المشاركة الأصلية كتبت بواسطة karaktar
أولاً كلام الاستاذ سبعاوى مظبوت100% مافهوش كلام
ثانياً التابلو زى ماقولتلك بتحس انه بيتهز شوية فى الشوارع المكسرة وعيون القطة اهتزاز بسيط ودى متهايألى سمة من سمات التيدا لأن التابلو عبارة عن كذا قطعة مجمعين مع بعض ليس قطعة واحدة
تانى حاجة لازم باردو تجرب العربية قبل ماتركبها وتشوف احساساك فيها ازاى وتاخد انطباعات مبدأيه عنها
ثالث حاجة موضوع الطنابير ده فعلاً حقيقى انا كنت ماشى على الدائرى حبيت انى اشد شوية على الطريق ابتدى العداد يدخل فى 120 كم فيما فوق نظراً لأن الطريق كان زحمة شوية فهديت مرّة واحدة لقيت الفرامل تحت رجلى بترتعش والدركسيون كذلك حصلتلو رعشة جامدة محسوسة ومرئية كمان
مع العلم ان العيب ده عندى بس
نسيت اقولك حاجة صاج العربية خفيف جداً بس اللى بيعوض كده ثبات العفشة ومتانتها
مافيش عربية مافيهاش عيوب لكن العيوب التى ذكرت عيوب خفيفة جداً لاتؤثر على اداء العربية يعنى عيوب سطحية مش اكتر
التيدا عربية من اروع ما يكون سدأنى العربية اول ماتجيبها وتركبها هاتجذبك ليها بطريقة غريبة وبعد كدة مش هاتقدر تستغنى عنها