الموضوع: هل ممكن تنقل الفتيس المانيوال Clutchless !!!

اركب مع اي سواق تاكسي وخاصة البيجو ال 504 وهو يعلمهالك بشوف ناس كتير بتعملها

المشاركة الأصلية كتبت بواسطة kemo0o

اركب مع اي سواق تاكسي وخاصة البيجو ال 504 وهو يعلمهالك بشوف ناس كتير بتعملها

طيب متعرفش تشرحلنا يا كيموو باشا فكرتة اية ولا ازاى ؟؟؟ اصل كدا تبقى مشكلة المانيوال اتحلت لناس كتير
وهل اضرارة عالية اوى على الفتيس ؟؟

انا اعرف ان فى ناس بتعرف تنقل من غير دبرياش بس ازاى معرفش ومحاولتش اعرف لانها اكيد بتاثر على الفتيس وممكن تكسره

شوف يا سيدي، العملية بتعتمد انك بتقرص على العربية يعني حاجة شبه الأمبليه او الكيك دون و على طول تروح رافع رجلك من على الأكسيراتير بسرعة و في نفس اللحظة تنقل عصاية الفتيس للغيارة المطلوبة و بسرعة برضو. في اللحظة دي بتكون التروس فصلة نتيجة لاختلاف حاجة كدة موش عارف ايه هية (تقريبا ضغط الزيت او حاجة زي كدة) المهم الموضوع ده الواحد بيعمله لما يكون واير الدبرياج مقطوع.

أما عن المخاطر، فممكن تبوظلك تروس او غوايش الفتيس لو ما اتعملتشي مظبوط.

الفكرة إن سرعة العجل و التروس فى الجير بوكس و الموتور كلهم بنفس السرعة يعنى نسبيا متوقفين فى نظر كل واحد منهم و بكدا تقدر تنقل عادى أكن العربية واقفة

شكرا يا رجاله على الردود السريعه
بس انا عايز افهم بالزبط أزاي ؟؟
وهل ممكن اي حد يتعلمها ولا ممكن يطير فتيس؟؟
العمليه لسه مش واضحه ومحتاجين تفاصيل
وهل تنفع بس على الار بي ام الواطي ولا ممكن على العالي؟؟

بص يا باشا انت ممكن تمور من غير مادوس دبرياش بس انت كدة بتخلع ترسين مندمجين مع بعض وبسرعة معينة فجائيا وده علميا غلط لازم تفصل حركة الموتور الاول عن الفتس وبعدين تمور وممكن بردو تعشق التروس كلها ماعدا الاول من غير دبرياج في حالة تساوي سرعة العربية مع الغيار اللي هتديهولها وده مش غلط بس ده مبيحصلشي دايما لأنك مش هتعرف تقدرها كل مرة فممكن مرة تعشق الترس يتكسر فلازم بردو تدوس دبرياج وبذلك في الحالات لازم تدوس دبرياج .

المشاركة الأصلية كتبت بواسطة saidbakr

شوف يا سيدي، العملية بتعتمد انك بتقرص على العربية يعني حاجة شبه الأمبليه او الكيك دون و على طول تروح رافع رجلك من على الأكسيراتير بسرعة و في نفس اللحظة تنقل عصاية الفتيس للغيارة المطلوبة و بسرعة برضو. في اللحظة دي بتكون التروس فصلة نتيجة لاختلاف حاجة كدة موش عارف ايه هية (تقريبا ضغط الزيت او حاجة زي كدة) المهم الموضوع ده الواحد بيعمله لما يكون واير الدبرياج مقطوع.

أما عن المخاطر، فممكن تبوظلك تروس او غوايش الفتيس لو ما اتعملتشي مظبوط.

+1

من كام يوم كنت راكب ميكروباص ع المحور و بعدين سلك الدبرياج أتقطع من الراجل ... قلت يبقي كده أكيد هانتعطل و مش هانوصل علي مايغير سلك الدبرياج فيها مواوايل.

السواق فضل يزؤد علي الأكسراتير و ينقل الفتيس يروح عامل صوت(يعض) وكل محاولة يزود و يعض .. و بعدين راح مغير زي الحلاوة ...

المهم الركاب مكانتش فاهمة فيه ايه و انا قلتله بس نزلني هنا (في حتة مقطوعة) بس عشان انزل قبل ما الـ14 راكب ينزلو و الاقي اي مكروباز فيه مكان فاضي يقفلي ..

راح الراجل بعد مانزلني مبطل العربية و غير ... أول ما دورطلعت العربية نطرت منه و بعدين كارك ع الأكسراتير تاني و جايب التاني و سحب .... بقيت هاتجنن أعرف هو طلع ازاي من غير ما يدوس ع الدبرياج .. ومشي و سابني ع المحور لوحدي ..!

فأكيد السواق ده طلع بالطريقة اللي انت قلت عليها دي