مناقشة حول فلتر بنزين السريون

**معاذ الشرباصى** · 31-03-2009 08:46 PM

المشاركة الأصلية كتبت بواسطة karimone

ماهو مش منطقي ان كل لما تغير فلتر البنزين تغير عوامة البنزين...

و هو ده المنطقي ان الفلتر لوحده والعوامه لوحدها زي ما حضرتك قلت...

هو راجع لتصميم مكان الفلتر و كده, فى عربيات بيبقى مكانه سهل و بعيد عن الطرمبة, و علشان كده بيبقى رخيص, و فى عربيات بيبقى ورا مع الطرمبة و ده فكه صعب, و بيبقى غالى.

لكن زى ما حضرتك شفت هو المفروض مش بيتغير, لكن فى مصرنا الحبيبة مفيش حاجة بتمشى طبيعى ابدا

**medo_sirion** · 31-03-2009 11:23 PM

هوة مكانة فين بالظبط

**معاذ الشرباصى** · 01-04-2009 02:54 AM

المشاركة الأصلية كتبت بواسطة aratux

أنا لسة راجع من معرض نيو كار فى أبو داود الظاهرى فى مدينة نصر
الراجل هناك بيقولى إن فلتر البنزين ب 50 جنيه
إيه رأيكم فى الكلام ده؟

يا باشا ده الرقم المختصر لدايهاتسو: 16168

و ده رقم مركز خدمة العبور: 44771177

حضرتك اتصل هناك و اسأل

لكن بلاش تسمع كلام بتوع المبيعات لأنهم بيفتوا.

فى اكتر من انهم كانوا بيقولوا على فلتر هواء السريون بيتغير بعد 100 الف كم, و غيره و غيره

يا باشا مع الناس دى كبر دماغك

**aratux** · 01-04-2009 06:44 AM

طب لو حضرتك ممكن تبعتلى تليفونك فى رسالة؟
أصل فيه كام حاجة عايز أستفسر عليهم من حضرتك, لو ممكن

**أبو عبدالله** · 01-04-2009 03:16 PM

على فكره انا اتقالي امبارح ان الهوندا والتويوتا نفس الموضوع
فلتر البنزين في عوامة البنزين
وفعلا المفروض انهم مش بيتغيروا ولكن لسوء البنزين ممكن تحتاج تغيرهم ولكن مسألة تحديد التغيير عند 60 الف كم دي مش موجوده

**Eng_aly** · 02-04-2009 06:14 AM

المشاركة الأصلية كتبت بواسطة alijandroo

باقترح عمل شكوى من كل مالك متضرر من السعر على رقم الشكاوى بتاعهم 16168 ويطلب في الشكوى تخيير المالك كما هو مقترح ومتابعة الشكوى من آن لآخر
اما عن السعر في حد ذاته فالحقيقة شئ مستغرب جداً التجاهل التام لكل الشكاوى اللي اتعملت عن سعر قطع الغيار
والرد الأخير الخاص بدراسة أسعار قطع الغيار الحقيقة انا شايفه مش كافي
لا بد من أن يكون الأمر أكثر وضوحاً ويذكر فيه فترة زمنية
يعني الاحترافية ان الرد يكون ان الشركة خلال شهرين مثلاً يعني هاتكون انتهت من عمل الدراسة وتنفيذ توصياتها لو لها توصيات بتخفيض الاسعار
إنما نظام هانبقى نعمل دراسة ونشوف وتعويم الأمور بهذه الطريقة أصبح شئ غير مرضٍ على الإطلاق

الله ينور عليك يا ابو حمزة...انا قولت ان لازم تبقى شكوى جماعية من المجموعة كلها او اكبر عدد مننا ونطلب منهم انهم يفهمونا هو ليه اسعارهم غاليه اوى كدة بقرق كبير بينهم وبين اسعار التوكيلات الاخرى فى قطع اساسيه للعربية يعنى مش كماليات وكمان مستوردة من اليابان بردة ...
وفى حاجة كمان انا مش فاهمها هو ليه فى فرق بين اسعار مركز الرزق فى الاسكندرية ومركز خدمة العبور

**معاذ الشرباصى** · 19-04-2009 12:33 AM

المشاركة الأصلية كتبت بواسطة amrmoustafa

أنا عاوز أضيف حاجة صغيرة و هى ان فلتر البنزين فى الماتيريا سعره 1407 و تيل الفرامل الامامى سعره 420 تقريبا فلتر الهواء 177 دا غير الضريبه و أنا سألت عن سعر فلتر البنزين فى السعودية عند عبد اللطيف جميل لقيت ان سعرة 500 ريال يعنى حوالى 750 جنيه مصرى لكن مركز العبور لم يوافقوا على تركيبه علشان انا اشتريته من خارج التوكيل (طب ما هو هو الوكيل و معايا ما يدل ان انا اشتريته من عبد اللطيف جميل بردة و الا هما هناك غلابه و احناهنا لا)

و انا هناك يوم الاربعاء 15 ابريل, سالنا المهندس فى الورشة هل ممكن فصل الفلتر عن العوامة بحيث ينم بيعهم منفردين و بالتالى ينخفض سعر الفلتر لأرقام معقولة و كانت الاجابة "نعم, من الممكن فصلهم بسهولة"

الكلام ده فى حضور ا/ايهاب ثابت مشرف قطع الغيار فى مركز العبور, و اتفقنا انه هيراجع الموضوع ده و يرد على فى اقرب فرصة.

نتمنى نسمع اخبار كويسة بخصوص الموضوع ده.

**bmya** · 27-05-2013 03:08 PM

طيب ايه استاذ ايهاب مردش لسه ولا ايه؟دعوه لاحياء الموضوع ده من تاني يا جماعه لانه ضروري اانا مش متخيل انه مبيتغيرش كده خالص

-

-

الموضوع: مناقشة حول فلتر بنزين السريون

LinkBack

أدوات الموضوع

عرض

-

-

-

-

-

-

-

المواضيع المتشابهه

ايهما يحترق أسرع بنزين 80 أو بنزين 90 ؟ مناقشة هامة

بعد كتر مشكلة التنتيش.. مناقشة تركيب فلتر بنزين اضافي للماروتي

كلامونى عن استهلاك بنزين السريون 1300

فلتر بنزين

الكلمات الدلالية لهذا الموضوع

المفضلات

المفضلات

ضوابط المشاركة