الموضوع: معلومات مفيده عن الرشاشات وطرق التنظيف

بصوا يا جماعه انا مهندس بفهم شويه على قدى لسه جايب لانوس من 4 شهور بس كان عندى مشكله فى الرشاشات فبعد البحث توصلت لشويه معلومات يمكن تفيدكم او على الاقل تذودوها بخبرتكم الكبيره وشكرا
نبتدى الموضوع
انا اول حاجه عرفتها عن الرشاش انه سلونيد يعنى بيفتح كانه محبس كهربى عشان يعدى البنزين وعرفت منكم انه بيتنظف عن طريق الالترا سونيك بس انا عرفت معلومتين تانى اولا مفيش فايده اننا ننظف الرشاشات وهى مفصوله تغيل انك ماسك حنفيه مقفوله عاوز تنظف مجر المياه بتعها طبعا مش هينفع لنه مقفول يبى لازم اول حاجه اننا نفتح الرشاش هو طبعا بياخد 12 فولت وهتلاقوا مكتوب عليه مكان السالب من الموجب على فكره هو قلب اتجاه الفولت مش هيعمل مشكله بس مش هيفتح الرشاش يعنى مهم جدا نعرف اتجاه الفولت لو مقدرتوش تشوفوا المكتوب عليه ممكن تعرفوه من الوصله بتعته اعتقد انه موضوع ساهل لغايه كده وممكن لوحد مش فاهم احاول اوضح اكتر
بعد كده فيه مشكله تانى وهى ان الرشاش مش باخد الوفول مستمر لفتره طويله لانه بيفتح ويقفل مرات كتيره جدا فى الدقيقه الوحده فا ماينفعش نديله فولت علطول والا هيسخن ويتحرق طيب هانعمل ايه فيه طريقه سهله فى الاستخادم بس يمكن تكون صعبه فى التنفيذ بس هاقولكم على كل الحلول
1 ممكن نصصم دايره تقدر تتحكم فى زمن فتحه وقفله انا هحاول اعملها شرح مبسط وارفعها
2 ممكن نفك الفتحه اللى فى جمب التبلوه الشمال من فوق هنلاقى ريلاى عباره عن بكس صغير وطالع منه 3 اطراف وفكه ساهل جدا ارفع لفوق بقوه ده شكله








:k40:
هنلاقى مكتوب عليه - + out فرده هنوصله بالموجب وفرده هنصلها بالسالب لل12 فولت ممكن ناخد 12 فولت من بطاريه العربيه بكبل او حتى اى محول 12 فولت بتاع اتارى او اورج او ممكن نشتريه بحوالى 12 جنيه بس المهم نتاكد من السالب والموجب الريلاى اللى خلعناه ده بتاع الاشارات والانتظار يعنى هو بيدى فولت ويفصل زى ما بيعمل فى الشارات وعشان نتاكد انا خلعنا واحد صح نجرب الاشاره او الانتظار بع فكه مش هيشتغلو او ما هن وصل الريلاى ده هنسمع صوت تكتكات زى اللى بنسمعها فى العربيه وحنا بنشغل الاشارات كده احنا ماشيين صح الفرده التالته اممممممم ديه مشكله صغيره فى ريليهات بيكون خرجها موجب وريلاهات بيكون خرجه سالب طيب هنعرف ازاى موضوع بسيط لما ها نستخدم افوميتر القياس ونعرف بس ده مجتاج حد بيعرف يستخدمه طيب لو ما نعرفش برده سهلا هنجيب اي لمبه بتاعت اشاره او عداد المهم تكون 12 فولت وهنركب فرده منها فى فردت الاوت بتاعت الريلاى والفرده التانيه بتاعتها هنوصلها مره فى الموجب ومره فى السالب اذا اللمبه ولعت وطفت زى الاشاره يبى هنبص على فردت اللمبه التانيه كده وصلا فين لو فى الموجب يبقى الخرج سالب ولو فى السالب يبقى الخرج موجب وبكده حلينا المشكله هناخد فردت الاوت سواء كانت موجب او سالب ونوصله بمكنها فى الرشاش طبعا على حسب القطبيه الموجب بالموجب والسالب بالسالب كده وصلنا او فرده باقى التانيه وديه هتكون طبعا الفرده اللى عكس الاوت زي ما كنا موصلين اللمبه بظبط وعلى فكره ممكن نيب اللمبه وصله مع الرشاش توضح اذا كانت الدنيا شغاله ولا لا ديه رسمه توضيحيه




طيب كده احنا قلا حالين يمكن يكونوا صعبيين شضويه على بعض الناس في حل تالت ساهل بس غلس وهو نا نعمل حنا الحكايه ديه بادينا يعنى ممكن نخلى فرده مفصوله عن الرشاش ونلمسها ونفصلها كل سنيه طبعا مش هيفرق الوقت بظبط اثناء التنظيف بس المهم مانوصلهوش علطول انه لازم يتفصل عشان الكويل ما يسخنش كده نيجى لطريقه التنظيف والاختبار طبعا فيه اجهزه مخصوصه للاختبار صعب ان نحصلا عليه بس ممكن نعمل كام حاجه كده على ادينا

اولا لو قدرنا نستعين بحد يكون عنده كمبروسور زى اللى بينفخو بيه الكوتش يبقى كويس هانجيب الرشاش وهو مفصول وهنحط الكمبروسور فيه من فوق لو الكمبروسور ليه مسدس صغير بفتحه صغيره يبقى كويس عشان نحكم دخول الهوا وبعدين هنحط الرشاش فى كبايه فيها مياه وصابون من اسفل الرشاش الجزء اللى بيضغ البنزين ونفتح الهوا من غير مانوصل الرشاش بالكهرباء خالص لو ظهرت فوقعات هوا خارجه من اسفل الرشاش يبقى ده بيسرب يعنى بايظ
2 الخطوه التانيه هنوصل الكهرباء بالطريقه اللى اتفقنا عليه ونضخ الهوا برده هنشوف الفقاقيع بتظهر اثناء فتح الرشاش بس معنى كده ان الرشاش بيفتح ويقفل مظبوط بس لسه فى بعض المشاكل زى كميه الضخ وديه صعب نعرفها المشكله التانيه هى سرعت فتح الرشاش وغلقه وديه ممكن تبان على الاقل نعرف اذا كان الكويل مظبوط ولا لا بقياس اوم الكويل يعنى نعرف مقاومه طيب نعرف ازاى اذا كانت مظبطه ولا لا المفوض ان يكون فيه ديجرام او تشريح للرشاش اللى معانا طيب الموضوع صعب بس فيه طريقه تانى وهى ان نقيس الاربعه ونقارنهم ببعض وبكده لو فيه واحد تعبان هيبان الفرق
بالنسبه لطريق القياس سهله لو حد عنده افوميتر ولو معنندناش ممكن نشتريه بعشره جنيه من باب اللوق او اى حد بتاع ادوات كهربائيه وده شكله








هانجيبه على رقم 200 من فوق اللى عليه العلامه الحمرا ونوصل الفردتين بتوعه فى فردتين الرشاش متخافوش مش هتفرق اى فرده فى اى فرده وناخدالقرائه اللى هتظهر على الشاشه وبعد كده هنقرنهم ببعض مش مهم نفهم القرائه لاكن مهم نشوف الفرق لو بسيط فى اخر رقم على اليمين يبى مش مهم لاكن لو كبير يعنى دخل فى خانه العشرات يبى كده فى فرق والرشاش ده فيه مشكله على فكره صعب لاكن ممكن يكون الاربعه بايظين فى الكويل وتكون قرائتهم متلخبطه عن القرائه الاصليه ليهم بس طبعا كل ده اجتهاد

3بعد كده نيجى للالترا سونيك بنحط الرشاش على الالتراسونيك بس لازم يكون واصل بالكهراء المتقطعه اللى عملناها من شويه عشان ينظف من جوه اللتراسونيك ده بيفتت الرواسب باقي ان نشيل الواسب ديه المرادى برده بنستعين بالهوا من الكمبروسور ووممكن لو معندناش نوصله بخطوم ميه رفيع برده هيبين خروج المياه او عدمه وهيوم بالغرض بس المرادى هنوصله بالمقلوب يعنى هنحط الخرطوم فى فتحه الخروج ونوصل الرشاش بالكهرباء علطول من غير التقطيع لمده خمس ثوانى كده احنا بنعكس اتجاه مرور البنزين وبنخرج الرواسب من عكس اتجاه الدخول ممكن كرر العمليه ديه كذا مره وبعدين هانعمله بعد الهوا او الميه بال wd40 عشان نشيل اثار المياه وكمان يبقى فيه مزيب عضوى يشيل اللى مابتشلوش المياه او الهوا بس نفتكر عكس اتجاه مرور البنزين عشان نخرج الرواس من مكان مادخلت ممكن لو معرفناش نتصرف فى اللترا سونيك نحط الرشاش برده مع دايره الفتح المتقطعه فى مياه مغليه عشان تدوب الرواسب وبعد كده بتيجى مرحله محدش يسئلنى عليها عشان انا نفسى مش عارفها وهى تغير فلتر الرشاش ديه صور للحكايه ديه بس انا معرفش ده بيتعمل ازاى وفين لوحد يعرف يفيدنا













وبكده نكون عملنا اللى علينا مع الرشاش والباقى على ربنا بس المهم ننشف الرشاش كويس بعد wd40 ونركب وربنا يسطرها علينا طبعا ده برده اجتهاد يعنى مش معنى كده ان الرشاش بقى 100 * 100 ومفهوش مشاكل بس زى ماقلت احنا عملنا اللى علينا وديه بعض الصور للرشاشات من جوه وبره



















انا اسف انى طولت عليكم وياريت اكون قدرت افيد حد وشكرا