بسرعة من فضلكم علشان رايحة امتحن بكرة

**PuntoPunto** · 07-03-2009 09:27 PM

السلام عليكم ورحمة الله وبركاته

أنا رايحة بكرة إن شاء الله أمتحن امتحان الرخصة في مرور الأميرية، والسؤال بقى يا ترى في هناك امتحان نظري؟؟ أصل صحابي امتحنوا في التجمع وما كانش في نظري.

ولو في يا ريت تقولولي هو بيبقى إزاي، في الإشارات بس ولا إيه؟؟

أنا مرعووووووبة

**Samir Elshahawy** · 07-03-2009 09:30 PM

المفروض بيكون فيه أمتحان نظري بيكون في الأشارات و بعد كده عملي

عموما في موضوعات هنا بتتكلم عن امتحانات المرور و كمان المفروض يكونوا سلموكي كتاب الاشارات اللي هايمتحونكي منه

ربنا يوفقك

**Dr.Mohamed** · 07-03-2009 09:42 PM

والله يا فندم فيه موقع اسمه futuredriver
وكارت اشتريناه تبع الموقع كانوا عاطينهولنا بتدخلى على الموقع وتحلى الاسئله الى عليه و هى هياها الاسئله الى فى الامتحان بس وقت امتحانى العسكرى الى امتحنا بياخد 20 جنيه و يحل الاسئله و ينجح الناس مش عارف ااذا الموضوع ده هيبقى عندكم ولا لا ؟
وبالتوفيق
وممكن تدخلى الموقع من غير كروت فيه اشارات لو هتذاكرى واسئله عادى

**Dr.Mohamed** · 07-03-2009 09:44 PM

http://www.futuredriver.net/homear.aspx

**lancerevolution** · 07-03-2009 09:49 PM

هدى أعصابك و خليكى هادية عشان تعرفى تجاوبى خدى بالك الزمن ضدك لما تتأخرى فى الإجابة بتقل الدرجة
و أنا بمتحن كان فى ورق بيتباع عن الأكشاك الى جنب الإدارة فيه كل الأسئلة و حلولها ممكن تشوفى الحاجات دى

**tabeb** · 07-03-2009 09:52 PM

اللي اقدر اقولهولك خلي اعصابك جامدة_ده مجرد امتحان_ماتخليش العربية تبطل منك_حاولي تروحي بدري عشان تاخدي دور وحاولي تدخلي ساحة الامتحان الاول عشان تاخدي فكرة عن الامتحان وتلاحظي كويس اللي بيمتحن ادامك_النظري بقي ممكن تلاقي الاشارات في موقع الادارة العامة للمرور وبالتوفيق ان شاء الله

**samirayad** · 07-03-2009 10:21 PM

هدوء الأعصاب وعدم التوتر والتحلى بالصبر......ليهم عامل كبير جدا ......فى أجتياز أى صعاب........

_ ودايما فى أى موضوع بقول لنفسى هو اللى عمل الموضوع ده وعدى فيه بسهوله ...أفضل منى فى أيه...

_ على فكره النقاط دى مهمه جدا ...فى تذليل أى صعاب مهما كانت...........ومع أمنياتى بالتوفيق والنجاح أن شاء الله

**PuntoPunto** · 07-03-2009 10:23 PM

متشكرة جدا لكل اللي ردوا علي بصراحة انتم اللي دايما بتنقذوني والردود كلها مفيدة، ربنا يكرمكم جميعا.

**aif** · 07-03-2009 10:32 PM

حضرتك بس تقرأي الفاتحة و آية الكرسي وتداومي على الدعاء والاستغفار ....
وان شاء الله سيجعل لك من كل ضيق مخرجا
وربنا معاكي

الموضوع: بسرعة من فضلكم علشان رايحة امتحن بكرة

LinkBack

أدوات الموضوع

عرض

-

-

-

-

-

المواضيع المتشابهه

تسعير عالسريع علشان نازل اخلص بكرة لانسر 2006 و 2008

سؤال بخصوص كاوتش النيفا علشان نازل اغيرة بكرة ان شاء الله

كنت مسافر بكرة اسكندرية ومش عارف اركب اية و ياريت حد يرد عليا علشان مسافر بكرة الصبح

عايز رائيكم في اللون بسرررررررعة علشان هستلم بكرة

عايز رائيكم في اللون بسرررررررعة علشان هستلم بكرة

الكلمات الدلالية لهذا الموضوع

المفضلات

المفضلات

ضوابط المشاركة