الموضوع: (( رابطة الاسطورة فيات 131 ))

المشاركة الأصلية كتبت بواسطة osman1

والله ياباشا انا كل يوم ادخل واشوف المشاركات اليومية لك وجميع الاخوة الاعضاء بس للاسف مافيش وقت للمشاركة منى بسبب زحمة الشغل الغير عادية ونظراً لان شغلى هو الكمبيوتر ف بروح البيت ما بجيش جنب الكمبيوتر
وانا شاكر لك سرعة الاجابة وزوقك الرفيع جداااااااااااااااااااا
واليك الموضوع بالتفصيل شوية
عندنا دايما رواسب فى البنزين 80 وكل شوية اغير فلتر بنزين تقريباً كل شهر اوقات تلاقى العربية ماشية زى الفل وتسحب وتجرى لغاية 140 كيلو وسعات تلاقيها عند سرعة 100 تبداء تقطع وتنتش وادوس على دواسة البنزين مفيش اى بــــور وتروح مبطلة اروح راكن واقعد ادوس على دواسة البنزين عدة مرات لغاية ماتبداء العربية صوتها يطلع تانى والموضوع بيتكرر كل فترة وكل واحد يقول ( الميكانيكية ) حاجة شكل مثلا دى العوامة لالا دى طلمبة البنزين لا دى وساخة كربرتير لالا دى وساخة فى التنك وانا حتى الان مش عارف المشكلة فين بالضبط ؟؟؟

[frame="9 10"]
اخى العزيز
اشتراكك فى الرابطة شرف لينا
وتواجدك بالمشاركة ونس لينا
اخى العزيز
بنزين 80من اسؤ انواع البنزين و غير متوافق مع 131 للاسف
ومن المتوقع حصول كل الاعراض المزكورة من طرف سيادتكم
وعن تجربة شخصية مع بنزين 80
كل الاعراض دى و اكتر حصلت معايا
الحل
مع استمرار استعمال بنزين 80 يجب اتباع التالى
1- فك تانك البنزين و دورة البنزين كاملة و عمل نظافة ليها
2- تفويل التانك عند استهلاك نصف التنك ولا تستعمل النصف الاخير نهائيا
3- ظبط الموتور على بنزين 80
4- وضع بنزين 92 من وقت للتانى لتحسين الدورة و الحرق
5- التاكد من جودة و صلاحية جميع الفلاتر و طقم الكهرباء
والله ولى التوفيق

[/frame]

المشاركة الأصلية كتبت بواسطة mirafory

ربنا ما يجيب عمره يا استاذ حسام
الموتور ما شاء الله حالته 95%
وبغير الزيت على 1500 كيلو توتال كوارتز
والفلاتر على 3000 كيلو
بس في مشكله صغيره
((الموتور الصبح وهو بارد بيهز العربيه اوي ))
وهل اي ميكانيكي بيعرف ينظف الكاربراتير
لاني كل ما اروح لميكانيكي واقوله ظبط العربيه دي يقولي العربيه مافيهاش الهوا
من غير ما يحل كاربراتير ولا بكات الهوا ولا الرشاشات(ده اعتقادي)
جواب سريع لو سمحت<<<<<<<<<<<<<<<<<

[frame="9 10"]
ربنا يبارك ليك فيها و تعرف تحافظ عليها كمان و كمان
موتور 131 موتور معمر لو عرفت تحافظ على مواعيد غيار الزيت و القيادة الحكيمة
انا عملت بعد العمرة 150 الف كيلو و بعت العربية و الموتور لسة كويس بحمد الله
احسن حاجة بالنسبة للكربراتير هوة اصلاحة عند متخصص
والكلام دة لكل اجذاء العربية
متخصص للعفشة
متخصص للكارونة
متخصص سمكرة و الدوكو
متخصص ظبط الكامة
متخصص الفرامل
طبعا الميكانيكا مع الميكانيكى
طبعا الكهربائى
يعنى الملخص حاول تضور على متخصص لكل عيب انتا حترتاح
بالنسبة لاهتزاز الموتور فى الصباح
ممكن تكشف على قواعد الموتور عند الميكانيكى
فى الغلب حتكون ناشفة او متقطعة
دة حيقلل و يمنع اهتزتز الموتور بعون الله
والله ولى التوفيق
[/frame]

المشاركة الأصلية كتبت بواسطة hema_hn

برجاء المشاركة فى هذا الموضوع ضرورى
http://www.nilemotors.net/nile/145792-a.html

[caution]
[frame="9 10"]
[frame="9 10"]
برجاء من السادة الاعضاء الاشتراك فى الموضوع المرفق للاهمية
والتفعال معاة ان امكن
[/frame][/frame]
[/caution]