العيوب الشائعة والنادرة اللي طلعت في عربيتك الجين2

**SaMeR-PrOtOn ‎** · 31-03-2009 02:56 AM

المشاركة الأصلية كتبت بواسطة Ayman_52

الف شكر سامر باشا عالفكره المميزه....وفعلا زى ماحضرتك قولت الموضوع دا هيفيد كتير لان هتكون فيه كل المشاكل متجمعه ..وكمان هتلاقى حلول ليها

وبخصوص اللى ظهرلى...هو الكلام دا كله طلعلى بعد الحادثه اللى حصلت للعربيه

صوت تزييق فى الدريكسيون....تزييق فى الشنطه..حدفه يمين

واظن كانت الخبطه عامل كبير فى ظهورهم

تحيـــاتــى ألـك سامــر باشــا

تحياتي ايمن باشا والحمد لله على السلامة ربنا يحميك ويحفظلك عربيتك ويباركلك فيها ويكفيك شرها وشر الطريق وان شاء الله عربيتك تتصلح وترجع زي الفل بدون مشاكل

**cobco** · 31-03-2009 03:29 AM

يا جماعه انا النهارده لسه عامل صيانه ال5000 وكان عندى صوت التزييق بتاع الكنبه اللى ورا وكمان كان عندى الزوايا بتحدف يمين وقلت للمهندس كده وقالى المكنه بتاعه الزويا بايظه اعملها برة وبس هوة عملى التزييق بصراحه انا بعد ما استلمت العربيه مسمعتش صوت خالص وبعد ما مشيت من عندهم لمبه الصالون اتحرقت انا بقى مش عارف اعمل ايه

**densfog** · 31-03-2009 03:59 AM

المشاركة الأصلية كتبت بواسطة mhelmasry

موضوع جميل جدا أنا صوت على استهلاك البنزين عالى جدا 140 كيلو فى الصفيحة + لما بدوس فرامل العربية بتحدف يمبن + الار بى ام العادى عندى 100 - 110 + لما برفع رجلى عن البنزين بحس ان العربية لسة صوتها عالى لعدة ثوانى وتبدأ توطى .... أرجو الافادة

السلام عليكم
فكره الموضوع جميله اوى احب اشكر استاذ سامر عليها
انا عندى مشكله علو صوت الموتور عند رفع قدمى من على دواسه البنزين علشان انقل الجير ولاحظت ان فى الوقت ده الاربىام بيزيد بحوالى شرطتين (200 ار بى ام ) وكلمتهم عليها فى التوكيل قالى ان ده طبيعى فى موتور جينا
بالنسبه للأستهلاك ناوى باذن الله احسب الأستهلاك بنفسى وذلك انى استنى لحد لمبه البنزين ماتنور ثم افول واصفر العداد واكمل بيها لحد ماتنور تانى واشوف عملت كام كيلو فى 50 ليتر ( تقريبيا) وبالمره اشوف عداد حساب الأستهلاك شغال صح ولا لأ - بالمناسبه انا العداد عندى بيقرى حوالى 6.6 ليتر لكل 100 كم جوه البلد ( اسكندريه الأيام دى مش زحمه) وحوالى 6.1 ليتر لكل 100 كم على السريع (عربيتى مانيوال 2009)
بالنسبه للعيوب الأخرى:
1- كنت حاسس ان مشوار الفرامل كبير شويه وكنت مقلق منها وروحت التوكيل واخدوا الهوا منها وبقت كويسه
2- هزه فى الدركسيون بعد 100 كيلو وحدفه يمين بسيطه اثناء السير وفى التوكيل قالولى انها محتاجه ترصيص وظبط زوايا بس قلت حاعملهم بره التوكيل ( فى بريدجستون اوفر فى الفلوس وبالمره املى الكاوتش نيتروجين)
3- الشنطه لما كنت بافتحها من الداخل كنت لما اجى اقفلها لازم احرك لسان فى القفل بايدى وصلحوها فى صيانه الألف
4- صوت بسيط جدا من التابلوه فى المطبات الرخمه
بالرغم من كل ده اقول الحمد لله على اختيارى لجينا ومكنتش حلاقى سياره تانيه بنفس الأمكانات والشكل المميز ده فى السعر ده والحمد لله انها -لحد دلوقتى- عيوب بسيطه يمكن التغاضى عنها او اصلاحها بسهوله مش توقف العربيه فى ساعتها وتخالينى اتصل بونش يشيلها من الطريق - لاقدر الله- بالمناسبه فى التوكيل اتعرفت على مقدم فى البحريه معاه جين 2 وسالتوه عنها قالى انه كان معاه ميجان 2000 سىسى طبعا الميجان كانت انعم من ناحيه العفشه والماتور وكانت اقل فى استهلاك البنزين بس هو شاف معاها مشاكل كتير فى الكهرباء والكمبيوتر خليته يتخلص منها ويجيب جين 2 وهو راضى عنها جدا
وشكرا ليكم جدا والسلام عليكم ورحمه الله وبركاته

**Ayman_52** · 31-03-2009 04:06 AM

المشاركة الأصلية كتبت بواسطة cobco

يا جماعه انا النهارده لسه عامل صيانه ال5000 وكان عندى صوت التزييق بتاع الكنبه اللى ورا وكمان كان عندى الزوايا بتحدف يمين وقلت للمهندس كده وقالى المكنه بتاعه الزويا بايظه اعملها برة وبس هوة عملى التزييق بصراحه انا بعد ما استلمت العربيه مسمعتش صوت خالص وبعد ما مشيت من عندهم لمبه الصالون اتحرقت انا بقى مش عارف اعمل ايه

اولا الف الف مبروك على صيانه الــ5000....وعقبال الــ500000

هما لسه ماصلحوش مكنة ضبط الزوايا....

معلش حضرتك ممكن تروح تعمل الزوايا عند بريدجستون...ناس محترمين جدا..وشغلهم كويس...وكمان لنايل موتورز تخفيض...بس لازم يكون عند حضرتك الاستيكـر...واللمبه امرها بسيط ان شاء الله.

الف مبروك...وربنا يباركلك فيها يارب ويحفظهالك من كل شر

**cobco** · 31-03-2009 05:13 PM

شكرا على اهتمامك يا استاذ ايمن وعقبالك

**husseinodeba** · 31-03-2009 10:09 PM

انا كنت صوت للتزييق اللى فى التابلوه
وعلى فكره مش دايما ...ونادرا ما اسمع الترييق او التكتكه دى من ناحيه السائق
اما صوت التكتكه فى الكنبه مظهرش عندى مطلقا ولاحظت فعلا ان فيه شكرتون على اللسان بتاع القفل ..وكمان فيه جلده متثبته فى القفل نفسه ومن غيرها بيكون فيه تكتكه حتى مع الشكرتون

وشكرا للاستاذ سامر على الموضوع المميز ده

**meramor81** · 01-04-2009 03:55 PM

حضرتتك نسيت تكتب عن مشكله اساسيه عند كل الناس تقريبا وهو العمر القصير لتيل الفرامل
والمعاناه بعد تركيبه
طبعا اناكانت عندى مشكله كاوتش الباب بس اتحلت فى التوكيل
اما مشكلتى الاساسيه الان هو صوت صفاره فى الفرامل

**ahmad alshaaer** · 03-04-2009 03:15 AM

الاخت ميرا مور 81 اؤيدك في مشكلة التيل اللي عمره 8000 كم
فعلا

**elmadawy** · 11-04-2009 05:05 PM

في صيانة الخمس الاف وانا في التوكيل ذكرت ان في عيب في المالتى فانكشن ولم يتم اصلاحها حتي الان وجميع الازار بتهنج ومش عارف اعمل ايه اذا في حد حصل معاه الموقف ده يقولي اعمل ايه وشكرا

**M.Abdelshafi** · 11-04-2009 08:23 PM

انا كان عندى صوت التزيق اللى فى الكنبه و اتعمل فى صيانة 1000
و كان عندى الاكصدام الامامى و الخلفى ساقطين لتحت شويه و صوت تزيق لمل اضغط على الفانوس الخلفى قالولى بالنسبه للاكصدامات لازم اسيب العربيه ليوم الأحد (انا كنت هناك يوم خميس) و الفانوس محتاج double stick و مش موجوده
و طبعا مكنش ينفع اسيب العربيه علشان أنا من المنصوره
دلوقتى ظهر عندى صوت التزيق بتاع الدركسيون و الصراحه مستفز جدا و multi function علق مرتين بس اشتغل تانى عادى

مشاهدة نتائج الإستطلاع: ايه العيوب يلي تعرضت لها في عربيتك الجين2

الموضوع: العيوب الشائعة والنادرة اللي طلعت في عربيتك الجين2

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عايز تعرف عربيتك طلعت في أفلام ايه خش هنا

لكل اللي بيفكر يشتري كيا..بعض العيوب المتكررة واسبابها واصلاحها

هل مستوى لانوس انخفض بعد ما بقت شيفرولية ؟؟؟ وماهي العيوب الشائعة فيها

طلعت رخصتك أو رخصة عربيتك أزاي؟

كل واحد يقول ايه العيوب اللي شايفها في عربيته

الكلمات الدلالية لهذا الموضوع

المفضلات

المفضلات

ضوابط المشاركة