صوت العربية عالى قوى

**sobhysm** · 06-03-2009 10:50 PM

السلام عليكم أنا يوم الثلاثاء الماضى غيرت وش السلندر والهد بوش سلندر وهد استيراد لأن العربية كانت مثلثة والسلندر رقم 2 لا يعمل ومن ساعتها وصوت الموتور عالى خالص والعربية بقت تسخن سنة صغيرة من80 تقريباً إلى 90 تقريباً لأن المؤشر مش مدرج رحت ضبط التاكيهات ومافيش فايدة وبشم ريحة بنزين جامدة جداً ولما وقفت العربية وفتحت الكبوت لاقيت بنزين بينزل من تحت العمة ولما فكيت العمة ودوس بنزين ما فيش بنزين بينزل ولما بامشى بشم ريحة بنزين جامدة والعربية بتستهلك بنزين عالى الصفيحة 90 كيلو تقريباً من ساعتها أنا اتعقدت من العربية وهتجنن بسببها أسف على اللإطالة ولكم جزيل الشكر

**samirayad** · 06-03-2009 10:58 PM

شوف سلك شفاط الكربوراتير .....ليكون مخللى باب الكربوراتير مقفول على طول.............

**sobhysm** · 06-03-2009 11:05 PM

أولا شكراً ليك يا باشمهندس سمير
ثانياً سلك الشفاط مضبوط أنا لما بفك العمة وباب الكربراتير مضبوط وبدور العربية الصوت بيفضل عالى برضة ولما بوطى الموتور العربية بتبطل ولما الكهربا بتظبت بردة صوت العربية عالى قوى
هل ممكن يكون فية عيب فى وش السلندر بيعلى الصوت كدة

**samirayad** · 06-03-2009 11:10 PM

هل ممكن يكون فية عيب فى وش السلندر بيعلى الصوت كدة

....هو الميكانيكى اللى ركبلك الوش شاطر ولا على قده........أصل ممكن يكون معملش توقيت صح للكامه مع الكرنك برضه ...وملغبطلك شغل الصبابات

**sobhysm** · 07-03-2009 08:57 AM

المشاركة الأصلية كتبت بواسطة samirayad

....هو الميكانيكى اللى ركبلك الوش شاطر ولا على قده........أصل ممكن يكون معملش توقيت صح للكامه مع الكرنك برضه ...وملغبطلك شغل الصبابات

هو ضبط تقسيمة الكاتينة وودتها عند ميكانيكى ثانى بس على الكاتينة وقالى مضبوطة

**samirayad** · 07-03-2009 03:03 PM

وصوت الموتور عالى خالص والعربية بقت تسخن سنة صغيرة من80 تقريباً إلى 90 تقريباً

.....شوف كده الشكمان محتاج تسليك.........لأنه لو به سدد ممكن يعملك الموضوع ده

**sobhysm** · 08-03-2009 08:35 AM

الحمد لله الشكمان مافيهوش أى سدد والصوت وطى شوية عن الأول بس كنت عاوز أعرف من حضرتك حاجة ياباشمهندس سمير أزاى أعرف أن الصبابات مش مطبعة كويس وكمان درجة الحرارة بقت تعلى قوى
وكنت عاوز اعرف ازاى اعرف لو وش السلندر حلو ولا وحش وشكراً ليك على الردود القيمة

**samirayad** · 08-03-2009 03:03 PM

تطبيع الصبابات .....بيبان لو أنت قلبت رأس السلندر وشوفت قرص الصباب عامل أزاى بينه وبين قاعدة الصباب.....(يعنى لو مفيش حاجه منوره ولو خفيف.....يبقى التطبيع كويس )

_ وبرضه حقولك على حاجه......روح ظبط التاكيهات كويس.....لأنها لو محمله حتسخن المحرك برضه والصوت حيعلى (والهدوء اللى حصل معاك فى الصوت دلوقتى علشان التاكيهات ريحت شويه )..........

_ حجيبلك برضه لينك أنا عامله فى القسم التعليمى عن الروديه (خده وأطلع عليه )