخانق بال wd40 مع حركة بكرة الأكسراتير كذا مره وأنت بترش المزيل بهدف تحسين أستجابة حساس البوابه
لأن ممكن تكون البوابه حركتها تقيله عندك
وجرب الوضع بعد النظافه

لو تحسنت الأمور ( بارد وساخن ) يبقى هو ده المطلوب

لو لاقدر الله لم يحدث تحسن يبقى حتعمل أسكانر على كنترول المحرك
لأن أنا شاكك فى حساس ال tps اللى معانا فى الموضوع ده

والله انا بعد السؤال والبحث توقعت انه هو الحساس ده علشان كدا لقيتها فرصه انى اسأل راجل خبير زى حضرتك فى الحساس ده , ان شاء الله هجرب الحل ده واقولك ايه النتيحه

تسلم ايدك يا بمشهندس

**samirayad** · 11-10-2009 12:10 AM

أرجو لك التوفيق
يا أستاذ : أحمد

وشكرا لزوقك

**فادى محمد** · 30-10-2009 09:36 PM

استاذي العزيز ..كنت عاوز اسال حضرتك كام سؤال للايضاح ..

-عيوب حساس التي بي اس تظهر مع الضغط علي الاكسراتير فقط ( دفعات العادم) ولا مع السلانسيه ايضا اثناء الثبات ؟
-حضرتك قلت ان الحساس ده بيفسد نتيجه فصل في زراع التحريك اللي بيحول الحركه لقيمه جهد كهربي . معني كده اني لو شيلت فيشه الحساس اثناء ما العربيه دايره مش هيحصل حاجه ؟
-لو خرجت الحساس وقيست قيمه التصاعديه بالافوميتر اثناء تحريكي لزراع الوصل ولقيتها منتظمه في الزياده هل ده دليل كافي ان الحساس سليم ؟
- هل بوظان التي بي اس يؤدي لارتفاع استهلاك البنزين؟
معلش انا طولت علي حضرتك. بس انا عمري ما باشبع من المعرفه وربنا يجعله في ميزان حسناتك .

-

الموضوع: حساس وضع الخانق (البوابه)

LinkBack

أدوات الموضوع

عرض

-

-

-

-

المواضيع المتشابهه

تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس

حساس البوابه .. لانسر بومه 1600

حساس البوابه لانوس 2

تاكسي بحري في لبنان لتجنب الازدحام الخانق

جيت أنظف البوابه زي وصف المستشار ممدوح ملقتش البوابه

الكلمات الدلالية لهذا الموضوع

المفضلات

المفضلات

ضوابط المشاركة