الموضوع: ايه الفرق بين الإيزيترونك والتيبترونك ؟؟

موضوع فعلا جامد بس منتظرين الردود

التيبرترونيك : هو فتيس اوتوماتيكى فى الأساس, أى ان هناك محول عزم و نقل الحركة بالزيت, و هو من تطوير شركة بورش الألمانية, متطور بعض الشىء عن الأوتوماتيك العادى فى كونه يتيح للسائق التحكم فى الغيارات صعودا و نزولا, و هو نظام المانى بامتياز, تستخدمه معظم الشركات الألمانية تقريبا مثل مرسيدس, و فولكس و اودى.

الايزيترونيك, لعلك تعنى السيكونشال, هو نظام مطور انطلاقا من الفتيس اليدوى العادى, أى ان هناك قابض فاصل(دبرياج), و علبة تروس عادية , لكن تغيير السرعة يتم بطريقة الية عبر ميكانيزم معقد يساهم فيه الكمبيوتر بشكل كبير, هذا النظام ايطالى من ابتكار شركة ماجنيتى ماريللى التابعة لشركة فيات الايطالية, استخدم لأول مرة على الطرقات عام 1999 فى الفاروميو 156 سيلسبيد, و تفوق هذا النظام على الاوتوماتيك و التيبترونيك, نظرا لأداءه المبهر و سهولة استخدامه, و قربه الشديد من أداء المانيوال, هذا النظام ايطالى بامتياز يستخدم فى سيارات فيرارى و الفاروميو و فيات, لكن نجحت شركات اخرى فى تطوير علب تروس مماثلة, معظمها ليست سيكونشال حقيقية اذ تفتقد لبعض المزايا الموجودة فى العلبة الايطالية , مثل الدى سى جى من فولكس(تطوير للتيبرونك من بورش, هى ), و تويوتا ام ام تى (طور بالتعاون مع بورش) و ايزى ترونيك فى اوبل.

للاستزاده فى هذا الموضوع :
http://en.wikipedia.org/wiki/Sequent...l_transmission
http://en.wikipedia.org/wiki/Tiptronic

التيبترونيك :و انت سايق احساس عااااادى جدا زيه زى اى فتيس اوتو

ايزى ترونيك:احساس مانيوال بالظبط ... و سواقته زى المانيوال بالظبط (بس مفيش دبرياج)...
ومن مميزاته انه بيدى عزم و سحب اقوى من الاوتو او التيبترونيك لان المانيوال بطبعه اقوى من الاوتوماتيك و ده الى خلى عربيه زى الفيكترا (ايزى ترونيك) تتفوق على الجيتا و الاوكتافيا (تيبترونيك) فى السحب مع انهم نفس الحجم و الوزن و قوه الموتور تقريبا ..

Mmt :زى الايزى ترونيك بس ظهرت فيه بعض المشاكل (و مش هتكلم فيه كتير علشان الجماعه بتوع التويوتا ميزعلوش و طبعا هم على عينى و راسى من فوق).

و طبعا انا مفيش حاجه اقولها بعد الى الاستاذ فادى قاله.

من الاخر كله واحد بس الاسم متغير لاكن الاداء واحد