اسعـــار قطــع غيــــار أوبـــــل كورســـــا (1993-2000)

**Ahmad Allawy** · 20-04-2008 12:03 AM

علي فكرة يا محمد بك الاسعار مش وحشة.. معقولة..
انا برضه اتعمل فيا نفس اللي اتعمل فيك في موضوع التابلوه و اللمبات..:)
الكهربائي اللي عند فادي شغال برضه في مقار..
قاللي فك التابلوه العدادات يعني.. 50 جنيه..قولتله لأ مش هادفع..
نزلهالي 30 جنيه,. بس عوضها في اللمبات..
اللمبات عندي و اكيد زي اللي عندك الصغيرة قوي دي..
حسب عليا اللمبة بالدواية بتاعتها ب 10 جنيه.
المهم الموضوع قفل 50 برضه بس باللمبات.. انا عديتها عشان اول مرة ومكانش ليا دماغ للحوارات بصراحة..
بس متزعلش من المصنعيات.. كويسة.. اكيد في حاجات تهريج بس المجمل معقول..
اشتري دماغك يا باشا.. و الفلوس فداك..

**M.Mokhtar** · 20-04-2008 12:14 AM

المشكله يا احمد باشا ان الحاجات دى ما تستاهلش المبالغ دى كلها بس انا بحب اعمل كل حاجة فى التوكيل عشان بصراحه بيبقوا فاهمين جدا
فى موقف خلانى متأكد من الموضوع ده

مره ايام ما كنت فى الكليه وراكن العربيه فى شارع الجامعه شارع زحمه على طول خلصت محاضراتى ورايح اركب العربيه لاقيت الزجاج اليمين قدام مكسور وفى حاجات مسروقه من العربيه وكانت ساعتها لسه ما كملتش معايا اسبوع :(
المهم قولت مش مشكله كويس ان العين جت فى حاجة هايفه زى كده
روحت ركبت زجاج من عند واحد جنبنا والله بجد قعد يركب فيه من العصر لغايه المغرب او العشاء وكمان مش بيقفل صح والسنتر مش بيرفع الزجاج ده بالذات وانت بتقفل العربيه
انا اتخنقت جدا منهم وقولتلهم قفلوهولى على كده ودفعت تمن الزجاج وما سبتش ليهم حتى جنيه بقشيش مع انهم شغالين فيه من الصبح بس حمير (اسف على اللفظ)
تانى يوم روحت للتوكيل فك فرش الباب ورفع الزجاج لفوق وربط مسمار كده وقالى امشى
بقولهم نعم امشى ليه؟ قالى خلاص
خلاص ايه ياعم انت
قالى طيب جرب
بجرب لاقيت كله شغال و 100% فى اقل من 5 دقايق
عرفت ساعتها ان محدش بيفهم فى العربيات دى غير التوكيل او الناس اللى كانت شغاله فى التوكيل وطلعت فتحت مركز ليهم بره
من ساعتها وانا كل حاجة بعملها فى التوكيل

اسف على التطويل بس الواحد فاضى بقى وقال يدوش الناس اللى معاه :)

**Ahmad Allawy** · 20-04-2008 12:15 AM

اهر بيك في اي وقت يا باشا..
وبرضه انت عندك حق..
ادي العيش لخبازه لعي رأي المثل.. :)

**Ahmad Allawy** · 24-04-2008 11:42 AM

يا جماعه انا احب ابشركم ان المهندس فادي صاحب مركز الصيانة اللي باعمل عربيتي عنده بقي ليه اكاونت هنا علي المنتدي..
و الراجل بصراحة مشكورا ان شاء الله مش هيتأخر انه يجاوب علي استفسارات اي حد..
و كفاية ان الراجل كان شغال في توكيل اوبل..
بس انا لسة مش عارف اسمه ايه اول لما اعرف هاقولكم عشان نرحب بيه..
ييجي بقي يمسك استفسارات الاوبلاوية الجامدين..
انا معظم المعلومات اللي باجيبها باكون سألته عليها او من قريبي اللي كان زميله في التوكيل..

**M.Mokhtar** · 24-04-2008 11:45 AM

يا هلا يا هلا
انا منتظر اعرف اسمه ايه على المنتدى عشان عندى استفسارات كتيييييييييييييييييير
بجد هيبقى اضافة مفيده جدا لمنتدى اوبل

**abdelaziz-waleed** · 24-04-2008 11:36 PM

يا سلام عليك يا استاذ احمد هو ده الكلام
ايه

الحلاوة ديه.
احنا منتظرين الاسم بفارغ الصبر
الف شكر على مجهوداتك يا استاذ احمد
بجد هاتكون نقلة جامدة لمنتدى اوبل
وممكن نعمل موضوع يكون مخصص للاستفسارات والاجوبة ونطلب من الادارة تثبيته

**Ahmad Allawy** · 05-07-2008 01:32 AM

السلام عليكم..
النهاردة انا جايبلكم الجديد .. :) :) :)
دفعت النهاردة زي الشاطر كده 1500 جنيه تمن شوية حاجات.. اللي هي تقدروا تقولوا عليها العفشة كاملة.. :) :) :)
و هاقولكم الاسعار و الماركات.. بالتفصيل..

* طقم مساعدين امامي بلشتاين : 650
* طقم مساعدين خلفي بلشتاين : 450
* بيض مقصات : 2*65
* بيض دركسيون او بارات زي ما بيسموها خارجي : 2* 65
* بطاحات مساعدين امامي : 2* 75
البيض ده مش فاكر الماركة ايه.. بس العلب تحت ف العربية و لما انزل اشوف النوع.. بس هي الماني..

وفي شوية حاجات بقي عرفت سعرها بس لسة ماشترتهاش عشان فلست.. و أجلتها شوية لما ربنا يرزقنا بفلوس..
بس بعد ما اغير الكاوتش كمان..
* مرايات كهربا تايواني: 2* 165
* طلمبة مية : مش فاكر نوعها بس الماني برضه مش بتشتغل غير في الطلمبات بس. : 185
* سير كاتينه : 55
* شداد كاتينه : 185
* حساس TPS as Throttle Position Sensor : 225
الحساس ده بيعمل ايه ماعرفش.. بس لما العربية تكون وهي متمورة.. الار بي ام بتاعها بيعلي عن ال1000 لفة.. يبقي ده بنسبة كبيرة يبقي فيه حاجة و باظ..
وعشان تتأكد لو بطلت العربية و دورت ولسة زي ما هي.. تبطكل تاني .. و تفصل الكابل بتاعه و تشوصله و تشوف هتلاقي العربية هديت
و نزلت للعدد اللفات الطبيعي تاني اللي هو في حدود 800

يا رب اكون افدتكم.. و البقية تأتي.. :) :) :)

**linkscat** · 26-07-2008 10:56 PM

Hi All,

that's my first time to post here,wish u can help and guide me,

My car is corsa 2000,1000 CC.

it 's perfect so far but it needs alot of maintenance and spare parts,i used to deal with Elmansour agancy to fix and for regular maintenance service.

But it's so costly specially spare parts ,actully it's my first car I'm in process to replace it(for the spare parts and maintenance reason) ,but till now i dont know how to chose the alternative?

i heard that,Corsa 1600 cc is so perfect and also has cheaper spare parts. do u have any comparison between corsa 1000 and 1600.

what do u recommend for me?? to switch to 1600 cc or any other model or vendor,like Hundai??

Thanks in advance.

Links Cat.

**modux** · 26-07-2008 11:19 PM

linkscat

1st : welcome in Nilemotors

2cd :
i will tell you the solution

one :
keep the corsa 1000 and finish its motor
and
when arriving the end , install a motor 1400 or 1600
it will be a good car

or

buy the corsa 1600 and reach mind peace

**linkscat** · 26-07-2008 11:30 PM

thanks Mohamed for ur reply.

as i got from ur msg ,
1-Corsa 1600 is the best ,what about spare parts cost copmering to 1000?

2-keep on Opel track..what about any other vendor?

thanks again.

Regards.

مشاهدة نتائج الإستطلاع: اية رايك في اسعار قطع غيارها

الموضوع: اسعـــار قطــع غيــــار أوبـــــل كورســـــا (1993-2000)

LinkBack

أدوات الموضوع

عرض

-

-

-

-

-

-

-

المواضيع المتشابهه

هوندا سيفيك 1993 ولا مازدا 323 موديل 2000

متسوبيشى لانسر 1993 ولا هوندا سيفك 1993 ولا اوبل 1999 ولا دايو لانوس او نوبيرا 2000

Opel Corsa 1.2i (1993–2000)

الكلمات الدلالية لهذا الموضوع

المفضلات

المفضلات

ضوابط المشاركة