ماهو الشنبر و أزاي ممكن يخلي الموتور خفيف ؟

**roky** · 09-03-2009 01:07 PM

أصدقائي الأعزاء ...

من كام يوم كنت عند الميكانكي بغير بوجيهات و بعدين قالي

- علي فكرة الموتور ده خفيف
- عاوز يتعمر يعني ؟
- لا مش شرط ... ممكن يكون الشنبر

من الناحية الفنية: يعني أيه الموتور خفيف ، وآيه هو الشبر ده ، و أزاي ممكن يخلي الموتور خفيف، وأزاي أعرف أن هو السبب في كده ، و ياتري تصليحه صعب و لا سهل (عشان انا عارف أن أي حاجة بتتطلب حل الموتور بيبقي فيها قلق)

وشكـــــــــراً

**fahd_628** · 09-03-2009 01:17 PM

بص يا باشا الشنبر دة هوة بيبقى زى ring حوالين البستم و هوة دة الى بيحكم الكبس فى البستم و لو الشنبر دة مفوق فا طبعا حتلاقى فية فاقد فى القدرة بتاعت المحرك و طبعا الموتور كدة حيبقى خفيف و محتاج طقم شنبر

و ممكن تعرف ان الموتور خفيف ولا لأ ابسط حاجة الموتور بيطلع دخان مع السحب او الجرى ؟ و لو بيطلع بيطلع دخان لونة اية ؟

**Maged_Samy** · 09-03-2009 01:23 PM

وهتلاقى الزيت بينقص كتير لانة بيتحرق وكمان هتلاقى دخان ابيض من فايظ العمة او من الشكمان او من الاثنين معا وفى الحالة دى انصحك تحط زيت تقيل احادى الدرجة 50 ولو الحالة متأخرة حط عليه زيت شنبر stp لكن يفضل فى كل الاحوال عمل العمرة فى اقرب فرصة لو امكن ومش هيقدر يعرف طقم شنبر ولا عمرة كاملة الا بعد ما يفك الموتور وإن شاء الله تبقى شنبر بس

**tmedhat** · 09-03-2009 06:33 PM

متقلقش لو طقم شمبر يبقى الموضوع سهل

المهم الشميزات متكونش فيها عتب كتير يستلزم الذهاب للخراط

**samirayad** · 09-03-2009 06:40 PM

المشاركة الأصلية كتبت بواسطة tmedhat

متقلقش لو طقم شمبر يبقى الموضوع سهل

المهم الشميزات متكونش فيها عتب كتير يستلزم الذهاب للخراط

+11111

**dr.nemo** · 10-03-2009 03:32 AM

طيب زيت الشنبر ده ايه فايدته
وهل ينفع في الحالة دي
لان الميكانيكي بيقولي ملوش لازمة
غير للي لسه مركب شنبر جديد او عامل عمرة بس

**samirayad** · 10-03-2009 06:58 AM

المشاركة الأصلية كتبت بواسطة nemo1987

طيب زيت الشنبر ده ايه فايدته
وهل ينفع في الحالة دي
لان الميكانيكي بيقولي ملوش لازمة
غير للي لسه مركب شنبر جديد او عامل عمرة بس

هو بيقولك كده ..علشان عاوز يعمل عمرات وخلاص (أهم شىء عاوز يقبض )

_ وحاله زى حالة أخونا الأستاذROKY ....هى دى الحاله الوحيده اللى ممكن الواحد يجرب فيها أستعمال زيت الشنبر (والا يبقى مالوش لزمه وجود حاجه أسمها زيت شنبر من الأساس )

**dr_abooody** · 10-03-2009 07:47 AM

طيب انا عندي الفايظ بيطلع دخان ابيض بس مش كتير

و الشكمان مش بيطلع دخان ابيض بالعكس دة بيطلع مية و دة دليل ان الحرق البنزين سليم 100 %

مرة كنت عند الميكانيكي راح قالي ان الموتور عايز طقم شنبر عشان خفيف

قولتلة ازاي دة السحب بتاعة كويس جداا

و الزيت عندي بينقص عشان في حاجة بتنقط كدا

بس بيطلع ضغط هوا جامد من غطاء التكيهات

هل دة كدا عايزة طقم شنبر

**samirayad** · 10-03-2009 02:59 PM

بس بيطلع ضغط هوا جامد من غطاء التكيهات

كده برضه الصبابات مش مطبعه كويس[quote][هل دة كدا عايزة طقم شنبر/quote] قيس كبس المحرك الأول

طيب انا عندي الفايظ بيطلع دخان ابيض بس مش كتير

كده فيه تفويت من الغرف عن طريق الشنبر للكارتير

و الزيت عندي بينقص عشان في حاجة بتنقط كدا

ماهو ده بسبب التفويت الى الكرتير

**M.Mokhtar** · 10-03-2009 03:25 PM

[quote=samirayad;707744]كده برضه الصبابات مش مطبعه كويس

[هل دة كدا عايزة طقم شنبر/quote] قيس كبس المحرك الأولكده فيه تفويت من الغرف عن طريق الشنبر للكارتير ماهو ده بسبب التفويت الى الكرتير

معلش يا استاذ سمير
سؤال عبيط شوية

ليه لو فى ضغط هوا عند غطا الزيت او دخان من الفايظ يبقى فى تسريب الى الكارتير؟؟
مش المفروض الفاايظ ده فوق والكارتير ده تحت؟
يعنى المفروض يبقى التسريب فى التاكيهات؟؟؟

الموضوع: ماهو الشنبر و أزاي ممكن يخلي الموتور خفيف ؟

LinkBack

أدوات الموضوع

عرض

ماهو الشنبر و أزاي ممكن يخلي الموتور خفيف ؟ - انشر الموضوع فى :

-

-

-

-

-

-

المواضيع المتشابهه

إيه اللي يخلي بعد ماطفي العربية الموتور يلف كام لفة كده ؟

فين مكان الشنبر قى الموتور

لو الموتور خفيف ممكن اشتغل بيه قد ايه

زيت الموتور و يت الشنبر

ماهو طقم الشنبر و ضرورة تغييره

الكلمات الدلالية لهذا الموضوع

المفضلات

المفضلات

ضوابط المشاركة