الموضوع: اليد اليمنى لوحدة التحكم الألكترونى (حساس الكرنك)

يعتبر حساس الكرنك بمثابة اليد اليمنى لوحدة التحكم الألكترونى......................

فبدون ذهاب أشاره كهربيه من هذا الحساس الى وحدة التحكم فلن يتم أدارة محرك السياره......

.....عاوز أقول بالبلدى كده هو العين اللى بتشوف بيها وحدة التحكم وضع وترتيب البساتم أثناء دورة حريق المحرك.......طيب ليه.....* حساس الكرنك يقوم بالتعرف على وضع البستم داخل كل غرفه من غرف الحريق للمحرك....وبالتالى هو الذى يقوم بأبلاغ وحدة التحكم عن ترتيب الحريق الذى سيتم التعامل به أثناء دورة الحريق........

* يقوم الحساس بأرسال أشاره فى صورة جهد كهربى متغير تأثيرى الى وحدة التحكم ....وتقوم على الفور وحدة المقارنه الموجوده داخل الذاكره للوحده بالتعرف وحساب الوضع اللازم لأتخاذ دورة وترتيب حريق مظبوط لبدء تشغيل المحرك.....وعلى الفور تقوم وحدة التحكم بتنبيه الرشاش المناسب لضخ البنزين اللازم لبدء الحريق وفى نفس الوقت تنبيه ملف الأشعال الألكترونى بأتخاذ الأجراء المناسب لدفع شراره الى البوجيهات المطلوبه (كل فى توقيته المظبوط)

* بعد أن تقوم الوحده بعمل الأجراء السابق تبدأ على الفور دورة الحريق المطلوبه حسب ترتيب الحريق...........* من الكلام اللى فات ده نستطيع أن نقارن بين الوضع ده ....وقرينه اللى بيحصل فى المحركات ذات الكربوراتير التقليديه...(وده بيشابه الى حد كبير دور الأسبراتير والبوبينا العاديه ...مع الفارق طبعا ....بس حبييت أقرب الصوره لحضراتكم )

* تركيب وتصميم حساس الكرنك

....يتكون الحساس من ملف كهربى أو كويل ملفوف على قلب حديدى خاص.....

... ولابد من توافر مجال مغناطيس دائم لقيام الحساس بوظيفته الموكله اليه.......

[COLOR="DarkRedوعلى السريع كده حنتكلم عن حاجه صغيره........

....الحساس ده بيركب بالضبط فوق بلوك الأسطوانات للمحرك(السلندر بلوك) أسفل مانيفولد الهواء مباشرة وبيوجد على نهايته من منطقة دخوله الى المحرك بينه وبين عضو دوار بيكون من ضمن منظومة عمود الكرنك ويسمى ال Reluctor أو الروتور الداخل ضمن مكونات عمود الكرنك ثغره هوائيه تكون فى حدود 1.3 مم .......

...وذلك لأتاحة مجال مغناطيس مناسب لتوليد نبضات فولت تأثيرى (حسب نظرية الحث الكهرومغناطيس لتوليد الفولت التأثيرى المتغير).....وطبعا هى طبقا لقاعدة فلمنج لليد اليبسرى (اللى درسناها كهربيا).........

....عاوز برضه قبل ما أغادر النقطه دى أقولكم أن الترس أو الReluctor اللى راكب على عمود الكرنك بيكون مصمم بطريقه هندسيه خاصه للموضوع ده..........

....فهو عباره عن بكره أو طاره (شبه الترس) ونقدر نقول عليه ترس وله 58 فجوه داخليه (57 فجوه فراغاتهم متساويه ومصممه على 6 درجات على المحيط والفجوه رقم 58 أو الأخيره بتكون أكثر أتساعا من الآخرين ودى بقه اللى بتولد موجة أوالنبضه التوافقيه المعينه اللى وحدة التحكم بتعرف من شكل وطول الموجه بتاعة الفولت وضع البستم رقم 1 أثناء دورة حريق المحرك ).........* حأرجع تانى معاكم لنظرية عمل الحساس بعد مابينا موضوع الترس الخاص ده اللى راكب على عمود الكرنك............

طبعا قولنا قبل كده أن الحساس بيكون عباره عن ملف أو كويل كهربى ملفوف على قلب حديدى......

**وزى ما أحنا عارفين من نظرية توليد فولت متغير بطريقة الحث الكهرومغناطيس (طبقا لقاعدة العالم فلمنج لليد اليسرى...لابد من توافر مجال مغناطيبس دائم )...

....المجال ده ممكن نحصل عليه بأحد طريقتين.........أما بتصنيع القلب الحديدى اللى داخل الحساس نفسه من معدن مغناطيس (وفى الحاله دى حيكون المجال المغناطيس فى العضو الثابت اللى هو القلب الحديدى للحساس نفسه)...وبيقال عليه كهربيا مجال مغناطيسى ثابت........

* أو أن يكون الترس الخاص اللى على الكرنك هو اللى مصنوع من معدن معدن مغناطيس (وفى الحاله دى بيكون المجال المغناطيس ...مجال دوار )......والنتيجه واحده فى الحالتين تصميميا........

**** بعد الفيلم اللى حكيناه دا كله نقدر نشبه العمليه (مع الفارق طبعا)....بنظرية عمل الدينامو أو المولد الكهربى المتغير....أن صح التعبير........أشكركم والموضوع مطروح للمناقشه والأضافه من قبل حضراتكم .....وكل اللى عملته أنى أجتهدت فى تصوير الحاله لكم.......تحياتى للجميع اللذين يمرون على هذا الموضوع

[/COLOR]

لمزيد من المعلومات شوف الفيديو ده على youtube

http://www.youtube.com/watch?v=RuIislTGOwA