كتاوت السنترو الانذار بالريموت

**dr.nemo** · 28-02-2009 10:39 PM

سلام عليكم
انا العربية اللي شاريها كان راكب فيها سنتر وانذار
وقريبا عمل قفلة كبيرة في العربية وانا على الزراعي وكنت حروح فيها بس ربنا ستر
الغريب انه ظل شغال بعد القفلة لحد مالكهربائي فصله فاصبح شغال يدوي بالمفتاح بس(السنتر)
.. دلوقتي الكهربائي بيقول لازم تجيب جهاز جديد
ولما رحت اشتري الراجل بتاع المحل قالي حرام تشتري جهاز كامل وكل حاجة راكبة عندك ....
وان فيه كتاوت بالريموت هي بس اللي بتتغير وهو طالبها مخصوص من الصين وحتيجي الاسبوع الجاي
المشكلة انا كل ما اسأل محل يقلي مفيش حاجة اسمها كده
فبقيت محتار اجيب جهاز جديد ولا انتظر الكتاوت اللي مش موجوده دي
لو أي حد يعرف أي حاجة عن الموضوع ده يتفضل يقولنا رأيه

وشكرا

**samehafez** · 01-03-2009 12:10 AM

عروستي
انا اسف بس مش فاهم ...
الكتاوت مش اكتر من فيوز بس بيفصل و بيرجع تاني يوصل
فلو المكنه بتاعة السنتر اتحرقت يبقي هتغيرها
لو الكتاوت هو اللي اتحرق غيره ....
لو المكنه هي اللي بايظة لو جبتلها الف كتاوت مش هتشتغل

( علي فكرة لو حصل قفلة و الكتاوت باظ و علي فكرة باظ مش بالضرورة مبقاش يوصل لا باظ مبقاش يفصل ... يمكن عشان كدة المكنة بتاعة السنتر كانت شغالة ... جايز عشان كده المكنة ممكن تكون اتحرقت )
بس سؤال هو كتاوت السنتر راكب مع مكن السنتر و لا في علبة الفيوزات .... ؟؟؟؟

**dr.nemo** · 01-03-2009 12:17 AM

لا راكب تحت الدريكسيون علبه سوده صغيرة كده
وهو من ساعت ما جبت العربية والانذار مش شغال السنتر بس وبالريموت عادي
صاحبها قالي اصل انا فاصله
والكهربائي بيقولي لأ الجهاز بايظ

**dr.nemo** · 01-03-2009 12:19 AM

هل المكن ده اللي في كل باب ولا انا غلطان
لو قصدك ده فهو شغال
لأن السنتر بيشتغل بالمفتاح (يدوي) بس بدون ريموت

**أشرف فتحى** · 01-03-2009 01:03 AM

يمكن قاصدك على السنتر اللى بالريموت لو هو ده انا فعلا كنت مركبه قبل كده وهو صينى ومالوش علاقه بالانذار وموجود فى التوفيقيه او عند اى حد بتاع انذار كبير وبيبقى عباره عن رسنتر ومعاه ريموت بزرارين فتح وغلق بس خلاص

**dr.nemo** · 01-03-2009 01:10 AM

لا الريموت اللي معايا فيه 4 زراير
والكهربائي شافه وقالي انه انذار وسنتر
عمليا انا مش محتاج غير السنتر لاني بركن في الجراج بتاعنا

**dr.nemo** · 01-03-2009 02:27 AM

و ديه صورة الريموت

[IMG][/IMG]

**karimhasson** · 22-05-2015 06:16 PM

1-سنتر العربية بيشتغل من جوه من زرار اللوك اللي جوه العربية
2-السنتر بيقفل من ريموت الانذار
3-ريموت العربية الاصلي اللي في المفتاح , مش بيقفل اللوك
4-لما بقفل من الكالون , باب السواق اللي بيقفل لوحده و اللوك مش بيشتغل

روحت لعبقري , قاللي كتاوت السنتر بليظه و دي مشكله عشان تتغير
واضح انه مش فاهم حاجة
عشان كده انا حابب اعمل الموضوع بنفسي بس حابب اعرف اراء عن المشكلة دي
حد من المحترمين اللي هنا عنده فكرة ؟